Matthieu 27:19 - Takarata pɛ Sɔ Mbombe Mbon

¹⁹ Ka Pilate boka ha dungɔnu ha zu kiti gɔn kita, ko pɛa tomsa ha wɛnɛ wen mɛgɛ: «Mɛ agu kɔ mɛ ha tɛ *nzeng wi ɛngɛ. Hazu ha zɛ ɛngɛ, sila mi tukolo nɛdɔka ha zɔka lisɔ ha wen pɛa.»

Matthieu 27:19 ပူးပေါင်းရင်းမြစ်များ

Matthieu 1:20

Ma, ka wɛnɛ ha takara mɔ ndɔng, ma *telenge pɛ *Kongawan Sɔ gbasa tɛ ha wɛnɛ nɛ lisɔ, nɛ tɔa: «Joseph, bezang pɛ David, ka mɛ ayu sio Marie nɛnɛ ha twa pɛ mɛ na. Hazu bem ka dung ha zang wa tɛa nɛ wal Nzɔy-Sɔtɛ.

Matthieu 2:19

Ka Herode fea kari, ma *telenge pɛ *Kongawan Sɔ gbasa tɛ ha Joseph nɛ lisɔ ha Ezipte,

Matthieu 2:22

Ma, Joseph yuo ke mɛ de le ha kandɔnu Judée, hazu a zea nde, yo nê Arkelaus, ka dung *kongapora haki ha bhandi pɛ bafa wa. Mɛgi Sɔ tɔa ha wɛnɛ nɛ lisɔ mɛ nɛ ha kandɔnu Galile.

Matthieu 27:18

Hazu wɛnɛ ingɔ nde, ɛ gdea Jésus ha kɔ wa nɛ wal silamɔ.

Matthieu 27:24

Ka Pilate zɔka nde, a lɛm gan zu giliwi na, nɛ ka woto-wotomɔ penatɛ, wɛnɛ ana li, a taya kɔ wa ha li hio wi fɛt nɛ tɔa: «Fio pɛ wi ɛngɛ zɔk mi na! Yo nê wen pɛ ɛnɛ!»

Matthieu 27:4

nɛ tɔa: «Mi dea gdangamɔ, ka mi gdea wan-ngabhala nu ha fio.» Ma, mbwa kiforo wen ha wɛnɛ: «Ɛngɛ zɔk ɔ na. Yo nê wen pɛ mɛ.»

Dede Wen hazu Jésus-Christ ka Luc ngɛraka 23:41

Pɛ ɔ, yo nɛ nzeng, hazu ɔ kpaa mɔ lɛm nɛ deamɔ pɛ ɔ. Ma, wɛnɛ tɛ de ma gdangamɔ ndang na.»

Dede Wen hazu Jésus-Christ ka Luc ngɛraka 23:47

Ka kagama-bulo mɔ Rome zɔka mɔ ndɔng, a lukoso Sɔ nɛ tɔa: «Kpasawen, wi ɛngɛ dungɔ nê *nzeng wi!»

Jean 19:13

Ka Pilate zea wen ɛngɛ, a haa nu nde, ɛ aba Jésus gbo nɛ ha dɛl. Nɛ Pilate dungɔnu ha zu solo gɔn kita ha bhandi ka ɛ sa nde, dɛl tɛlɛfɛn ta. Ɛ sa ling bhandi ɛngi nɛ nu *Hebro nde, Gabata.

Deamɔ 12:21

Ka yala ɛngɛ lɛma, Herode yola la konga pɛa nɛ dungɔnu ha zu solowan. Nɛ wɛnɛ tɔa wen ha mbwa ha li wi fɛt.

Deamɔ 18:12

Ma, ha ngimɔ ka Galion dungɔ gɔfɔrma ha zu kandɔnu Akai, hio zuife guotɛ nɛ sila ndang sungiri nɛ Paul, nɛ mbwa kuo wɛnɛ nɛnɛ ha li kita.

Deamɔ 18:16

Nɛ a yinɔ mbwa pen ha bhandi kita.

Deamɔ 18:17

Mbwa fɛt bhubholo Sostene, wan-zu twa gɔ Sɔ, nɛ angara mɛla wɛnɛ bhɔn ka ha li kita. Ma, Galion pi nu ang ndang na.

Deamɔ 25:10

Ma, Paul kafa nɛ tɔa: «Mi hakɛ ha li kita pɛ kongapora Sezar. Dea ka de nde, ɛ agɔn kita ha zu mi ha bhandi ɛngɛ. Mɛ nɛ tɛ mɛ ingɔ nɛdedea nde, mi tɛ de ma gdangamɔ sungiri nɛ hio zuife ndang na.

Deamɔ 25:17

Mɛgi, mbwa tɛa hakɛ hinɛ mi. Mi tɛ ndekiri na, ma, nɛ mɔ saa mi nɛa nɛ dungnu ha bhandi kita, nɛ mi haa nu nde, ɛ aku Paul tɛnɛ.

Deamɔ 25:6

Festus dea fin yala mɔrkɔ zanga tar mana yala bhukɔ ha Jérusalem, hapata a sio ha Sezare. Nɛ ka mɔsaa, a nɛa nɛ dungnu ha bhandi kita. A haa nu nde, ɛ aku Paul tɛnɛ.

1 Pierre 2:22

A tɛ de gdangamɔ ndang na, nɛ ɛ tɛ ze wen dalo ha nu wa ndang na.

1 Jean 2:1

Hio bem pɔm, mi ngɛriki takarata ɛngɛ ha ɛnɛ yu nde, ɛnɛ betɛ de gdangamɔ. Ma, ka ma wi dea gdangamɔ, ma wan-le gdong wen hazu ɔ ang ha li Sɔ, Bafa ɔ. Wia nê Jésus-Christ, *nzeng wi.