Matthieu 24:39 - Takarata pɛ Sɔ Mbombe Mbon

³⁹ Mbwa tɛ ing ma mɔ ndang na, kanɛ mbeng li hɔa tɛ kay mbwa fɛt pen nɛ. Mɔ behɔ gbesi tuka ɛngi ha ngimɔ ka mi, Bewei pɛ Wi betɛ.

Matthieu 24:39 ပူးပေါင်းရင်းမြစ်များ

Matthieu 16:27

Hazu mi, *Bewei pɛ Wi, betɛ hinɛ hio *telenge pɔm ha zang *lɛkɛ-lɛkɛmɔ pɛ Bafa mi. Nɛ mi bekɛ wi ndang ndang fɛt lɛm nɛ deamɔ pɛ mbwa.

Matthieu 24:3

Ka Jésus dungɔnu ha zu ngari Olivier, hio *wan-yambimɔ pɛa tiko tɛ hapɛtɛ wa. Mbwa dungɔ gbatɛ hinɛ wɛnɛ, mɛgi mbwa ana wɛnɛ: «Mɛ tɔ ha ɔ, mɔ ndɔng behɔ ha nge ngimɔ ge nde? Nɛ nge mɔ begbasi nde, mɛ ha tɛa, nɛ nde, kpogio ngimɔ mɔ nzan ha hɔa, ge nde?»

Matthieu 24:30

Ha ngimɔ ɛngi, ɛ bezɔk ma *mɔweka ha liswe, ka gbasi nde, mi, Bewei pɛ Wi ha tɛa. Nɛ hio kandɔ fɛt ha nu behe kwa. Mbwa bezɔk mi, Bewei pɛ Wi, ha tɛa ha zu buswe nɛ ziomɔ, nɛ gasa *lɛkɛ-lɛkɛmɔ.

Matthieu 24:37

Hio mɔ ka bahɔ ha ngimɔ pɛ Noe, behɔ gbesi ha ngimɔ ka mi, *Bewei pɛ Wi, bekifiri.

Matthieu 24:40

Ha ngimɔ ɛngi, ha soko wi bwa ka bedung ha fɔ, ɛ beku ndang nɛ lak ndang gde.

Dede Wen hazu Jésus-Christ ka Luc ngɛraka 19:44

Mbwa beyangili mɛ nɛ hio ngali pɛ mɛ fɛt gde nɛ gbutunu. Mbwa lɛm lak gde ma ta pɛ mɛ ha zu ma ta ndang na. Hazu mɛ tɛ ing ngimɔ ka Sɔ tɛa tɛ gbakiri mɛ na.»

Jean 3:20

Hio *wan-de gdangamɔ ha sɛna saamɔ. Mbwa nɛ ha saamɔ na, yu nde, gdangamɔ pɛ mbwa betɛ gbo long.

Deamɔ 13:41

‹Ɛnɛ zɔk, ɛnɛ hio wan-bhɛsiri wen pɛ Sɔ, ɛnɛ yaksi nɛ ɛnɛ bhondi! Hazu mi bede ma tom ha ngimɔ tunɔ pɛ ɛnɛ, ka ɛnɛ lɛm mɛkiri ha yo na, ngase ka ma wi tɔa kasia ha ɛnɛ.›»

Rome 1:28

Nɛ tuka ka mbwa kafa ingɔ tɛwen hazu Sɔ, Sɔ gdea mbwa ha zang kalbho-kalbho takaramɔ pɛ mbwa. Mɛgi, mbwa ha dea hio mɔ foy nɛnɛ.

2 Pierre 3:5

Nɛ wal tɔa mɛgi, mbwa kafa mɛ ing mɔ ka mi betɔ sising: Sɔngsi bhee Sɔ dea ngɔn nɛ nu nɛ wal wen nu wa. Sɔ kɛtana soko nu nɛ li, nɛ a gbosasa nu ha si li gde ha dɛl.