Gbasamɔ 13:1 - Takarata pɛ Sɔ Mbombe Mbon

¹ Hapata, mi zɔka ma ngɔnzu ha gboa ha si nana-litɔng. Wɛnɛ nɛ zak bhukɔ, nɛ fin nɛ zu wa mɔrkɔ zanga bwa. Hio ndutu wan bhukɔ ha zu hio zak wa. Ha tɛ hio zu wa ndang ndang fɛt, ɛ ngɛraka ma ling ka fɛngsi Sɔ.

Gbasamɔ 13:1 ပူးပေါင်းရင်းမြစ်များ

Gbasamɔ 11:7

Ka mbwa karsa kɛa wen nu Sɔ, ma ngɔnzu ndang begbo ha zang fongo nɛ bebi bulo sungiri nɛ mbwa. A began zu mbwa, nɛ a begbɛ mbwa.

Gbasamɔ 12:3

Nɛ ɛ zɔka ma mbing mɔweka ha ngɔn. Yo nde, ma gasa gbɛ ndibha ka dung nɛ zu mɔrkɔ zanga bwa, nɛ zak bhukɔ. Hio ndutu wan mɔrkɔ zanga bwa ha hio zu wa.

Gbasamɔ 13:11

Hapata, mi zɔka ma mbing ngɔnzu ha gboa ha si nu. Wɛnɛ nɛ zak bwa tuka pɛ besami, ma, a wolmɔ tuka ndibha.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 13:15

Nɛ zebwa ngɔnzu kpaa ziomɔ mɛ ha ɔmi tunɔ ha zizi bosi ngɔnzu. Mɛgi zizi bosi ngɔnzu lɛma wolamɔ, nɛ haa nu nde, ɛ agbɛ hio wi ndɔng ka kafi lukoso yo.

Gbasamɔ 15:2

Mi zɔka ma mɔ tuka nana-litɔng ka lia sɔkara may nɛ we. Yo nɛ saa tuka mɔ-zɔk li. Mi zɔka fin hio wi ndɔng ka gana zu ngɔnzu, zu zizi tɛ wa, nɛ zu nɔmɔrɔ mɔ ling wa. Mbwa yola ha zu nana-litɔng ɛngɛ, ka dung nɛ saa tuka mɔ-zɔk li. Hio kunde pɛ Sɔ ha kɔ mbwa.

Gbasamɔ 16:13

Nɛ mi zɔka hio ma gdanga sɔtɛ tar tuka hio na-gdangdole ha gboa ha nu ndibha, ha nu ngɔnzu, nɛ ha nu wan-tɔkuliwen dalo.

Gbasamɔ 17:16

Hio zak bhukɔ ka mɛ zɔka, hinɛ ngɔnzu, mbwa besɛn bhoko-de wanza ɛngɛ. Mbwa bekay hio mɔ fɛt ha kɔ wa, gde wɛnɛ nɛ sɔngɛrɛ. Mbwa beyɔng multɛ wa, nɛ mbwa bebesisi olo tɛ wa ha we.

Gbasamɔ 17:3

Hapata ɛngi, *Nzɔy-Sɔtɛ baa mi, nɛ telenge ɛngɛ kuo mi nɛnɛ ha kpɛnu. Haki, mi zɔka ma bhoko ha dungɔnu hazu ma ngɔnzu, ka dung nɛ gbɛa nzong-nzong. Wɛnɛ nɛ zu mɔrkɔ zanga bwa, nɛ hio zak bhukɔ. Ha tɛ wa fɛt ɛ ngɛraka hio ling ka fɛngsi Sɔ.

Gbasamɔ 17:5

Ha sɔngsi wa, ɛ ngɛraka ma ling ka gotoa ha wuso tɛ. Ling ɛngɛ nde: «Gasa le Babilone, nana mɛ hio bhoko-de wanza nɛ nana mɛ hio tili mɔ nyɛl mɔ nzan.»

Gbasamɔ 19:19

Nɛ mi zɔka ngɔnzu, nɛ hio kongapora mɔ zu nu hinɛ hio zugili bulo pɛ mbwa. Mbwa wesara may hazu bi bulo sungiri nɛ wan-dang bu yanga hinɛ zugili bulo pɛa.