Gbasamɔ 12:17 - Takarata pɛ Sɔ Mbombe Mbon

¹⁷ Mɛgi, sila ndibha yimɔ sungiri nɛ bhoko, nɛ a pena ha bio bulo sungiri nɛ hio olo bem pɛ bhoko, ɛ ndɔng ka pam hio wen *mbonga pɛ Sɔ, nɛ ka pama tɛwen ka Jésus kɛ wena.

Gbasamɔ 12:17 ပူးပေါင်းရင်းမြစ်များ

Matthieu 28:20

Nɛ ɛnɛ osi ha mbwa wal mɛ pam hio mɔ fɛt ka mi haa nua ha ɛnɛ. Nɛ ɛnɛ aing nde, mi dung hinɛ ɛnɛ swe fɛt tee, hɔ ha kpogio nzan.»

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

1 Korente 2:1

Hio ya mi, ha ngimɔ ka mi banɛ ha pɛ ɛnɛ, hazu bul wen mɔ wuso ka Sɔ gbasa ha ɔ, mi tɛ ku nɛ zio wen nɛ mbaramɔ pɛ hio wi wol nɛ mɔ ha ɛnɛ na.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

1 Jean 2:3

Ka ɔ ha pama hio *mbonga pɛ Sɔ, ɛngɛ osi ha ɔ nde, ɔ ingɔ Sɔ nɛkpasa.

1 Jean 5:10

Mɛgi, wi ka mɛkiri Bewei pɛ Sɔ, a ingɔ ha zang sila wa nde, wen ka Sɔ kɛa nê tɛwen. Ma, wi ka mɛkiri Sɔ na, a baa Sɔ tuka wan-tɔ dalo. Hazu a tɛ mɛkiri wen ka Sɔ kɛa hazu Bewei pɛa na.

1 Jean 5:2

Ka ɔ ngoya Sɔ, nɛ ka ɔ ha dea mɔ lɛm nɛ hio *mbonga pɛa, yo nê ɛngi ka begbasi ha ɔ nde, ɔ ngoya hio bem pɛ Sɔ.

Gbasamɔ 1:2

Nɛ Jean ha kɛa wen nde, mɔ fɛt ka wɛnɛ zɔka, yo nê wen pɛ Sɔ, nɛ yo fin nê tɛwen ka Jésus-Christ kɛ wena.

Gbasamɔ 1:9

Mi nê Jean, ya ɛnɛ. Nɛ wal Jésus, ɔ hinɛ ɛnɛ tɛ bo nê sɔy ha yeksamɔ, ha *Kongakandɔ pɛ Sɔ, nɛ ha keramɔ nɛ yikosila. Ɛ baa mi tomsi ha kisi ka ɛ sa nde Patmos, hazu mi bulo wen pɛ Sɔ nɛ tɛwen ka Jésus kɛ wena.

Gbasamɔ 11:7

Ka mbwa karsa kɛa wen nu Sɔ, ma ngɔnzu ndang begbo ha zang fongo nɛ bebi bulo sungiri nɛ mbwa. A began zu mbwa, nɛ a begbɛ mbwa.

Gbasamɔ 12:16

Ma, nu gbakara bhoko. Nu bhaa nu wa, nɛ a gulo nanali ɛngɛ fɛt ka ndibha gbosasa ha nu wa.

Gbasamɔ 13:7

Ngɔnzu ɛngɛ kpaa ziomɔ mɛ bi bulo sungiri nɛ hio wi pɛ Sɔ, nɛ mɛ gan zu mbwa. A kpaa ziomɔ ha zu hio nugala fɛt, kandɔ fɛt, nu le fɛt, nɛ kandɔnu fɛt.

Gbasamɔ 14:12

Yo nê ɛngi, lɛma nde, hio wi pɛ Sɔ adung nɛ yikosila, mbwa fɛt ka pam hio wen *mbonga pɛa, nɛ ka mɛkiri Jésus nɛ mboazu.

Gbasamɔ 17:14

Mbwa bebi bulo sungiri nɛ Besami. Ma, Besami began zu mbwa, hazu wɛnɛ nê *Kongawan ha zu hio kongawan fɛt, nɛ Kongapora ha zu hio kongapora fɛt. Nɛ hio wi ka wɛnɛ saa nɛ weka mɛ dung nê pɛa, nɛ ka dung nɛ mboazu, mbwa bedung fin wan-gan bulo hinɛ wɛnɛ gbesi.»

Gbasamɔ 17:6

Nɛ mi zɔka nde, bhoko ɛngɛ fea dɔkɔ nɛ wal nɔa tɔktɛ hio wi pɛ Sɔ nɛ tɔktɛ hio wan-kɛwen tɛ Jésus. Nɛ ka mi gɛra wɛnɛ, mi yaksa pentɛ.

Gbasamɔ 18:20

Ɛnɛ, hio wi mɔ ngɔn, hio wi pɛ Sɔ, hio *wan-nɛtom, nɛ hio *wan-tɔkuliwen, ɛnɛ ade totɛ hazu Sɔ gɔna kita ha zu Babilone mɛ kundiki nɛ ɛnɛ!

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.

Gbasamɔ 19:19

Nɛ mi zɔka ngɔnzu, nɛ hio kongapora mɔ zu nu hinɛ hio zugili bulo pɛ mbwa. Mbwa wesara may hazu bi bulo sungiri nɛ wan-dang bu yanga hinɛ zugili bulo pɛa.

Gbasamɔ 20:4

Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.

Gbasamɔ 22:14

Totɛ ha hio wi ndɔng ka fal la pɛ mbwa nɛ saa. Mɛgi, mbwa bekpa wal mɛ yɔng waya te ka ha tunɔ, nɛ mɛ le ha gasa le nɛ hio nu kina.

Gbasamɔ 6:9

Ka Besami kuso zemɔrkɔ gdangi, mi zɔka mɔ ha si bhandi ha sadaka ha Sɔ. Haki, mi zɔka hio sɔtɛ wi ndɔng ka ɛ bagbɛ mbwa hazu mbwa pama Wen pɛ Sɔ, nɛ hazu mbwa kɛa wena nɛ mboazu.