Gbasamɔ 11:10 - Takarata pɛ Sɔ Mbombe Mbon

¹⁰ Hio wi mɔ nu fɛt bede totɛ hazu fio pɛ hio wi ndɔng. Mbwa bede gaga, nɛ mbwa beha hio dedemɔ ha may hazu hio *wan-tɔkuliwen ndɔng bwa bayukiti mbwa pentɛ.

Gbasamɔ 11:10 ပူးပေါင်းရင်းမြစ်များ

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

Jean 16:20

Mi tɔ kpasawen ha ɛnɛ nde, ɛnɛ behe kwa nɛ ɛnɛ belokitɛ. Ma, hio wi mɔ nzan bede pɛ mbwa nɛ totɛ. Ɛnɛ bedung nɛ ngɔtɛ. Ma, ngɔtɛ pɛ ɛnɛ bekifiri ha totɛ.

Jean 7:7

Hio wi mɔ nzan lɛm sɛn ɛnɛ na. Ma, pɔm, mbwa sɛn mi hazu mi gbasa long nde, deamɔ pɛ mbwa nɛ gdanga.

Deamɔ 5:33

Ka hio wan-kpo zuwen zea wen ndɔng, sila mbwa gdɔya nɛ ngambi. Mbwa ngoya mɛ gbɛ hio wan-nɛtom ndɔng.

1 Korente 13:6

Wɛnɛ bo nɛ totɛ hazu kalbho-kalbho deamɔ na, ma, wɛnɛ nɛ totɛ hazu deamɔ ka lɛm nɛ tɛwen.

Gbasamɔ 12:13

Ka ndibha zɔka nde, ɛ pio wɛnɛ ha nu kari, a naka pata bhoko ka bhɛa bewei.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 13:8

Hio wi mɔ zu nu fɛt belukisi wɛnɛ tuka ma sɔ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Takarata ɛngɛ nê pɛ Besami ka ɛ bagbɛ.

Gbasamɔ 16:10

Zemɔrkɔ telenge gɔsa kɔpɔ pɛa ha zu solowan pɛ ngɔnzu. Mɛgi, ngɛ-ngɛ-ngɛ tutum gdɔka kandɔnu ka ngɔnzu dung *kongapora ang. Nɛ hio wi yɔnga lembe mbwa hazu gasa yimtɛ ka mbwa kpaa.

Gbasamɔ 3:10

Ɛnɛ pama wen nu mi nde, ɛnɛ adung nɛ yikosila. Hazu ɛngi, mi fin, mi bepam ɛnɛ ha ngimɔ *sɛbhalamɔ ka betek ha nzan fɛt hazu we sila wi mɔ zu nu fɛt.