Marc 8:34 - Takarata pɛ Sɔ Mbombe Mbon

³⁴ Hapata, Jésus saa hio giliwi nɛ hio *wan-yambimɔ pɛa. Nɛ wɛnɛ tɔa ha mbwa: «Ka ma wi ngoy mɛ ndari mi, lɛma nde wɛnɛ akafi wɔ mɔ nzan fɛt. Wɛnɛ agu getakate pɛa gde ha zu bhaka wa, nɛ wɛnɛ andari mi.

Marc 8:34 ပူးပေါင်းရင်းမြစ်များ

Matthieu 10:38

Nɛ wi ka gu getakate pɛa na nɛ ka ndari mi na, wɛnɛ lɛm dung wi pɔm na.

Matthieu 16:24

Nɛ Jésus tɔa ha hio *wan-yambimɔ pɛa: «Ka ma wi ngoy mɛ ndari mi, lɛma nde, wɛnɛ akafi wɔ mɔ nzan fɛt, wɛnɛ agu getakate pɛa gde ha zu bhaka wa, nɛ wɛnɛ andari mi.

Matthieu 27:32

Ka mbwa ha gboa ha gasa le, mbwa kpaa ma wi mɔ Sirene, ling wa nde Simon. Hio wan-bibulo nɔsasa wɛnɛ mɛ gu getakate pɛ Jésus.

Marc 10:21

Mɛgi, Jésus gɛra wɛnɛ nɛ ngoy nɛ a tɔa ha wɛnɛ: «Mɔ ndang ang ka mɛ tɛ de na. Mɛ nɛ, nɛ gdongi mɔ fɛt ka dung ha kɔ mɛ, ha yo ha hio fabha wi nɛ mɛ bekpa kpaamɔ ha ngɔn. Hapata, mɛ tɛ, tɛ ndari mi.»

Marc 7:14

Hapata ɛngi, Jésus saa hio giliwi ndɔng fin nɛ wɛnɛ tɔa ha mbwa: «Ɛnɛ fɛt, ɛnɛ lɛngi zala ɛnɛ nɛ ze wen pɔm nɛdedea.

Dede Wen hazu Jésus-Christ ka Luc ngɛraka 13:24

«Ɛnɛ agbɛngsi tɛ ɛnɛ mɛ le nɛ bho-ngo-ngo nutwa ha *Kongakandɔ pɛ Sɔ. Hazu, mi tɔ yo ha ɛnɛ, hio dɔka wi beki mɛ le haki gan.

Dede Wen hazu Jésus-Christ ka Luc ngɛraka 14:33

Mɛgi Jésus tɔa ha mbwa: «Wi fɛt ha soko ɛnɛ, ka tɛ lak hio mɔ pɛa fɛt gde na, lɛm dung wan-yambimɔ pɔm na.»

Dede Wen hazu Jésus-Christ ka Luc ngɛraka 18:22

Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

Dede Wen hazu Jésus-Christ ka Luc ngɛraka 20:45

Ka hio wi fɛt dungɔ ha zea Jésus, wɛnɛ tɔa ha hio *wan-yambimɔ pɛa:

Dede Wen hazu Jésus-Christ ka Luc ngɛraka 9:23

Nɛ wɛnɛ tɔa ha wi fɛt: «Ka ma wi ngoy ndari mi, wɛnɛ akafi wɔ mɔ nzan fɛt, wɛnɛ agu getakate pɛa yala ndang ndang fɛt, nɛ wɛnɛ andari mi.

Jean 10:27

Hio wi pɔm ha zea gɛl mi gbesi tuka ka hio sami ze nɛ gɛl zaoro mbwa. Mi ingɔ mbwa nɛ mbwa ha ndara mi.

Jean 19:17

Jésus guo getakate pɛa gbonɛ, nɛ wɛnɛ hɔa ha bhandi ka ɛ sa nde, «bhandi gbala zu wi.» Ɛ sa ling bhandi ɛngi nɛ nu *Hebro nde, Golgota.

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Rome 6:6

Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.

Rome 8:17

Tuka ɔ tɛ bo nê hio bem pɛ Sɔ, ɔ tɛ bo fin nê hio wan-ba likɔ pɛa. A beha ɔ likɔ ɛngɛ hinɛ Christ gbesi, hazu ɔ ha kpaa yeksamɔ gbesi tuka wɛnɛ. Mɛgi, ɔ bedung fin hinɛ wɛnɛ ha lɛkɛ-lɛkɛ bhandi pɛa.

1 Korente 15:31

Hio ya mi, mi ha gdonga tɛ mi ha fio swe fɛt. Yo nê kpasawen, mi kan yo nɛ suotɛ ka mi de hazu ɛnɛ nɛ wal Jésus-Christ, *Kongawan pɛ ɔ.

1 Korente 8:13

Hazu ɛngi, ka ma yɔngamɔ dak ya mi pi ha dea gdangamɔ, mi lɛm yɔng sari ma swe ndang na, yu nde, mi betɛ dak ya mi pi ha dea gdangamɔ.

1 Korente 9:19

Mi dung sɛɛ, mi bo nê bala pɛ ma wi na. Ma, mi gdea tɛ mi tuka bala pɛ hio wi fɛt hazu de nde, hio wi nɛdɔka nɛnɛ amɛkiri Christ.

Galasi 2:20

Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Galasi 6:14

Ma, pɔm, mi sutɛ sɔna hazu wen fio ka *Kongawan pɛ ɔ, Jésus-Christ, fea nɛ ha getakate. Hazu, nɛ wal fio pɛa, hio mɔ nzan fɛt tɛ bo nê fea mɔ ha li mi. Nɛ mi fin, mi tɛ bo nê fiowi ha li nzan.

Filipe 3:10

Mɔ ka mi ngoy pentɛ, yo nde, mi aing Christ, nɛ nde, ngatɛ ka guo wɛnɛ ha soko hio fiowi ade tom ha tɛ mi fin. Yo tɔ nde, mi ngoy kpa ndangtɛ yimtɛ, ka wɛnɛ kpaa, nɛ fe tuka wɛnɛ fea.

Filipe 3:7

Sɔngsi, mi zɔka deamɔ pɔm ndɔng tuka kpaamɔ, ma, sising, mi tɛ bo ha zɔka yo tuka gbelemɔ, hazu mɔ ka Jésus-Christ dea ha tɛ mi.

Kolose 1:24

Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

2 Tesalonike 3:11

Ɔ tɔa wen mɛgi, hazu ɔ zea nde, hio pɔsa wi ang ha soko ɛnɛ ka de tom ndang na, nɛ ka pi nu ha wen pɛ hio wi nɛnɛ.

Tite 2:12

Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Hebro 13:13

Mɛgi, ɔ agbo nɛ ha gdong kin nde, ka hio wi abhɛsiri ɔ hinɛ wɛnɛ gbesi.

1 Pierre 4:1

Gbesi tuka Christ kpaa yeksamɔ ha tɛ wa, lɛma nde, ɛnɛ fin aba ndangtɛ takaramɔ tuka wɛnɛ. Ɛngɛ beha ɛnɛ da mɛ dung nɛ yikosila ha zang yeksamɔ. Hazu, ka ɛnɛ kpa yeksamɔ ha tɛ ɛnɛ hazu ɛnɛ nê wi pɛ Christ, ɛnɛ laka dea gdangamɔ gde kari.

1 Pierre 4:13

Ma, ɛnɛ ade totɛ, hazu ɛnɛ kpa sɔna nɛ ndangtɛ yeksamɔ ka Christ bakpa. Mɛgi, ɛnɛ bede fin totɛ pen mɔ sɔngsi ha yala ka Christ begbasi tɛ wa nɛ *lɛkɛ-lɛkɛmɔ pɛa.

2 Pierre 1:14

Mi ingɔ nde, yo ngbɔla kanɛ bebe ngimɔ, ka mi afe. Kongawan pɛ ɔ, Jésus-Christ, gbasa yo ha mi sɔngsi.

1 Jean 3:16

Jésus-Christ tɛa tɛ fe gɔn zu ɔ. Yo nê ɛngi, ka ɔ ingɔ tɛ kpasa ngoy. Mɛgi, lɛma nde, ɔ fin afe gɔn zu hio ya ɔ.

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.