Marc 9:50 - Takarata pɛ Sɔ Mbombe Mbon

⁵⁰ Tɔng nê dedemɔ. Ma, ka yo sabhala kari, ɛ lɛm kifiri yo gde nɛ baa fin na. Mɛgi, ɛnɛ adon nɛ tɔng nɛ ɛnɛ adung nɛ gaamɔ ha soko may.

Marc 9:50 ပူးပေါင်းရင်းမြစ်များ

Matthieu 5:13

«Ɛnɛ nê tɔng mɔ nzan. Ma, ka baa tɔng sabhala kari, ɛ lɛm kifiri yo nɛ baa fin na. Tɔng ɛngɛ lɛm de fin dedemɔ ndang na. Lɛma sɔna nde, ɛ agɔsi yo ka hio wi aum.

Marc 9:34

Ma, mbwa kara sɛm, hazu ha wal mbwa dungɔ ha zanga wen ha soko may hazu ing wi, ka dung nɛ gasaa ha soko mbwa.

Marc 9:49

Ɛ bebhɔngiri ɛnɛ fɛt nɛ we, gbesi tuka ɛ gi yɔngamɔ nɛ tɔng.

Rome 12:18

Pɛ ɛnɛ, ka wal ang, ɛnɛ adung nɛ gaamɔ hinɛ hio wi fɛt.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

Efeze 4:29

Ka ma mbuli kalbho-kalbho wen ndang agbo ha nu ɛnɛ na. Ɛnɛ wol sɔna nɛ wen ka gbakiri hio wi, nɛ ka de dedemɔ ha tɛ wi ndɔng ka beze yo.

Filipe 1:27

Pen fɛt, ɛnɛ ade mɔ lɛm nɛ Dede Wen pɛ Christ, mana mi benɛ ha zɔka ɛnɛ, mana mi bhɔna nɛ yɛa. Lɛma nde, mi aze nde, ɛnɛ ha dea tom nɛ kɔ may nɛ ndangtɛ takaramɔ, nɛ nde, ɛnɛ ha bio bulo nɛ sila ndang tuka nde, mɛkaramɔ nɛ Dede Wen ayɛbhi.

Kolose 3:12

Sɔ ngoya ɛnɛ nɛ wɛnɛ weka ɛnɛ tuka nzɔy kandɔ pɛa. Mɛgi, dea nde, ɛnɛ ayol mbombe tɛ wi, ka de kobhe tɛ wi, ka de dedemɔ, ka hil nɛ mɛndi, ka dung nɛ gaa sila nɛ yikosila.

Kolose 4:6

Dea nde, wen nu ɛnɛ adung swe fɛt nɛ yefaa, nɛ fin nɛ baa tuka tɔng. Ɛnɛ aing wal mɛ kifiri wen nɛ wala ha wi ndang ndang fɛt.

1 Tesalonike 5:13

Ɛnɛ atusisi tɛ mbwa, nɛ ɛnɛ angoy mbwa nɛkpasa hazu tom pɛ mbwa. Ɛnɛ ade le nɛ gaamɔ ha soko may.

2 Timothée 2:22

Mɛ ayu hio hɛl ka ba sila pɔlɔmbɔ wi. Mɛ ki wal mɛ de mɔ nzeng, mɛ mɛkiri Christ nɛkpasa, mɛ ngoy ma mɛ, nɛ mɛ dung nɛ gaamɔ hinɛ wi ndɔng ka gɔ Kongawan nɛ saa sila.

Hebro 12:14

Ɛnɛ aki wal mɛ dung nɛ gaa hinɛ hio wi fɛt, nɛ ɛnɛ aki wal mɛ dung nɛ nzɔya ha li Sɔ. Hazu, wi ka de mɛgi na, lɛm zɔk *Kongawan na.

Jacques 1:20

Hazu, ha ngimɔ yimsila, wi lɛm de mɔ ka dung nzeng ha li Sɔ na.

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.