Marc 16:17 - Takarata pɛ Sɔ Mbombe Mbon

¹⁷ Wi ndɔng ka bemɛkiri mi, mi beha mbwa ziomɔ mɛ de nɛ hio *mɔweka. Mbwa beyin hio gdanga sɔtɛ nɛ ling mi. Nɛ mbwa bewolmɔ nɛ hio mbombe nu.

Marc 16:17 ပူးပေါင်းရင်းမြစ်များ

Marc 9:38

Jean tɔa ha Jésus: «Wan-osimɔ, ɔ zɔka ma wi ndang ha yinɔ gdanga sɔtɛ nɛ ling mɛ gbosisi. Nɛ ɔ dola wɛnɛ hazu wɛnɛ bo nê sɔy-tom ha soko ɔ na.»

Dede Wen hazu Jésus-Christ ka Luc ngɛraka 10:17

Hio wan-yambimɔ bhukɔa mɔrkɔ zu bhuze bwa gbala bwa kiforo nɛ totɛ. Nɛ mbwa tɔa ha Jésus: «*Kongawan, ɔ haa nu ha hio gdanga sɔtɛ nɛ ling mɛ, nɛ mbwa fin zea nu ɔ.»

Jean 14:12

Kpasawen mi tɔ ha ɛnɛ, wi ka mɛkiri mi, a bede tom ndɔng ka mi ha dea. Nɛ wia bede gasa tom pen mi, hazu mi ha kiforoa si hapɛtɛ Bafa mi.

Deamɔ 10:46

Hazu mbwa zea wi ndɔng ha wolamɔ nɛ hio nu pɛ Nzɔy-Sɔtɛ lukisi nɛ Sɔ.

Deamɔ 16:18

A dea tuka ɛngɛ yala nɛdɔka, kanɛ sila Paul yimɔ nɛkpasa. A kiforo tɛ zɔk bhoko ɛngɛ, nɛ a tɔa ha dua: «Nɛ ling Jésus-Christ, mi ha nu ha mɛ mɛ gbo ha tɛ wa pen!» Nɛ ha ndangtɛ ngimɔ dua gboa pen.

Deamɔ 19:6

Paul gdea kɔ ha zu mbwa, nɛ Nzɔy-Sɔtɛ zilo ha zu mbwa. Mbwa angara wolamɔ nɛ hio nu pɛ Nzɔy-Sɔtɛ, nɛ mbwa tɔa kuliwen.

Deamɔ 2:33

A gdea wɛnɛ ha bosi bhandi ha wal wekɔ wa. Wɛnɛ kpaa Nzɔy-Sɔtɛ tuka ka Sɔ, Bafa wa, bagɔn nua sɔngsi. Nɛ Jésus tomsa Nzɔy-Sɔtɛ ɛngɛ ha ɔ fin. Mɔ ka ɛnɛ ha zɔka nɛ zea sising, yo nê tom pɛa.

Deamɔ 5:16

Hio giliwi guotɛ ha hio le hapɛtɛ Jérusalem nɛ kuo hio wan-zɛlɛ, nɛ wi ndɔng ka gdanga sɔtɛ yeksi mbwa tɛnɛ, nɛ mbwa fɛt kpasa.

Deamɔ 8:7

Philippe yinɔ hio dɔka gdanga sɔtɛ, ka gboa ha tɛ hio wi nɛ gdɔra nɛ ngagɛl. A kpasasa fin hio dɔka wan-zɛlɛ mɛla nɛ hio kumɔ wi.

1 Korente 12:10

Nɛ Nzɔy-Sɔtɛ ha ngatɛ ha ma wi mɛ de nɛ *mɔkifi, nɛ a ha ngatɛ ha ma mbinga mɛ tɔ nɛ kuliwen pɛ Sɔ, nɛ a ha ngatɛ ha ma fin mɛ gba nɛ soko gdanga sɔtɛ nɛ Nzɔy-Sɔtɛ. Ma wi kpa ngatɛ mɛ wol mɔ nɛ hio nu pɛ Nzɔy-Sɔtɛ, nɛ ma mbinga kpa ngatɛ mɛ bul longowen nu ndɔng.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 12:30

Fɛt nɛ ngatɛ mɛ karsi nɛ zɛlɛ nde? Fɛt wol mɔ nɛ hio nu pɛ Nzɔy-Sɔtɛ nde? Fɛt bul longowen nu ndɔng nde?

1 Korente 13:1

Ka mi wol mɔ nɛ nu pɛ hio wi nɛ pɛ hio *telenge, ma, ka mi ngoy hio wi na, gɛl mi tɛ bo nê kenge keng-keng, mana bio ngbum-ngbum.

1 Korente 14:2

Wi ka wol mɔ nɛ hio nu pɛ Nzɔy-Sɔtɛ, wɛnɛ wol mɔ ha wi na, ma, a wol mɔ ha Sɔ. Wi ndang ze longoa na. Nɛ wal ngatɛ pɛ Nzɔy-Sɔtɛ, wɛnɛ ha tɔa wen ka gotoa bhɔn nɛ wuso.