Matthieu 25:42 - Takarata pɛ Sɔ Mbombe Mbon

⁴² Hazu wɔ dea mi, nɛ ɛnɛ tɛ ha mi yɔngamɔ na. Wɔ li dea mi, nɛ ɛnɛ tɛ ha mi li mɛ nɔ na.

Matthieu 25:42 ပူးပေါင်းရင်းမြစ်များ

Matthieu 12:30

«Wi ka bo hinɛ mi na, wɛnɛ sungiri mi. Nɛ wi ka ndɛm mɔ hinɛ mi na, wɛnɛ ha panzaka mɔ.

Matthieu 25:35

Hazu wɔ dea mi, nɛ ɛnɛ haa mi yɔngamɔ. Wɔ li dea mi, nɛ ɛnɛ haa mi li mɛ nɔ. Mi dungɔ gɔn-gɛnɛ wi, nɛ ɛnɛ baa mi nɛ dede kɔ.

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Matthieu 25:43

Mi dungɔ gɔn-gɛnɛ wi, nɛ ɛnɛ tɛ ba mi nɛ dede kɔ na. Mi dungɔ nɛ sɔngɛrɛ, nɛ ɛnɛ tɛ yol la ha tɛ mi na. Mi dungɔ nɛ zɛlɛ nɛ ha twa zɔbhɔ, nɛ ɛnɛ tɛ tɛ zɔk mi na.›

Matthieu 4:2

Ka Jésus zimɔ yɔngamɔ swe bhukɔa nar nɛ zɛ bhukɔa nar kari, wɔ dea wɛnɛ.

Jean 14:21

«Wi ka pam hio mbonga pɔm nɛ ka de mɔ lɛm nɛ yo, wɛnɛ nê wi ka ngoya mi. Bafa mi bengoy wi kɛ ka ngoy mi. Mi fin bengoy wɛnɛ, nɛ mi begbasi tɛ ha wɛnɛ.»

Jean 5:23

A dea mɛgi tuka nde, hio wi fɛt alukisi mi gbesi tuka mbwa lukisi nɛ Bafa mi. Wi ka lukisi mi na, a lukisi Bafa mi ka tomsa mi na.

1 Korente 16:22

Ka ma wi ngoy Kongawan na, fomi pɛ Sɔ aba wɛnɛ. Maranata! Kongawan pɛ ɔ, mɛ tɛ!

2 Tesalonike 1:8

A bepe ha zang gasa lembe we hazu ndulsi wi ndɔng ka ing Sɔ na, nɛ ka kafi mɛ de mɔ lɛm nɛ *Dede Wen tɛ Kongawan pɛ ɔ, Jésus.

1 Jean 4:20

Ka ma wi tɔ nde, a ngoya Sɔ, nɛ wɛnɛ ha sɛna ya wa, wɛnɛ nê wan-tɔ dalo. Hazu, ka ma wi tɛ ngoy ya wa ka dung ha li wa na, a bengoy Sɔ ka wɛnɛ zɔk na, mɛng?