Gbasamɔ 11:17 - Takarata pɛ Sɔ Mbombe Mbon

¹⁷ Mbwa tɔa: «Kongawan Sɔ, wan-zu mɔ fɛt, mɛ ang nɛ mɛ badung ang. Ɔ tɔ oeba ha mɛ hazu mɛ gbasa gasa ngatɛ pɛ mɛ, nɛ mɛ dea tɛ mɛ kongapora.

Gbasamɔ 11:17 ပူးပေါင်းရင်းမြစ်များ

Matthieu 11:25

Ha ngimɔ ɛngi, Jésus tɔa: «Bafa mi, mɛ nê wan ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ.

Dede Wen hazu Jésus-Christ ka Luc ngɛraka 10:21

Ha ndangtɛ ngimɔ, *Nzɔy-Sɔtɛ donsa sila Jésus nɛ gasa totɛ, nɛ wɛnɛ tɔa: «Bafa mi, mɛ nê wan hazu ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ. Ey, Bafa mi, yo nê mɛ ka ngoya yo mɛgi.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.

2 Korente 2:14

Ɔ ha oeba ha Sɔ hazu wɛnɛ ha ngbɔsa ɔ swe fɛt ha zang nzɔng ka nak pata Christ, wan-gan zu mɔ fɛt. Mɛgi, ha bhandi fɛt ka ɔ nɛ ang, ɔ ha gbasa ingɔmɔ hazu Christ tuka dede pɛl kulomɔ.

2 Korente 9:15

Ɔ aha oeba ha Sɔ hazu zengem dedemɔ pen fɛt ka wɛnɛ haa ha ɔ!

1 Timothée 1:12

Mi ha oeba ha Jésus-Christ, *Kongawan pɛ ɔ, ka haa mi ngatɛ hazu de nɛ tom pɛa. Mi ha oeba ha wɛnɛ hazu a zɔka mi tuka mboazu wi, nɛ a weka mi tuka wan-tom pɛa.

Gbasamɔ 1:4

Yo nê mi Jean ha fan ɛnɛ, hio giliwi mɔ eglize mɔrkɔ zanga bwa ha kandɔnu Azi. Kpasawen, Sɔ ang, a badung ang, nɛ a betɛ. Nɛ hio sɔtɛ mɔrkɔ zanga bwa ha yola ha li solowan pɛa. Wɛnɛ hinɛ hio sɔtɛ ndɔng, nɛ Jésus-Christ, mbwa ade *dede sila ha tɛ ɛnɛ, nɛ aha gaamɔ ha ɛnɛ fɛt.

Gbasamɔ 1:8

*Kongawan Sɔ tɔa: «Mi nê Alfa nɛ Omega, mi ang, mi badung ang, nɛ mi betɛ. Mi nê wan-zu mɔ fɛt.»

Gbasamɔ 11:15

Hapata ɛngi, zemɔrkɔ zanga bwa *telenge dɔma mbia. Hio ma gasa gɛl gboa ha ngɔn nɛ tɔa: «Nzan ɛngɛ tɛ bo ha si ziomɔ pɛ *Kongawan pɛ ɔ hinɛ *Mesi pɛa. A bedung *kongapora ha zua kpoo nɛ kpoo.»

Gbasamɔ 15:3

Mbwa ha bea gima pɛ Moïse, wan-tom pɛ Sɔ, nɛ gima pɛ Besami: «*Kongawan Sɔ, mɛ nê wan-zu mɔ fɛt, hio wi fɛt ha yaksa ha hio gasa deamɔ pɛ mɛ! Mɛ nê kongawan hazu hio kandɔ fɛt, hio bhekamɔ pɛ mɛ nê nzeng, nɛ kpasa!

Gbasamɔ 16:14

Yo nê *Satan ha tomsi hio sɔtɛ ndɔng, ka de hio *mɔweka. Mbwa nɛa ha pɛ hio kongapora mɔ zu nu fɛt hazu wesiri mbwa tuka nde, mbwa abi bulo ha gasa swe pɛ Sɔ, wan-zu mɔ fɛt.

Gbasamɔ 16:5

Nɛ mi zea gɛl telenge ɛngɛ ka dung nɛ ziomɔ ha zu hio li, a tɔa: «Mɛ ka gɔna kita mɛgi, mɛ nɛ nzeng. Mɛ nê nzɔy wi, ka dung ang, nɛ ka badung ang.

Gbasamɔ 16:7

Hapata, mi zea ma gɛl ka gboa ha bhandi ha sadaka, yo tɔa: «Ey, *Kongawan Sɔ, mɛ nê wan-zu mɔ fɛt, hio kita pɛ mɛ nɛ kpasa, nɛ nzeng.»

Gbasamɔ 18:8

Yo nê ɛngi, hio kemɔ tuka ginga zɛlɛ fio, ngɔtɛ, nɛ ginga foto betek ha zu wa ha ndangtɛ swe ndang. We bebesisi wɛnɛ, hazu *Kongawan Sɔ, ka gɔna kita ha zu wa, nɛ ngatɛ fɛt.»

Gbasamɔ 19:11

Hapata ɛngi, mi zɔka ngɔn gboa long, nɛ ma bu yanga yola ang. Ling wan-dang yanga ɛngɛ nde, «Wan-mboazu» nɛ «Wan-tɛwen.» Wɛnɛ ha gɔna kita nɛ ha bio bulo nɛ wala nzeng.

Gbasamɔ 19:6

Nɛ mi zea gɛl dɔka giliwi tuka hio gasa somli, nɛ tuka gasa fuo da kolo. Gɛla tɔa: «Aleluya! Hazu, *Kongawan Sɔ pɛ ɔ, wan-zu mɔ fɛt, tɛ bo nê *kongapora sising.