Gbasamɔ 10:5 - Takarata pɛ Sɔ Mbombe Mbon

⁵ Ndangtɛ telenge ɛngɛ ka mi zɔka ha yola nɛ nanga wa ndang ha zu nana-litɔng nɛ ma ndang ha zu nu, guo wekɔ wa ha ngɔn.

Gbasamɔ 10:5 ပူးပေါင်းရင်းမြစ်များ

Deamɔ 14:15

«Hio dan ɔ, ɛnɛ de mɔ mɛgɛ hazu ge? Zɔk, ɔ nê wi gbesi tuka ɛnɛ. Ɔ bul *Dede Wen ha ɛnɛ nde, ɛnɛ ato gdong ha hio buko sɔ ndɔng nɛ ndari tunɔ Sɔ ka bade ngɔn nɛ nu, nana-litɔng nɛ mɔ fɛt ka dung ang.

Deamɔ 17:23

Ka mi ha yala ha zang le, mi ha zɔka hio bhandi sɔ pɛ ɛnɛ. Mi kpaa ma bhandi ha sadaka ndang, ka ɛ ngɛraka mɔ ɛngɛ: ‹Ha sɔ, ka wi ing na.› Yo nê ɛngɛ, ka mi tɛa hazua. Mi betɔ wen mɔ ɛngɛ, ka ɛnɛ lukisi, nɛ ka ɛnɛ ing na.

Rome 1:20

Hio wi lɛm zɔk Sɔ nɛ li mbwa na, ma, angiri ha ngimɔ ka wɛnɛ dea nɛ nzan kanɛ sising, mbwa lɛma ing ngatɛ pɛa ka dung kpoo nɛ kpoo, nɛ dungɔ pɛa tuka Sɔ, nɛ wal hio mɔ fɛt ka wɛnɛ dea. Mɛgi, hio wi bo fin nɛ ma wen ka mbwa betɔ hazu ngangi nɛ tɛ mbwa na.

Hebro 6:13

Ha ngimɔ ka Sɔ bagɔn nɛ nu ha Abraham, a bakan tɛ wa nɛ pɛa tɛ, hazu ma wi ka dung nɛ gasaa pen Sɔ, ka Sɔ akan mɔ nɛ ling wa, ndang bo na.

Gbasamɔ 1:18

Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Gbasamɔ 10:2

Ha kɔ wa, a baa ma bebe takarata nɛ gbosasaa. A gdea nanga wa mɔ wekɔ ha zu nana-litɔng, nɛ nanga wa mɔ gare ha zu nu.

Gbasamɔ 14:7

A tɔa nɛ ngagɛl: «Ɛnɛ yu ke Sɔ, nɛ ɛnɛ lukisi wɛnɛ! Hazu ngimɔ ka wɛnɛ begɔn nɛ kita ha zu hio wi hɔa kari. Ɛnɛ lukisi wɛnɛ ka dea ngɔn nɛ nu, nana-litɔng nɛ hio zu ndong li fɛt.»

Gbasamɔ 16:17

Zemɔrkɔ zanga bwa telenge gɔsa kɔpɔ pɛa ha zang bok. Nɛ ma gasa gɛl gboa ha solowan ka dung ha zang gasa twa Sɔ. Yo tɔa: «Yo kara!»

Gbasamɔ 4:11

«Kongawan, Sɔ pɛ ɔ, mɛ nɛ kongaa hazu kpa lɛkɛ-lɛkɛmɔ, lukosomɔ nɛ ziomɔ. Hazu yo nê mɛ ka dea mɔ fɛt, mɔ ndɔng fɛt ang hazu mɛ ngoya mɛ de yo.»

Gbasamɔ 4:9

Hio tunɔ mɔ ndɔng nar fɛt ha bea gima hazu ha *lɛkɛ-lɛkɛmɔ, lukosomɔ, nɛ oeba ha wi kɛ ka dungnu ha solowan, wɛnɛ ka dung nɛ zutunɔ kpoo nɛ kpoo.