Marc 14:20 - Takarata pɛ Sɔ Mbombe Mbon

²⁰ Jésus tɔa ha mbwa: «Yo nê ma wi ndang ha soko ɛnɛ bhukɔ gbala bwa, ka pi kɔ ha ndangtɛ zang tasi hinɛ mi.

Marc 14:20 ပူးပေါင်းရင်းမြစ်များ

Matthieu 26:23

Ma, Jésus kiforo wen: «Yo nê ma wi ka pio kɔ wa ha ndangtɛ zang tasi hinɛ mi, ka beha kasatɛ mi.

Matthieu 26:47

Nɛ ka Jésus boka ha wolamɔ, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka nɛ hio kotowi pɛ hio *zuife ka tomsa wi ndɔng.

Marc 14:19

Ka mbwa zea mɛgi ngɔtɛ baa mbwa. Nɛ mbwa ndang ndang fɛt angara ana Jésus ha pata may: «Yo nê mi nde?»

Marc 14:21

Ey, mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ wi. Ɛ abhɛ se wɛnɛ na, ki dea se!»

Marc 14:43

Ha ndangtɛ ngimɔ ka Jésus boka ha tɔa wen ndɔng, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka, hio *wan-osi mbonga nɛ hio kotowi pɛ hio *zuife ka tomsa wi ndɔng.

Dede Wen hazu Jésus-Christ ka Luc ngɛraka 22:47

Ka Jésus boka ha wolamɔ, zugiliwi hɔa. Judas, ma *wan-nɛtom pɛa ha soko bhukɔ gbala bwa, nɛa ha li mbwa. A tiko tɛ hapɛtɛ Jésus hazu duy mbuku wa.

Jean 13:26

Nɛ Jésus tɔa ha wɛnɛ: «Wia nê wi kɛ ka mi beku mampa dubhi nɛ likpo ha wɛnɛ.» Hapata, Jésus kuo mampa dubhi ha likpo ha Judas bewei pɛ Simon Iskariote.

Jean 6:71

Jésus tɔa wen ɛngɛ hazu Judas bewei pɛ Simon Iskariote. Ngase ka Judas nê ma wan-yambimɔ ha soko ɛ ndɔng bhukɔ gbala bwa, yo nê wɛnɛ ka beha kasatɛ Jésus.