Gbasamɔ 11:18 - Takarata pɛ Sɔ Mbombe Mbon

¹⁸ Hio kandɔ tɛ bo nɛ ngambi, ma, sising, ngimɔ ngambi pɛ mɛ hɔa. Yo nê ngimɔ gɔna kita ha zu hio fiowi. Yo nê ngimɔ ka mɛ bekɛ nɛ hio wan-tom pɛ mɛ, hio *wan-tɔkuliwen, hio nzɔy wi, nɛ hio wi fɛt ka yu ke ling mɛ, mana bebe wi, mana gasa wi. Yo nê ngimɔ ka mɛ bebhondisi hio wi ndɔng ka bhondisi zu nu.»

Gbasamɔ 11:18 ပူးပေါင်းရင်းမြစ်များ

Matthieu 5:12

Ɛnɛ de totɛ nɛ gaga, hazu mɔ-kɛ ɛnɛ nɛ gasaa ha zang ngɔn. Hio *wan-tɔkuliwen ka badung sɔngsi nɛ ɛnɛ, ɛ banamili mbwa gbesi tuka ɛngi fin.»

Dede Wen hazu Jésus-Christ ka Luc ngɛraka 1:50

Ngimɔ fɛt a de kobhe. Sɔ de kobhe tɛ wi ndɔng, ka yu ke wa nɛkpasa fɛt.

Hebro 9:27

Wi ndang ndang fɛt befe hireng, nɛ hapata Sɔ begɔn kita ha zu mbwa.

Gbasamɔ 10:7

Ha ngimɔ dɔma mbia pɛ zemɔrkɔ zanga bwa telenge, Sɔ belɛmsiri mɔ ka wɛnɛ babheki nɛ wuso. A bede mɔ tuka wɛnɛ batɔ wena ha hio wan-tom pɛa, hio *wan-tɔkuliwen.»

Gbasamɔ 11:2

Ma, ka mɛ aweki zang dɛl mɔ gdong gasa twa Sɔ na, hazu ɛ haa yo ha hio wi ndɔng ka bo nê *zuife na. Mbwa be-um nzɔy gasa le lɛm kilize bhukɔa nar gbala bwa.

Gbasamɔ 13:10

Ka Sɔ weka nde, ma wi adung nê wan-zɔbhɔ, bede ka gan, a benɛ ha twa zɔbhɔ. Ka Sɔ weka nde, ɛ agbɛ ma wi nɛ gbapa, bede ka gan, ɛ begbɛ wɛnɛ nɛ gbapa. Ha ngimɔ ɛngi lɛma ka lɛm nde, hio wi pɛ Sɔ abhɔn ka ha mɛkara Sɔ nɛ yikosila.»

Gbasamɔ 13:16

Ngase bebe wi mana gasa wi, ngase wan-kpamɔ mana fabha wi, ngase bele mana bala, ngɔnzu ɛngɛ nɔsasa hio wi fɛt nde, mbwa akpa ma dafu ha wekɔ mbwa nɛ ha sɔngsi mbwa.

Gbasamɔ 14:10

mbwa benɔ ba li vigne pɛ Sɔ. Yo nê li vigne mɔ ngambi pɛ Sɔ, ka wɛnɛ tɛ sɔkiri na, nɛ ka wɛnɛ gɔsa ha zang kɔpɔ mɔ ngambi pɛa. Nɛ mbwa bekpa yukotomɔ ha zang we nɛ piti we ha li hio nzɔy telenge nɛ ha li Besami.

Gbasamɔ 15:1

Hapata ɛngi, mi zɔka ma mbing gasa *mɔweka ka yaksi wi fɛt. Yo nê hio telenge mɔrkɔ zanga bwa ka dung nɛ hio kemɔ mɔrkɔ zanga bwa. Kemɔ ndɔng nê hio kpogio kemɔ, hazu Sɔ belɛmsiri ngambi pɛa nɛ wal mbwa.

Gbasamɔ 15:7

Ha soko hio tunɔ mɔ ndɔng nar, ma ndang kuo hio kɔpɔ mɔ gbɛbolo mɔrkɔ zanga bwa kapini ha hio telenge ndɔng mɔrkɔ zanga bwa. Hio kɔpɔ ndɔng dona nɛ ngambi pɛ Sɔ ka dung nɛ zutunɔ kpoo nɛ kpoo.

Gbasamɔ 18:6

Ɛnɛ ade ha tɛ wa tuka a dea ha tɛ ɛnɛ. Mɔ ka wɛnɛ dea, ɛnɛ akifiri yo ha wɛnɛ zebwa. Ɛnɛ ku li vigne ka ngaya zebwa pen ɛngɛ ka wɛnɛ haa ha ɛnɛ mɛ nɔ, gɔsi ha zang kɔpɔ pɛa.

Gbasamɔ 19:15

Sɔa gbapa gboa ha nu wa. A bemɛl hio kandɔ nɛ yo, nɛ a bengbɔsi mbwa nɛ tongolo wan mɔ bolo. A bebhal mbwa tuka hio wayate vigne hazu lɛmsiri gdanga ngambi pɛ Sɔ, wan-zu mɔ fɛt.

Gbasamɔ 19:18

Ɛnɛ tɛ tɛ yɔng multɛ hio kongapora, multɛ hio kagama bulo, multɛ hio wan-bibulo, multɛ hio yanga nɛ hio wan-dang yanga, nɛ multɛ hio wi fɛt, bele mana bala, bebe wi mana gasa wi.»

Gbasamɔ 19:5

Hapata ɛngi, mi zea ma gɛl ha gboa ha wal solowan, yo tɔa: «Ɛnɛ, hio wan-tom pɛ Sɔ, ɛnɛ ka yu ke Sɔ, mana bebe wi, mana gasa wi, ɛnɛ fɛt alukisi Sɔ.»

Gbasamɔ 20:12

Nɛ mi zɔka hio fiowi fɛt, mana gasaa mana bebea, ha yola ha li solowan. Ɛ gbosasa hio ma takarata gde long. Nɛ ɛ gbosasa ma mbing takarata ndang, yo nê Takarata Tunɔ. Nɛ Sɔ gɔna kita ha zu hio fiowi lɛm nɛ hio deamɔ pɛ mbwa tuka ɛ ngɛraka yo ha zang hio takarata ndɔng.

Gbasamɔ 20:15

Nɛ hio wi fɛt ka ɛ tɛ ngɛriki ling mbwa ha Takarata Tunɔ na, ɛ pio mbwa ha zang tɔ we.

Gbasamɔ 22:12

Jésus tɔa: «Zɔk, mi bepe nɛhasa. Nɛ mi beku hio kɛamɔ pɔm tɛnɛ hazu kɛ wi ndang ndang fɛt lɛm nɛ deamɔ pɛ mbwa.