Marc 9:24 - Takarata pɛ Sɔ Mbombe Mbon

²⁴ Nɛhasa, bafa mɛ bem ɛngɛ gdɔra nɛ tɔa: «Mi mɛkara Sɔ! Ma, mɛkaramɔ pɔm nɛ bebea. Mɛ gbakiri mi, ka mi amɛkiri Sɔ nɛkpasa.»

Marc 9:24 ပူးပေါင်းရင်းမြစ်များ

Marc 9:23

Jésus tɔa ha wɛnɛ: «Hazu ge mɛ tɔ ha mi nde, ka mi lɛma de ma mɔ? Wi kɛ ka mɛkiri Sɔ lɛma de mɔ fɛt.»

Marc 9:25

Ka Jésus zɔka nde, hio wi wesara may nɛdɔka pen mɔ sɔngsi, a haa nu nɛngaya ha gdanga sɔtɛ nɛ a tɔa: «Mi haa nu ha mɛ, gdanga sɔtɛ ka gdɔki nu nɛ zala wi, mɛ gbo ha tɛ bem ɛngɛ, nɛ ka mɛ ale ha tɛ wa fin na!»

Dede Wen hazu Jésus-Christ ka Luc ngɛraka 17:5

Hio *wan-nɛtom tɔa ha *Kongawan: «Mɛ angbangsi mɛkaramɔ pɛ ɔ.»

Dede Wen hazu Jésus-Christ ka Luc ngɛraka 7:38

Nɛ a tiko tɛ ha gdong Jésus hapɛtɛ nanga wa. Wɛnɛ hea kwa nɛ milikwa huyo ha nanga Jésus. Nɛ a dio yo nɛ bumɔzu wa. A duyo nanga Jésus nɛ hɔnga yo nɛ liyama.

Dede Wen hazu Jésus-Christ ka Luc ngɛraka 7:44

Nɛ Jésus kiforo tɛ zɔk bhoko ɛngɛ nɛ wɛnɛ tɔa ha Simon: «Zɔk bhoko ɛngɛ nɛdedea! A dea mɔ ka mɛ tɛ de na. Hazu, ka mi lea twa pɛ mɛ, mɛ tɛ ha mi li mɛ fal nɛ nanga mi na. Ma, a taya nanga mi nɛ milikwa pɛa, nɛ a dio yo nɛ bumɔzu wa.

Deamɔ 10:19

Nɛ ka Pierre boka ha takaramɔ hazu zizimɔ ɛngɛ, *Nzɔy-Sɔtɛ tɔa ha wɛnɛ: «Zɔk, wi tar ha kio mɛ.

Deamɔ 10:31

Wia tɔa ha mi: ‹Korneille, Sɔ zea gɔamɔ pɛ mɛ. Tazu wa gbaa nɛ ngay ka mɛ de ha tɛ hio fabha wi.

2 Korente 2:4

Kpasawen, mi ngɛraka takarata ɛngi nɛ gasa ngɔtɛ nɛ ke ha sila mi, nɛ li mi dona nɛ milikwa. Mi ngɛraka yo bo hazu ha ngɔtɛ ha ɛnɛ na, ma, hazu osi ha ɛnɛ nde, mi ngoya ɛnɛ gdang.

Efeze 2:8

A kpasasa ɛnɛ nɛ wal dede sila pɛa ha ngimɔ ka ɛnɛ mɛkara Christ. A kpasasa ɛnɛ, bo hazu ɛnɛ dea dedemɔ na, ma, a kpasasa ɛnɛ nɛ gangtɛ.

Filipe 1:29

Nɛ wal dede sila pɛa, Sɔ weka ɛnɛ bo sɔna hazu mɛkiri Christ na, ma, fin nde, ɛnɛ akpa yeksamɔ hazu ɛnɛ nê pɛa.

2 Tesalonike 1:11

Yo nê ɛngi, ka ɔ gɔ Sɔ swe fɛt hazu ɛnɛ tuka nde, wɛnɛ agde ɛnɛ nɛ zioa ha li wa mɛ kpa *tunɔ kpoo ka wɛnɛ saa ɛnɛ ang. Ɔ gɔ Sɔ fin nde, wɛnɛ alɛmsiri nɛ wal ngatɛ pɛa hio tili dedemɔ fɛt ka ɛnɛ ngoy mɛ de, nɛ hio mɔ ka ɛnɛ de nɛ wal mɛkaramɔ.

2 Tesalonike 1:3

Hio ya ɔ, lɛma nde, ɔ aha oeba ha Sɔ swe fɛt hazu ɛnɛ. Dea mɛgi, yo nɛ wala hazu mɛkaramɔ pɛ ɛnɛ ha kpɔatɛ nɛnɛ sɔngsi, nɛ ngoy ka ɛnɛ ndang ndang fɛt ngoy nɛ may ha yɛbha fin.

2 Timothée 1:4

Tazu mi ha gbaa nɛ milikwa pɛ mɛ, mɛgi mi nɛ hɛl mɛ zɔk mɛ nde, ka sila mi ade totɛ.

Hebro 12:17

Ɛnɛ ingɔ nde, ha pataa, wɛnɛ ngoya nde, bafa wa awol dede wen ha zu wa. Ma, bafa wa kafa, hazu wal mɛ kifiri sila wa bo fin na, ngase ka Ezau kio yo nɛ hea kwa.

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 5:7

Ha zang ngimɔ ka Christ bayol tɛ wi, a gɔa Sɔ nɛ a alanu ha wɛnɛ nɛ ngagɛl nɛ milikwa. Nɛ Sɔ ka lɛma mɛ kpasisi wɛnɛ gbo ha fio, zea wɛnɛ hazu wɛnɛ yuo ke Sɔ.