Gbasamɔ 13:16 - Takarata pɛ Sɔ Mbombe Mbon

¹⁶ Ngase bebe wi mana gasa wi, ngase wan-kpamɔ mana fabha wi, ngase bele mana bala, ngɔnzu ɛngɛ nɔsasa hio wi fɛt nde, mbwa akpa ma dafu ha wekɔ mbwa nɛ ha sɔngsi mbwa.

Gbasamɔ 13:16 ပူးပေါင်းရင်းမြစ်များ

Deamɔ 26:22

Ma, Sɔ ha pama mi hɔ ha swe mɛsɛ, nɛ mi bhɔna ka ha bulo wen ha hio konga wi nɛ hio fabha wi gbesi. Hio *wan-tɔkuliwen hinɛ Moïse batɔ wen mɔ ka behɔ. Nɛ mi tɔ kanɛ ndangtɛ wen ɛngɛ nde,

1 Korente 12:13

Ngase ɔ nê kandɔ *zuife mana olo kandɔ, ngase ɔ nê bala mana bele, yo nê ndanga *Nzɔy-Sɔtɛ ndang ka wesara ɔ gde tuka kilitɛ ndang nɛ wal gdumso ɔ ha li. Nɛ yo nê ndangtɛ Nzɔy-Sɔtɛ ɛngɛ ka don ha zang sila ɔ.

Galasi 3:28

Mɛgi, gbaa soko kandɔ *zuife nɛ olo kandɔ bo fin na. Gbaa soko bala nɛ bele bo fin na. Gbaa soko wei nɛ bhoko bo fin na. Ha dea sɔy hinɛ Jésus-Christ, ɛnɛ fɛt tɛ bo nê wi ndang.

Galasi 6:17

Kpasawen, hio sali dalɛ ka dung ha tɛ mi osi long nde, mi nê pɛ Jésus. Mɛgi, angiri sising, ka ma wi ayeksi fin mi na.

Efeze 6:8

Tazu ɛnɛ agba nde, Kongawan bekɛ wi ndang ndang fɛt lɛm nɛ tom ka wia dea. Ngase ka wia nê bala mana bele.

Kolose 3:11

Mɛgi, kandɔ *zuife, hio olo kandɔ, hio wan-gɔn sɔru, hio wan-sɔru, hio wi mɔ bebe le, hio tombɔ, hio bala nɛ hio bele, mbwa fɛt bo fin nɛtɛ-nɛtɛ na. Gasa mɔ, yo ka nê Christ, ka dung ang ha tɛ mbwa fɛt.

2 Timothée 3:8

Hio wi ndɔng ha sungoro tɛwen pɛ Sɔ gbesi tuka ka Yanes hinɛ Yambres basungiri nɛ Moïse. Takaramɔ pɛ mbwa nɛ gdangaa, nɛ mɛkaramɔ pɛ mbwa bo nê kpasamɔ na.

Gbasamɔ 11:18

Hio kandɔ tɛ bo nɛ ngambi, ma, sising, ngimɔ ngambi pɛ mɛ hɔa. Yo nê ngimɔ gɔna kita ha zu hio fiowi. Yo nê ngimɔ ka mɛ bekɛ nɛ hio wan-tom pɛ mɛ, hio *wan-tɔkuliwen, hio nzɔy wi, nɛ hio wi fɛt ka yu ke ling mɛ, mana bebe wi, mana gasa wi. Yo nê ngimɔ ka mɛ bebhondisi hio wi ndɔng ka bhondisi zu nu.»

Gbasamɔ 15:2

Mi zɔka ma mɔ tuka nana-litɔng ka lia sɔkara may nɛ we. Yo nɛ saa tuka mɔ-zɔk li. Mi zɔka fin hio wi ndɔng ka gana zu ngɔnzu, zu zizi tɛ wa, nɛ zu nɔmɔrɔ mɔ ling wa. Mbwa yola ha zu nana-litɔng ɛngɛ, ka dung nɛ saa tuka mɔ-zɔk li. Hio kunde pɛ Sɔ ha kɔ mbwa.

Gbasamɔ 19:18

Ɛnɛ tɛ tɛ yɔng multɛ hio kongapora, multɛ hio kagama bulo, multɛ hio wan-bibulo, multɛ hio yanga nɛ hio wan-dang yanga, nɛ multɛ hio wi fɛt, bele mana bala, bebe wi mana gasa wi.»

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.

Gbasamɔ 19:5

Hapata ɛngi, mi zea ma gɛl ha gboa ha wal solowan, yo tɔa: «Ɛnɛ, hio wan-tom pɛ Sɔ, ɛnɛ ka yu ke Sɔ, mana bebe wi, mana gasa wi, ɛnɛ fɛt alukisi Sɔ.»

Gbasamɔ 20:12

Nɛ mi zɔka hio fiowi fɛt, mana gasaa mana bebea, ha yola ha li solowan. Ɛ gbosasa hio ma takarata gde long. Nɛ ɛ gbosasa ma mbing takarata ndang, yo nê Takarata Tunɔ. Nɛ Sɔ gɔna kita ha zu hio fiowi lɛm nɛ hio deamɔ pɛ mbwa tuka ɛ ngɛraka yo ha zang hio takarata ndɔng.

Gbasamɔ 20:4

Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.

Gbasamɔ 6:15

Hio *kongapora mɔ nu, hio gasa wi, hio kagama bulo, hio wan-kpamɔ, hio zio wi, hio bala nɛ hio bele, mbwa fɛt wuso tɛ mbwa ha zang hio ngu nɛ ha soko hio gasa ta mɔ ngari.

Gbasamɔ 7:3

«Ka ɛnɛ agdangsi ngase nu, ngase nana-litɔng, ngase hio te sising na. Ɛnɛ keri kanɛ ɔ gdea dafu ha sɔngsi hio wan-tom pɛ Sɔ pɛ ɔ ing.»