Marc 14:72 - Takarata pɛ Sɔ Mbombe Mbon

⁷² Ha ndangtɛ ngimɔ, gɔlɛ dɔma fin mɔ zebwa. Mɛgi, tazu Pierre gbaa nɛ wen ka Jésus tɔa se ha wɛnɛ: «Mɛ bekafi mi zetar ing, ki gɔlɛ tɛ dɔm zebwa.» Nɛ wɛnɛ angara hea kwa.

Marc 14:72 ပူးပေါင်းရင်းမြစ်များ

Matthieu 26:34

Jésus kiforo wen ha wɛnɛ: «Kpasawen, mi tɔ ha mɛ nde, ha zɛ ɛngɛ, sɔngsi dɔma gɔlɛ, mɛ bekafi mi zetar.»

Marc 14:30

Jésus kiforo wen ha wɛnɛ: «Kpasawen, mi tɔ ha mɛ nde, ha zɛ ɛngɛ mɛsɛ, mɛ bekafi mi zetar fɛt ing, ki gɔlɛ dɔma zebwa.»

Marc 14:68

Ma, Pierre kafa nɛ tɔa: «Mi ing gotowen ka mɛ ha tɔa na.» Mɛgi, Pierre gboa haki nɛ hapɛtɛ nu kin. Ha ndangtɛ ngimɔ, gɔlɛ dɔma.

Marc 14:71

Mɛgi, Pierre angara foma mɔ nɛ kana mɔ, a tɔa: «Mi ing wi ka ɛnɛ tɔ nɛ mɔ, na!»

Dede Wen hazu Jésus-Christ ka Luc ngɛraka 22:60

Ma, Pierre kiforo wen: «Ge? Mi ing wen ka mɛ tɔ na!» Nɛhasa, ka wɛnɛ boka ha wolamɔ, gɔlɛ dɔma.

Dede Wen hazu Jésus-Christ ka Luc ngɛraka 22:62

Nɛ Pierre gboa ha zang kin, nɛ wɛnɛ hea kwa tung-tung.

2 Korente 7:10

Ngɔtɛ ɛngɛ ka Sɔ mɛkara ang, de nde, wi akifiri sila wa nɛ kpa wal mɛ kpasi. Mɛgi, wi ndang lɛm takiri mɔ hazu tili ngɔtɛ mɛgi na. Ma, ngɔtɛ ka wi kifiri sila wa hazua na, ku wɛnɛ nɛnɛ ha fio ha li Sɔ.