Gbasamɔ 11:8 - Takarata pɛ Sɔ Mbombe Mbon

⁸ Hio wɔl mbwa bedung ha mbango mɔ gasa le, ha bhandi ka ɛ bangba Kongawan pɛ mbwa ha getakate. Ɛ saa ling gasa le ɛngɛ nɛ zɛng nde, Sodome mana Ezipte.

Gbasamɔ 11:8 ပူးပေါင်းရင်းမြစ်များ

Matthieu 10:15

Kpasawen, mi tɔ ha ɛnɛ nde, ha ngimɔ ka Sɔ begɔn kita, wɛnɛ beba hio wi mɔ le ɛngi nɛngaya pen hio wi mɔ le Sodome nɛ Gomore.»

Deamɔ 9:4

A teka ha nu nɛ zea ma gɛl ka ana wɛnɛ: «Saul, Saul, mɛ namili mi hazu ge?»

Hebro 13:12

Yo nê hazu ɛngi, ka Jésus fea ha gdong kin le tuka nde, wɛnɛ agde kandɔ pɛa nɛ nzɔya nɛ wal tɔktɛ wa.

Hebro 6:6

Ngase ɛngi, mbwa laka Sɔ gde. Mɛgi, ɛ lɛm fin ngbɔsi mbwa ha kiforo sila nɛ mbinga na. Hazu, mbwa nɛ tɛ mbwa ngbaa *Bewei pɛ Sɔ ha getakate nɛ mbinga, nɛ mbwa pio foy ha li wa ha li wi fɛt.

2 Pierre 2:6

Ka bo nê pɛ hio le Sodome nɛ Gomore, Sɔ gɔna kita ba hio wi mɛ le ndɔng fin. A besasa mbwa sɛbhɛk. Ɛngi osi ha hio *wan-kafi Sɔ mɔ ka behɔ ha tɛ mbwa.

Jude 1:7

Tazu ɛnɛ agba fin nɛ le Sodome nɛ Gomore, nɛ hio le mɔ pɛtɛa. Hio wi mɔ le ndɔng dea mɔ nak pata pɛ hio telenge ndɔng. Mbwa haa tɛ mbwa ha dea tili wanza fɛt, nɛ fin, mbwa ɔa nu nɛ hio sari. Sising, mbwa ha yɔnga nzata ha we ka besisi kpoo. Nɛ wal mbwa Sɔ gbaa tazu ɔ long.

Gbasamɔ 11:13

Ha ndangtɛ ngimɔ ɛngi, nu yaka nɛngaya. Yo gbaa soko gasa le ɛngɛ bhukɔ, nɛ yo gbinɔ ma bhalkɔa ndang ha sokoa. Nɛ hio wi tomay mɔrkɔ zanga bwa fea ha yo. Gasa ke dona sila hio olo wi, nɛ mbwa lukoso Sɔ ka dung ha zang ngɔn.

Gbasamɔ 11:9

Hio wi mɔ kandɔ fɛt, mɔ nugala fɛt, mɔ nu le fɛt, nɛ mɔ kandɔnu fɛt, mbwa begɛri hio wɔl ndɔng ha yala tar nɛ ndambu. Nɛ mbwa bedol mɛ gun mbwa.

Gbasamɔ 14:20

Ɛ bhala yo ha zang mɔ bhal wayate ha gdong gasa le. Nɛ tɔk foka ha zang mɔ bhal wayate ɛngɛ tuka nanali ka gdukoa hɔ ha nu yanga ha yola, nɛ ka bɔyaa lɛma kilomɛtɛrɛ gɔmmay tar.

Gbasamɔ 14:8

Nɛ ma zebwa telenge gboa hapata bosia, a tɔa: «Gasa le Babilone teka, a teka kari. A haa ba li vigne pɛa ha hio kandɔ fɛt mɛ nɔ nde, ka mbwa ade wanza hebhe tuka wɛnɛ.»

Gbasamɔ 16:19

Mɛgi, gasa le Babilone gbaa soko tar, nɛ hio gasa le pɛ hio kandɔ fɛt tukolo. Tazu Sɔ tɛ bisi nɛ gasa le Babilone na. A haa wɛnɛ kɔpɔ mɔ gdanga ngambi pɛa mɛ nɔ.

Gbasamɔ 17:1

Ha soko hio *telenge ndɔng mɔrkɔ zanga bwa ka ba hio kɔpɔ ndɔng mɔrkɔ zanga bwa, ma ndang tɛa tɛ tɔ ha mi: «Mɛ tɛ, mi beosi ha mɛ kita ka gasa bhoko-de wanza bekpa. Bhokoa, yo nê gasa le ɛngɛ ka dung ha nukolo hio dɔka nanali.

Gbasamɔ 17:18

«Nɛ bhoko ɛngɛ ka mɛ zɔka, yo nê gasa le ɛngɛ ka dung nɛ ziomɔ mɔ kongapora ha zu hio kongapora mɔ zu nu fɛt.»

Gbasamɔ 17:5

Ha sɔngsi wa, ɛ ngɛraka ma ling ka gotoa ha wuso tɛ. Ling ɛngɛ nde: «Gasa le Babilone, nana mɛ hio bhoko-de wanza nɛ nana mɛ hio tili mɔ nyɛl mɔ nzan.»

Gbasamɔ 18:10

Gasa ke bede mbwa ka mbwa bezɔk gasa yukotomɔ pɛa. Nɛ mbwa beyol nɛyɛa nɛ tɔa: «Ngɔtɛ, ngɔtɛ ha mɛ, gasa nɛ zio le Babilone! Ngonga ndang lɛma hazu Sɔ mɛ gɔn kita ha zu mɛ!»

Gbasamɔ 18:18

Nɛ ka mbwa zɔka zɛwe ka besisi wɛnɛ, mbwa gdɔra nɛ tɔa: «Nge ma gasa le ka lɛma may nɛ gasa le ɛngɛ, ge nde?»

Gbasamɔ 18:2

A gdɔra nɛ ngagɛl: «Gasa le Babilone teka, yo teka kari. Yo tɛ bo nê bhandi pɛ hio gdanga sɔtɛ. Yo tɛ bo nê bhandi wusi tɛ pɛ hio tili sɔtɛ fɛt mɔ nzing, nɛ pɛ hio tili nɔy fɛt mɔ nzing nɛ mɔ nyɛl.

Gbasamɔ 18:21

Hapata ɛngi, ma nga telenge kuo ma ta tuka gasa ta hɔn mɔ, pi ha zang nana-litɔng. Nɛ a tɔa: «Yo nê mɛgi ka Sɔ bepi gasa le Babilone nɛ zio kɔ. Ɛ lɛm kpa fin wɛnɛ nɛ mbinga ndang na.

Gbasamɔ 18:24

Sɔ gɔna kita ha zu Babilone, hazu ha pɛa, ɛ kpaa tɔktɛ hio wan-tɔkuliwen, tɔktɛ hio wi pɛ Sɔ, nɛ tɔktɛ hio wi ndɔng fɛt ka ɛ gbɛa ha zu nu.