Gbasamɔ 1:18 - Takarata pɛ Sɔ Mbombe Mbon

¹⁸ Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Gbasamɔ 1:18 ပူးပေါင်းရင်းမြစ်များ

Matthieu 11:23

Nɛ ɛnɛ, hio wi mɛ le Kapernaum, ɛnɛ takiri nde, Sɔ begu ɛnɛ ha ngɔn nde? Way! Sɔ bezilsi ɛnɛ kanɛ bhandi pɛ fiowi. Hazu ka bo se nde, hio wi mɛ le Sodome bazɔk hio mɔkifi, ka hɔa ha le pɛ ɛnɛ, ki le Sodome bhɔna kanɛ swe mɛsɛ.

Matthieu 16:19

Mi beha mɛ hio sɔtɛ nutwa mɔ *Kongakandɔ Ngɔn. Mɔ ka mɛ bekafi nde, ɛ ade yo ha nu, Sɔ bekafi yo ha ngɔn. Nɛ mɔ ka mɛ bemɛkiri nde, ɛ ade yo ha nu, Sɔ bemɛkiri yo ha ngɔn.»

Dede Wen hazu Jésus-Christ ka Luc ngɛraka 24:5

Ke baa bhoko ndɔng nɛ mbwa gɛsa zu ha nu. Nɛ wei ndɔng bwa ana mbwa: «Hazu ge ɛnɛ ki tunɔwi ha soko fiowi ge nde?

Jean 11:25

Jésus kiforo wen ha wɛnɛ: «Mi nê wan-tunsi hio fiowi, nɛ mi nê wan-ha tunɔ ha hio wi. Wi ka mɛkiri mi, wɛnɛ bedung nɛ zutunɔ ngase ka wɛnɛ fea.

Jean 14:19

Ha zang bengimɔ tikiring, hio wi mɔ nzan lɛm zɔk mi fin na. Ma, ɛnɛ bezɔk mi hazu mi bedung nɛ zutunɔ, nɛ ɛnɛ fin bedung nɛ zutunɔ.

Rome 6:9

Ɔ ingɔ fin nde, Christ lɛm fe fin na, hazu Sɔ guo wɛnɛ ha soko hio fiowi kari. Fio bo fin nɛ ziomɔ ha zu wa na.

2 Korente 13:4

Kpasawen, ha ngimɔ ka wɛnɛ fea ha getakate, a badung nê mɔka wi. Ma, sising, wɛnɛ nɛ zutunɔ nɛ wal ngatɛ pɛ Sɔ. Ɔ fin ka de sɔy hinɛ Christ, ɔ nê mɔka wi. Ma, ɔ bedung nɛ zutunɔ hinɛ wɛnɛ nɛ wal ngatɛ pɛ Sɔ hazu de tom ha soko ɛnɛ.

Galasi 2:20

Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.

Kolose 3:3

Hazu ɛnɛ fea kari, nɛ tunɔ pɛ ɛnɛ ha wuso tɛ hinɛ Christ hapɛtɛ Sɔ.

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 7:16

Wɛnɛ tɛ bo nê wan-hasadaka bo nɛ wal wen *mbonga pɛ wi na, ma, nɛ wal ngatɛ pɛa mɛ dung nɛ zutunɔ kpoo.

Hebro 7:25

Yo nê ɛngi, ka wɛnɛ lɛma mɛ kpasisi hireng hio wi ndɔng ka tiki nɛ sanga-sanga hapɛtɛ Sɔ nɛ wal wɛnɛ. Hazu wɛnɛ nɛ zutunɔ kpoo mɛ gɔ Sɔ hazu mbwa.

Gbasamɔ 10:6

A kana mɔ nɛ ling Sɔ ka dung nɛ zutunɔ kpoo nɛ kpoo, ka dea ngɔn nɛ mɔ fɛt ang, ka dea nu nɛ mɔ fɛt ang, nɛ ka dea nana-litɔng nɛ mɔ fɛt ang. A tɔa: «Ngimɔ zik fin na.

Gbasamɔ 15:7

Ha soko hio tunɔ mɔ ndɔng nar, ma ndang kuo hio kɔpɔ mɔ gbɛbolo mɔrkɔ zanga bwa kapini ha hio telenge ndɔng mɔrkɔ zanga bwa. Hio kɔpɔ ndɔng dona nɛ ngambi pɛ Sɔ ka dung nɛ zutunɔ kpoo nɛ kpoo.

Gbasamɔ 2:8

«Mɛ ngɛriki ha *telenge pɛ giliwi mɔ eglize ha Simirne wen mɛgɛ: Ɛngɛ nê wen nu wi kɛ ka dung nê bosi wi nɛ kpogio wi, ka bafe nɛ ka kiforo fin ha tunɔ.

Gbasamɔ 20:13

Nana-litɔng gbosasa hio wi ka bafe ang. Fio nɛ bhandi pɛ hio fiowi fin gbosasa hio fiowi pɛ mbwa. Nɛ Sɔ gɔna kita ha zu mbwa fɛt lɛm nɛ deamɔ pɛ mbwa.

Gbasamɔ 20:14

Hapata, ɛ pio fio hinɛ bhandi pɛ hio fiowi ha zang tɔ we. Tɔ we ɛngɛ, yo nê zebwa fio.

Gbasamɔ 3:7

«Mɛ ngɛriki ha *telenge pɛ giliwi mɔ eglize ha Filadelfi wen mɛgɛ: Ɛngɛ nê wen nu nzɔy wi ka tɔ tɛwen. Sɔtɛ nutwa pɛ *kongapora David ha kɔ wa. Ka wɛnɛ gbosasa nutwa, ma wi ndang mɛ gdɔki yo bo na. Nɛ ka wɛnɛ gdɔki nutwa, ma wi ndang mɛ gbosisi yo bo na.

Gbasamɔ 4:9

Hio tunɔ mɔ ndɔng nar fɛt ha bea gima hazu ha *lɛkɛ-lɛkɛmɔ, lukosomɔ, nɛ oeba ha wi kɛ ka dungnu ha solowan, wɛnɛ ka dung nɛ zutunɔ kpoo nɛ kpoo.

Gbasamɔ 5:14

Hio tunɔ mɔ ndɔng nar kɔa: «Amen!» Nɛ hio kotowi ndɔng fɛt ngbio zigolo ha si wi kɛ ka dungnu ha solowan, nɛ ha si Besami, hazu lukisi nɛ mbwa.

Gbasamɔ 6:8

Mi gɛra mɔ nɛ mi zɔka ma mbing yanga. Tɛ wa faya-fuyɛ tuka wɔl wi. Ling wan-dang yanga ɛngɛ nde, «Fio». Nɛ wi kɛ ka ɛ sa nde, «Bhandi pɛ hio fiowi» ndara pata wa. Mbwa gbaa soko hio wi mɔ zu nu fɛt nɛ zugilia nar, nɛ mbwa kpaa ziomɔ mɛ gbɛ zugili ndang ha sokoa nɛ gbapa, nɛ ginga foto, nɛ ginga zɛlɛ, nɛ hio ngɔnzu.

Gbasamɔ 9:1

Hapata, zemɔrkɔ telenge dɔma mbia. Mi zɔka ma sɔla ndang ka bhilo ha ngɔn tek ha nu. Ɛ haa wɛnɛ sɔtɛ nu fongo.