Philémon 1:22 - Takarata pɛ Sɔ Mbombe Mbon

²² Mi ani mɛ fin hazu bhɔngiri ma bhandi gde ha mi. Hazu mi gde tazu mi ha tɛ Sɔ nde, wɛnɛ aze gɔamɔ pɛ ɛnɛ, nɛ wɛnɛ agbosisi liwal ha mi mɛ nɛ ha pɛ ɛnɛ.

Philémon 1:22 ပူးပေါင်းရင်းမြစ်များ

Deamɔ 27:24

Wɛnɛ tɔa: ‹Paul, ka mɛ ayu ke na! Dea ka de nde, mɛ yol ha li *kongapora Sezar. Hazu wen pɛ mɛ, Sɔ bekpasisi wi ndɔng fɛt, ka yal hinɛ mɛ.›

Deamɔ 28:23

Nɛ ka yala ka mbwa baweki ha Paul lɛma kari, mbwa tɛa ha twa pɛa nɛdɔka pen mɔ sɔngsi. A bulo wen *Kongakandɔ pɛ Sɔ ha mbwa, nɛ a kio wal mɛ gan zu mbwa nde, mbwa amɛkiri Jésus. A osa mɔ nɛ sutole kanɛ zɛ nɛ wal tɔla hio ma ngɛrakamɔ ha zang *mbonga pɛ Moïse nɛ ha zang takarata pɛ hio *wan-tɔkuliwen.

Rome 15:24

Ha ngimɔ yali pɔm ka mi benɛ ha kandɔnu Espanye, mi ngoy mɛ zɔk ɛnɛ tuka nde, ɔ adung hinɛ may ngimɔ tikiring. Mi ngoy fin nde, ɛnɛ agbakiri mi ha yali pɔm haki.

2 Korente 1:11

Sɔ bede mɛgi hazu ɛnɛ ha gbakara ɔ ha gɔa wɛnɛ hazu ɔ. A beze hio dɔka wi ka gɔ wɛnɛ hazu ɔ, nɛ a bede *dede sila ha tɛ ɔ. Mɛgi hio wi nɛdɔka beha oeba ha wɛnɛ hazu ɔ.

Filipe 1:19

Hazu mi ingɔ nde, mɔ ndɔng fɛt bede nde, Sɔ akpasisi mi. A bede mɛgi, hazu ɛnɛ ha gɔa wɛnɛ, nɛ hazu Sɔtɛ Jésus-Christ ha gbakara mi.

Filipe 2:24

Nɛ mi gdea tazu mi ha tɛ Kongawan nde, mi nɛ tɛ mi benɛ ha pɛ ɛnɛ nɛhasa fin.

Hebro 13:19

Mi mbo ɛnɛ nɛkpasa nde, ɛnɛ agɔ Sɔ ka mi akifiri si ha pɛ ɛnɛ nɛhasa.

Hebro 13:23

Ɛnɛ aing nde, ɛ gbosasa ya ɔ, Timothée, ha twa zɔbhɔ kari. Ka wɛnɛ hɔa ha pɔm nɛhasa, mi beku wɛnɛ nɛnɛ haki ha zɔka ɛnɛ.

Jacques 5:16

Mɛgi, ɛnɛ gbasi hio gdangamɔ pɛ ɛnɛ ha may, nɛ ɛnɛ agɔ Sɔ hazu may fin nde, ka wɛnɛ akpasisi ɛnɛ ha hio zɛlɛ pɛ ɛnɛ. Hazu, wi ka dung nzeng ha li Sɔ, gɔamɔ pɛa lɛmsiri mɔ nɛdɔka.

2 Jean 1:12

Mi nɛ mɔ nɛdɔka mɛ tɔ ha ɛnɛ. Ma, mi ngoy ngɛriki yo fɛt ha zang takarata na, hazu mi ngoy mɛ nɛ ha pɛ ɛnɛ ka ɔ awolmɔ ha li may, nɛ ka totɛ pɛ ɔ alɛm wɛɛ.

3 Jean 1:14

hazu mi ngoy mɛ nɛ ha pɛ mɛ sising ka ɔ awolmɔ ha li may.