Marc 14:36 - Takarata pɛ Sɔ Mbombe Mbon

³⁶ A tɔa: «Abba, Bafa mi, mɔ fɛt lɛma nɛ mɛ. Mɛ kusi kɔpɔ ngamɔ ɛngɛ ha zu mi yunɛ. Ma, bo tuka mi ngoya na, ma, tuka mɛ ngoya.»

Marc 14:36 ပူးပေါင်းရင်းမြစ်များ

Matthieu 26:39

Nɛ wɛnɛ tiko nɛ ha sɔngsi tikiring. Haki a teka gok li wa ha nu, nɛ a gɔa Sɔ: «Bafa mi, ka lɛma, mɛ yɛsisi kɔpɔ ngamɔ ɛngɛ nɛ mi. Ma, bo tuka mi ngoya na, ma, tuka mɛ ngoya.»

Matthieu 26:42

Ha zebwaa fin, a nɛa nɛyɛa tikiring nɛ gɔa Sɔ: «Bafa mi, ka lɛma nde, mi anɔ kɔpɔ ɛngɛ hazu mɛ lɛm mɛ yɛsisi yo nɛ mi na, ki mɔ ahɔ tuka mɛ ngoya.»

Matthieu 6:9

Dea nde, ɛnɛ agɔ Sɔ mɛgɛ: ‹Bafa ɔ ka dung ha zang ngɔn, ling mɛ adung nɛ nzɔya,

Marc 10:27

Jésus gɛra mbwa hɛrr nɛ a tɔa ha mbwa: «Mɔ ɛngɛ gana hio wi, ma, yo lɛm gan Sɔ na. Hazu Sɔ lɛma mɛ de mɔ fɛt.»

Marc 10:39

Nɛ mbwa kiforo wen: «Ɔ lɛma de yo.» Nɛ Jésus tɔa fin: «Kpasawen ɛnɛ benɔ kɔpɔ yimtɛ ka mi benɔ. Nɛ ɛnɛ bekpa fin yimtɛ ka ɛ begdumsi mi ha zanga.

Marc 14:37

Hapata, Jésus pea fin ha pɛ hio wan-yambimɔ pɛa, tɛ kpa mbwa fɛt ha ɔala gbeleng-gbeleng. Nɛ wɛnɛ ana Pierre: «Simon, mɛ ɔ nɛ la? Mɛ lɛm dung nɛ tunɔ ngonga ndang sɔna na?»

Jean 12:27

«Sising, mi nɛ ngɔtɛ ha zang sila mi. Mi betɔ nɛ nge wen ge? Mana mi betɔ nde, Bafa mi, mɛ gu ngimɔ yimtɛ ɛngɛ ha zu mi yunɛ nde? Way! Mi tɛa hakɛ ha nzan hazu kpa yimtɛ ɛngɛ.

Jean 18:11

Nɛ Jésus tɔa ha Pierre: «Mɛ pi gbapa pɛ mɛ ha twaa. Lɛma nde, mi anɔ kɔpɔ yimtɛ ka Bafa mi weka hazu mi, na nde?»

Jean 4:34

Jésus tɔa ha mbwa: «Ka mi de mɔ ka wan-tomsi mi ngoya, nɛ ka mi lɛmsiri tom pɛa, ɛngɛ nê yɔngamɔ pɔm.

Jean 5:30

«Mi lɛm de mɔ ndang nɛ zu mi na. Mi gɔn kita ha zu wi lɛm nɛ mɔ ka Sɔ osa ha mi. Mɛgi, kita ka mi gɔn nɛ nzeng, hazu mi de nɛ mɔ ka sila mi ngoya na. Ma, mi de nɛ mɔ ka sila Sɔ, wan-tomsi mi, ngoya.

Galasi 4:6

Sɔ tomsa Sɔtɛ pɛ Bewei pɛa ha zang sila ɔ, hazu osi nde, ɔ nê hio bem pɛa nɛkpasa. Nɛ Sɔtɛ ɛngɛ ha gdɔra: «Abba» ka tɔ nde, Bafa mi!

Filipe 2:8

A hilo nɛ mɛndi, nɛ a zea nu Sɔ kanɛ fio pɛa, fio ha getakate.

2 Timothée 2:13

Ka ɔ nê yambala zu wi, a bhɔn pɛa nɛ mboazu, hazu a lɛm kafi wen pɛa nɛ pɛa tɛ na.

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

Hebro 6:18

Hio mɔ ndɔng bwa, gɔnanu nɛ kanamɔ pɛ Sɔ, lɛm mɛ kpali na, hazu Sɔ lɛm tɔ dalo na. Mɛgi, ɔ ka nɛa ha si goka kɔ pɛ Sɔ, ɔ baa da pentɛ mɛ bhɔn nɛ nɔa ha *mɔgdetazu pɛ ɔ nde, Sɔ belɛmsiri gɔnanu pɛa.