Matthieu 16:24 - Takarata pɛ Sɔ Mbombe Mbon

²⁴ Nɛ Jésus tɔa ha hio *wan-yambimɔ pɛa: «Ka ma wi ngoy mɛ ndari mi, lɛma nde, wɛnɛ akafi wɔ mɔ nzan fɛt, wɛnɛ agu getakate pɛa gde ha zu bhaka wa, nɛ wɛnɛ andari mi.

Matthieu 16:24 ပူးပေါင်းရင်းမြစ်များ

Matthieu 10:38

Nɛ wi ka gu getakate pɛa na nɛ ka ndari mi na, wɛnɛ lɛm dung wi pɔm na.

Matthieu 27:32

Ka mbwa ha gboa ha gasa le, mbwa kpaa ma wi mɔ Sirene, ling wa nde Simon. Hio wan-bibulo nɔsasa wɛnɛ mɛ gu getakate pɛ Jésus.

Marc 10:21

Mɛgi, Jésus gɛra wɛnɛ nɛ ngoy nɛ a tɔa ha wɛnɛ: «Mɔ ndang ang ka mɛ tɛ de na. Mɛ nɛ, nɛ gdongi mɔ fɛt ka dung ha kɔ mɛ, ha yo ha hio fabha wi nɛ mɛ bekpa kpaamɔ ha ngɔn. Hapata, mɛ tɛ, tɛ ndari mi.»

Marc 15:21

Ha wal, hio wan-bibulo kpaa ma wi ha pea ha fɔ. Yo nê Simon wi mɔ le Sirene, bafa mɛ Alexandre hinɛ Rufus. Nɛ mbwa nɔsasa wɛnɛ mɛ gu getakate pɛ Jésus.

Marc 8:34

Hapata, Jésus saa hio giliwi nɛ hio *wan-yambimɔ pɛa. Nɛ wɛnɛ tɔa ha mbwa: «Ka ma wi ngoy mɛ ndari mi, lɛma nde wɛnɛ akafi wɔ mɔ nzan fɛt. Wɛnɛ agu getakate pɛa gde ha zu bhaka wa, nɛ wɛnɛ andari mi.

Dede Wen hazu Jésus-Christ ka Luc ngɛraka 14:27

Wi ka ngoy dung wan-yambimɔ pɔm, dea nde, wɛnɛ agu getakate pɛa nɛ wɛnɛ andari mi.

Dede Wen hazu Jésus-Christ ka Luc ngɛraka 23:26

Nɛ ka hio wan-bibulo ha kuo Jésus nɛnɛ ha bhandi gbɛ wɛnɛ, mbwa kpaa ma wei mɛ le Sirene ka pe ha fɔ, ling wa nde Simon. Mbwa nɔsasa wɛnɛ mɛ bhangi getakate pɛ Jésus nak nɛ wɛnɛ.

Jean 19:17

Jésus guo getakate pɛa gbonɛ, nɛ wɛnɛ hɔa ha bhandi ka ɛ sa nde, «bhandi gbala zu wi.» Ɛ sa ling bhandi ɛngi nɛ nu *Hebro nde, Golgota.

Jean 21:19

Jésus tɔa mɛgi, hazu osi nɛ tili fio ka Pierre befe nɛ hazu lukisi nɛ Sɔ. Hapata, Jésus tɔa ha Pierre: «Mɛ ndari mi!»

Jean 21:22

Jésus tɔa ha Pierre: «Ka mi ngoy nde, wɛnɛ abhɔn nɛ zutunɔ tee kanɛ mi pea, wen pɛ mɛ ang nê ge? Pɛ mɛ, mɛ ndari nɛ mi!»

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Kolose 1:24

Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

1 Tesalonike 3:3

Mɛgi, sila ɛnɛ lɛm bhunziki ha zang yeksamɔ ndɔng na. Ɛnɛ ingɔ nɛ pɛ ɛnɛ tɛ nde, yeksamɔ ha soko hio mɔ ka Sɔ bheka hazu ɔ.

2 Timothée 3:12

Ey, hio wi benamili ɛ ndɔng fɛt ka ngoy dung nɛ mboazu ha li Sɔ nɛ wal dea sɔy hinɛ Jésus-Christ.

1 Pierre 2:21

Sɔ saa ɛnɛ mɛ de mɛgi hazu Christ nɛ pɛa tɛ kpaa yeksamɔ hazu ɛnɛ fin. A osa wal ha ɛnɛ nde, ka ɛnɛ ade mɔ tuka ka wɛnɛ dea.