Marc 4:15 - Takarata pɛ Sɔ Mbombe Mbon

¹⁵ Hio ma wi gbesi tuka liwal ka wen pɛ Sɔ teka ang. Ka mbwa ze wen pɛ Sɔ, *Satan tɛ, tɛ ku yo ha sila mbwa yunɛ.

Marc 4:15 ပူးပေါင်းရင်းမြစ်များ

Matthieu 13:19

Hio ma wi zea wen hazu *Kongakandɔ Ngɔn, ma, mbwa ing yo na. Mɛgi *Satan tɛ, tɛ ku yo ha sila mbwa yunɛ. Pɛ mbwa, yo gbesi tuka kpalmɔ ka teka ha liwal.

Matthieu 22:5

Ma, sala ndɔng to sila mbwa na. Nɛ mbwa pena si ha tom pɛ mbwa, ndang nɛa ha fɔ pɛa, ma mbinga nɛa ha gdonga mɔ.

Matthieu 4:10

Nɛ Jésus kiforo wen: «Mɛ pen Satan! Takarata pɛ Sɔ tɔa nde, mɛ alukisi Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Marc 4:14

Wan-bul *Dede Wen pɛ Sɔ dung tuka wan-pɛ kpalmɔ.

Marc 4:16

Gbesi fin, hio ma wi ba wen pɛ Sɔ ha sila mbwa tuka kpalmɔ ka teka ha zu gogo. Ka mbwa zea yo, mbwa mɛkiri yo nɛ totɛ nɛhasa.

Marc 4:4

Nɛ ka wɛnɛ pɛa, hio ma teka ha liwal. Nɛ hio nɔy hɔa tɛ saki yo.

Dede Wen hazu Jésus-Christ ka Luc ngɛraka 8:12

Pɛ hio ma wi ka zea wen pɛ Sɔ, yo gbesi kpalmɔ, ka teka ha liwal. *Satan tɛa tɛ ku yo ha zang sila mbwa yunɛ, yu nde mbwa betɛ mɛkiri Sɔ, nɛ mbwa betɛ kpasi.

Deamɔ 17:32

Ka hio wi zea wen guotɛ ha soko fiowi, hio ma mama wɛnɛ, nɛ hio ma tɔa: «Ɔ ngoy ze bin mɛ hazu wen ɛngɛ ma ngimɔ.»

Deamɔ 5:3

Ma, Pierre tɔa ha wɛnɛ: «Ananias, mɛ gbosasa sila mɛ ha *Satan hazu ge? Mɛ tɔa dalo ha *Nzɔy-Sɔtɛ, nɛ mɛ wuso ma bhalkɔ mbɔli fɔ pɛ mɛ hazu ge?

2 Korente 2:11

Mi dea mɛgi yu nde, *Satan betɛ osili ɔ nɛ gan zu ɔ. Ey, mɔ ka wɛnɛ ngoya mɛ de, ɔ ingɔ yo nɛdedea pentɛ.

2 Tesalonike 2:9

Wan-kafi mbonga ɛngɛ begbasi tɛ nɛ ziomɔ pɛ *Satan. A bede hio tili *mɔbhana, *mɔweka, nɛ *mɔkifi nɛtɛ-nɛtɛ hazu osili nɛ hio wi.

Hebro 12:16

Ɛnɛ pangay yu nde, ma wi ha soko ɛnɛ betɛ tɛ wan-de wanza mana wan-bhɛsiri mɔ Sɔ tuka Ezau. A bagdongi bhandi kay wi pɛa ha bebe ya wa hazu tasi yɔngamɔ ndang.

Hebro 2:1

Tuka ɛngi, lɛma nde, ɔ akonzi wen ka ɔ zea nɛkpasa yu nde, ɔ betɛ yɔsisi wal.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.

Gbasamɔ 20:7

Ka hio bɛlɛ ndɔng tomay ndang pena kari, ɛ begbosisi Satan ha zɔbhɔ pɛa.