Gbasamɔ 11:19 - Takarata pɛ Sɔ Mbombe Mbon

¹⁹ Ha zang ngɔn, nu *gasa twa Sɔ gboa long. Nɛ ɛ zɔka ang kubha *mbon pɛ Sɔ. Pioli kolo, gisi nɛ tubho da kolo gboa ha ngɔn, nu yaka, nɛ kolo bhɔkala gɔya nɛdɔka.

Gbasamɔ 11:19 ပူးပေါင်းရင်းမြစ်များ

Gbasamɔ 11:13

Ha ndangtɛ ngimɔ ɛngi, nu yaka nɛngaya. Yo gbaa soko gasa le ɛngɛ bhukɔ, nɛ yo gbinɔ ma bhalkɔa ndang ha sokoa. Nɛ hio wi tomay mɔrkɔ zanga bwa fea ha yo. Gasa ke dona sila hio olo wi, nɛ mbwa lukoso Sɔ ka dung ha zang ngɔn.

Gbasamɔ 11:15

Hapata ɛngi, zemɔrkɔ zanga bwa *telenge dɔma mbia. Hio ma gasa gɛl gboa ha ngɔn nɛ tɔa: «Nzan ɛngɛ tɛ bo ha si ziomɔ pɛ *Kongawan pɛ ɔ hinɛ *Mesi pɛa. A bedung *kongapora ha zua kpoo nɛ kpoo.»

Gbasamɔ 12:1

Hapata ɛngi, ɛ zɔka ma gasa *mɔweka ha ngɔn. Yo nde, ma bhoko ndang yola swe tuka la ha tɛ wa, nɛ ze dungɔ ha si nanga wa. Ndutu wan mɔ sɔla bhukɔ gbala bwa ha zu wa.

Gbasamɔ 16:1

Hapata ɛngi, mi zea ma gɛl ka gboa ha zang *gasa twa Sɔ. Yo tɔa ha hio *telenge mɔrkɔ zanga bwa: «Ɛnɛ nɛ nɛ gɔsi hio kɔpɔ mɔrkɔ zanga bwa mɔ ngambi pɛ Sɔ ha zu nu.»

Gbasamɔ 16:18

Pioli kolo, gisi nɛ tubho da kolo gboa ha ngɔn, nɛ nu yaka nɛngaya. Angiri ha ngimɔ ka hio wi ang ha zu nu, nu tɛ yak nɛngaya mɛgi swe ndang na. Yaka nu ɛngɛ penatɛ.

Gbasamɔ 16:21

Nɛ gasa kolo bhɔkala ɔla ha zu hio wi. Zio kili bhɔkala ndang ndang lɛma nɛ kilo bhukɔa nar. Nɛ hio wi fɛngsa Sɔ hazu kemɔ mɔ bhɔkala, ka dung nê gdanga kemɔ nɛkpasa.

Gbasamɔ 19:11

Hapata ɛngi, mi zɔka ngɔn gboa long, nɛ ma bu yanga yola ang. Ling wan-dang yanga ɛngɛ nde, «Wan-mboazu» nɛ «Wan-tɛwen.» Wɛnɛ ha gɔna kita nɛ ha bio bulo nɛ wala nzeng.

Gbasamɔ 4:1

Hapata ɛngi, mi zɔka fin ma zizimɔ: Mi zɔka ma nutwa ka gboa ha zang ngɔn long. Nɛ ndangtɛ gɛl wi ka mi zea nɛ bosia, wolamɔ ha mi tuka gɛl mbia, nɛ tɔa: «Mɛ dang hakɛ ka mi aosi ha mɛ mɔ ndɔng ka behɔ ha pata.»

Gbasamɔ 4:5

Pioli kolo, gisi nɛ tubho da kolo dungɔ ha gboa ha solowan ɛngɛ fin. Hio kan mɔrkɔ zanga bwa dungɔ ha baa we ha lia. Hio kan ndɔng mɔrkɔ zanga bwa, yo nê hio Sɔtɛ mɔrkɔ zanga bwa pɛ Sɔ.

Gbasamɔ 7:15

Yo nê hazu ɛngi, ka mbwa yol ha li solowan pɛ Sɔ nɛ mbwa de tom ha wɛnɛ swe nɛ zɛ ha nzɔy twa pɛa. Nɛ wi kɛ ka dungnu ha solowan, bede le ha soko mbwa, nɛ a bepam mbwa.

Gbasamɔ 8:5

Hapata, telenge ɛngɛ kuo we ha bhandi ha sadaka a ha zang kpana ɛngɛ don. Nɛ ka wɛnɛ pio yo ha zu nu kari, tubho da kolo, gisi, nɛ pioli kolo tɛa, nɛ nu yaka nɛngaya.

Gbasamɔ 8:7

Nɛ ka bosi telenge dɔma mbia, kolo bhɔkala nɛ we ka sɔkara nɛ tɔk, gɔya ha zu nu. Nɛ nu hinɛ hio te fɛt gbaa soko tar, nɛ bhalkɔa ndang bea we. Hio mbɔngi bɛlɛ fɛt bea we fin.