Gbasamɔ 12:1 - Takarata pɛ Sɔ Mbombe Mbon

¹ Hapata ɛngi, ɛ zɔka ma gasa *mɔweka ha ngɔn. Yo nde, ma bhoko ndang yola swe tuka la ha tɛ wa, nɛ ze dungɔ ha si nanga wa. Ndutu wan mɔ sɔla bhukɔ gbala bwa ha zu wa.

Gbasamɔ 12:1 ပူးပေါင်းရင်းမြစ်များ

Matthieu 12:38

Hapata, hio ma *wan-osi mbonga nɛ hio ma *Farizien tɔa ha Jésus: «Wan-osimɔ, ɔ ngoya nde, mɛ ade ma mɔweka ka osi nde, yo nê Sɔ ka tomsi mɛ.»

Matthieu 24:30

Ha ngimɔ ɛngi, ɛ bezɔk ma *mɔweka ha liswe, ka gbasi nde, mi, Bewei pɛ Wi ha tɛa. Nɛ hio kandɔ fɛt ha nu behe kwa. Mbwa bezɔk mi, Bewei pɛ Wi, ha tɛa ha zu buswe nɛ ziomɔ, nɛ gasa *lɛkɛ-lɛkɛmɔ.

Marc 13:25

Hio sɔla belun ha ngɔn tek ha nu. Nɛ hio mɔ ngɔn fɛt beyak gbirr.

Dede Wen hazu Jésus-Christ ka Luc ngɛraka 21:11

Nu beyak nɛngaya. Foto nɛ ginga zɛlɛ betek ha kandɔnu nɛtɛ-nɛtɛ. Hio gdanga ngamɔ behɔ, nɛ hio gasa *mɔweka begbasi tɛ ha ngɔn.»

Dede Wen hazu Jésus-Christ ka Luc ngɛraka 21:25

«Hio *mɔweka begbasi tɛ ha li swe, ha li ze nɛ ha li hio sɔla. Sila hio wi mɔ nzan bede ke nɛ bebhunziki nɛkpasa, hazu gasa gisi tongbasali pɛ nana-litɔng.

Jean 3:29

Yo nê wan-sibhoko ka besi ko pɛa. Ma, dan mɛ wan-sibhoko nɛ totɛ ka wɛnɛ ze gɛl wa. Mɛgi, mi dung tuka dan mɛ wan-sibhoko, nɛ totɛ pɔm lɛma wɛɛ kari.

Deamɔ 2:19

Mi bede hio *mɔkifi ha ngɔn nɛ hio *mɔweka ha nu. Yo nde, ɛ bezɔk tɔk, we nɛ gir-gir zɛ we.

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

2 Korente 11:2

Mi ha dea gula tɛ ɛnɛ, nɛ gula ɛngɛ tɛ nɛ wal Sɔ. Hazu ɛnɛ dung tuka bhinzi bhoko ka mi gɔna nu mɛ ha ha ma wei ndang, ka dung nê Christ.

Galasi 3:27

Ɛ gdumso ɛnɛ ha li tuka nde, ɛnɛ ade sɔy hinɛ Christ. Nɛ sising, ɛnɛ tɛ bo ha baa may hinɛ Christ.

Galasi 4:26

Ma, Jérusalem mɔ ngɔn dung tuka bele, nɛ yo nê wɛnɛ ka dung nê nana ɔ.

Galasi 6:14

Ma, pɔm, mi sutɛ sɔna hazu wen fio ka *Kongawan pɛ ɔ, Jésus-Christ, fea nɛ ha getakate. Hazu, nɛ wal fio pɛa, hio mɔ nzan fɛt tɛ bo nê fea mɔ ha li mi. Nɛ mi fin, mi tɛ bo nê fiowi ha li nzan.

Efeze 5:32

Ɛngɛ nê ma gasa mbaramɔ ka wi lɛm ing gotoa nɛhasa na. Mi zɔk pɔm nde, wen ɛngɛ, yo ha zu Christ hinɛ giliwi mɔ eglize pɛa.

Gbasamɔ 1:20

Goto hio sɔla mɔrkɔ zanga bwa ka mɛ zɔka ha zang wekɔ mi, nɛ goto solo lamba mɔ gbɛbolo mɔrkɔ zanga bwa, yo nde, sɔla mɔrkɔ zanga bwa nê hio *telenge pɛ hio giliwi mɔ eglize mɔrkɔ zanga bwa, nɛ solo lamba mɔrkɔ zanga bwa nê hio giliwi mɔ eglize mɔrkɔ zanga bwa.»

Gbasamɔ 11:19

Ha zang ngɔn, nu *gasa twa Sɔ gboa long. Nɛ ɛ zɔka ang kubha *mbon pɛ Sɔ. Pioli kolo, gisi nɛ tubho da kolo gboa ha ngɔn, nu yaka, nɛ kolo bhɔkala gɔya nɛdɔka.

Gbasamɔ 12:3

Nɛ ɛ zɔka ma mbing mɔweka ha ngɔn. Yo nde, ma gasa gbɛ ndibha ka dung nɛ zu mɔrkɔ zanga bwa, nɛ zak bhukɔ. Hio ndutu wan mɔrkɔ zanga bwa ha hio zu wa.

Gbasamɔ 15:1

Hapata ɛngi, mi zɔka ma mbing gasa *mɔweka ka yaksi wi fɛt. Yo nê hio telenge mɔrkɔ zanga bwa ka dung nɛ hio kemɔ mɔrkɔ zanga bwa. Kemɔ ndɔng nê hio kpogio kemɔ, hazu Sɔ belɛmsiri ngambi pɛa nɛ wal mbwa.

Gbasamɔ 21:14

Nanga ngeng kin ɛngɛ yol ha zu hio gasa ta bhukɔ gbala bwa. Nɛ ɛ gɔna ling hio *wan-nɛtom pɛ Besami bhukɔ gbala bwa ha tɛ hio ta ndɔng.

Gbasamɔ 21:23

Yo bo fin nê swe mana ze ka lɛma mɛ ba ha zu lea na, hazu yolo lɛkɛ-lɛkɛmɔ pɛ Sɔ ha baa ha zua, nɛ Besami ha dung nê saamɔ lea.