Matthieu 23:34 - Takarata pɛ Sɔ Mbombe Mbon

³⁴ Ɛnɛ ze nɛdedea, mi nɛ pɔm tɛ betomsi hio wan-tɔkuliwen, hio wan-mbarimɔ nɛ hio kpasa wan-osi mbonga ha ɛnɛ. Nɛ ɛnɛ begbɛ hio ma, nɛ ɛnɛ bengba hio ma ha getakate, nɛ ɛnɛ bezuri hio ma nɛ zambala ha zang hio *twa gɔ Sɔ. Nɛ ɛnɛ benamili hio oloa ha hio le nɛnɛ.

Matthieu 23:34 ပူးပေါင်းရင်းမြစ်များ

Matthieu 10:23

Ka ɛ benamili ɛnɛ ha ma le, ɛnɛ ayu mɔ pen si ha mbinga. Kpasawen, mi tɔ ha ɛnɛ nde, mi, *Bewei pɛ Wi bekifiri sɔngsi nde, ɛnɛ akarsi tom pɛ ɛnɛ ha zang hio le mɔ *Israel fɛt.

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Matthieu 23:31

Nɛ tɔa wen mɛgi, ɛnɛ fundo tɛ ɛnɛ nɛ tɛ ɛnɛ nde, ɛnɛ nê bezang pɛ hio nagbɛ hio wan-tɔkuliwen.

Dede Wen hazu Jésus-Christ ka Luc ngɛraka 24:47

Angiri ha Jérusalem ɛ betɔ ha hio kandɔ fɛt nde, Mesi lɛmsara mɔ fɛt mɛ kpasisi mbwa. Hazu ɛngi, ka mbwa kiforo sila mbwa, Sɔ bebisi *sɛmbɔ pɛ mbwa.

Jean 16:2

Hio wi bemul bin ɛnɛ pi gbo ha soko giliwi mɔ *twa gɔ Sɔ. Nɛ ma ngimɔ behɔ ka hio wan-gbɛ ɛnɛ fɛt betakiri nde, mbwa de tom Sɔ nɛ wal gbɛa ɛnɛ.

Jean 20:21

Jésus tɔa fin ha mbwa: «Gaamɔ adung hinɛ ɛnɛ. Gbesi tuka Bafa mi batomsi mi tɛnɛ hakɛ ha nzan, mi fin, mi betomsi ɛnɛ ha nzan.»

Deamɔ 1:8

Ma, ka *Nzɔy-Sɔtɛ zilo ha zu ɛnɛ, ɛnɛ bekpa ngatɛ, nɛ ɛnɛ bedung hio wan-bul wen tɛ mi ha hio wi mɛ Jérusalem, hio wi mɛ kandɔnu Judée nɛ kandɔnu *Samari fɛt, gbo ha kpogio nzan.»

Deamɔ 11:27

Ha ngimɔ ɛngi, hio ma *wan-tɔkuliwen guotɛ ha Jérusalem hɔ ha Antioshe.

Deamɔ 12:2

A haa nu mɛ gdɛngiri gɛl Jacques, ya mɛ Jean, nɛ gbapa.

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Deamɔ 14:19

Hio ma *zuife guotɛ ha gasa le Antioshe nɛ Ikoniom tɛnɛ. Mbwa aa sɔkira ha zala hio wi, nɛ mbwa loa Paul nɛ ta. Hazu mbwa takara nde, a fea kari, mbwa daka wɛnɛ nɛnɛ ha gdong le.

Deamɔ 15:32

Nɛ Jude nɛ Silas, ka dungɔ fin nê hio *wan-tɔkuliwen, mboa hio ya ndɔng nɛ dɔka wen hazu ngasisi mɛkaramɔ pɛ mbwa.

Deamɔ 5:40

Mɛgi, mbwa saa hio wan-nɛtom tɛnɛ fin, nɛ haa nu nde, ɛ azuri mbwa nɛ zambala. Nɛ hio wan-kpo zuwen haa nu ha mbwa nde, mbwa awolmɔ fin nɛ ling Jésus na. Hapata ɛ guo kɔ ha tɛ mbwa.

1 Korente 2:6

Tangere, mi ha osa ma mbaramɔ ha hio zɔma wi ha wal mɔ Sɔ. Mbaramɔ ɛngɛ tɛ tɛ nɛ wal nzan ɛngɛ, mana nɛ wal hio wan mɔ nzan ɛngɛ na. Hio wan ndɔng bebhondi fɛt.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

1 Tesalonike 2:16

Ɔ ha bulo wen ha hio kandɔ ka bo nê zuife na, tuka nde, mbwa akpasi. Nɛ hio zuife ngoy mɛ dol ɔ. Mɛgi, mbwa bhɔna ka swe fɛt ha yɛbhasa gdangamɔ pɛ mbwa. Ma, sising, Sɔ ha dea ngambi sungiri mbwa.

Hebro 11:37

Ɛ loa hio ma nɛ ta gbɛ. Ɛ gɔna soko hio ma ha binsila bwa, nɛ ɛ gbɛa hio ma nɛ gbapa. Hio ma mbinga dungɔ ha ndota nɛ ngɔn nɛnɛ tuka hio fabha wi. Mbwa yola kotu sami nɛ kotu gbele mbori tuka la. Hio wi yukoto mbwa, nɛ ɛ dea buu nɛ mbwa.

Gbasamɔ 11:10

Hio wi mɔ nu fɛt bede totɛ hazu fio pɛ hio wi ndɔng. Mbwa bede gaga, nɛ mbwa beha hio dedemɔ ha may hazu hio *wan-tɔkuliwen ndɔng bwa bayukiti mbwa pentɛ.