Marc 12:24 - Takarata pɛ Sɔ Mbombe Mbon

²⁴ Mɛgi, Jésus tɔa ha mbwa: «Ɛnɛ tɛ ing goto takarata pɛ Sɔ nɛ ngatɛ pɛ Sɔ na. Yo nê ɛngi ka ɛnɛ yɔa mɔ.

Marc 12:24 ပူးပေါင်းရင်းမြစ်များ

Matthieu 22:29

Jésus kiforo wen ha mbwa: «Ɛnɛ yɔamɔ. Hazu ɛnɛ ing takarata pɛ Sɔ nɛ ziomɔ pɛa na.

Marc 10:27

Jésus gɛra mbwa hɛrr nɛ a tɔa ha mbwa: «Mɔ ɛngɛ gana hio wi, ma, yo lɛm gan Sɔ na. Hazu Sɔ lɛma mɛ de mɔ fɛt.»

Marc 12:23

Mɛgi, ha ngimɔ ka hio fiowi begutɛ, bhoko ɛngɛ bedung bin nê pɛ o? Hazu mbwa mɔrkɔ zanga bwa fɛt sio wɛnɛ.»

Marc 12:25

Hazu, ha ngimɔ ka hio fiowi begutɛ, hio wei nɛ hio bhoko lɛm si may fin na. Ma, mbwa bedung gbesi tuka hio *telenge ha zang ngɔn.

Dede Wen hazu Jésus-Christ ka Luc ngɛraka 1:37

Hazu ma mɔ ndang gan Sɔ na.»

Jean 20:9

Takarata pɛ Sɔ batɔ nde, Jésus begutɛ ha soko hio fiowi. Ma, sɔngsi ngimɔ ɛngi, hio wan-yambimɔ tɛ ing ka gotoa na.

Jean 5:39

Ɛnɛ yambi takarata pɛ Sɔ hazu ɛnɛ takiri nde, ɛnɛ ha kpaa *tunɔ kpoo ha zanga. Ma, bo nê takarata pɛ Sɔ ha kɛ wen tɛ mi, na nde?

Deamɔ 17:11

Sila hio zuife mɔ le Bere nɛ dedea pen pɛ hio zuife mɔ le Tesalonike. Mbwa baa wen pɛ Sɔ nɛ *dede sila fɛt. Mbwa dungɔ ha tɔla takarata pɛ Sɔ swe fɛt hazu zɔk nde, mana wen pɛ Paul nê tɛwen.

Rome 15:4

Hio wen mɔ fɛt ka ɛ bangɛriki ha takarata pɛ Sɔ, ɛ ngɛraka yo hazu osi mɔ ha ɔ. Mɛgi hio wen ndɔng de nde, ɔ akpa yikosila nɛ yɔkalamɔ mɛ gde tazu ɔ ha hio gɔnanu pɛ Sɔ.

Efeze 1:19

Mi gɔ Sɔ fin nde, ɛnɛ aing heang ziomɔ pɛa ka wɛnɛ gbakiri nɛ ɔ, ka mɛkara wɛnɛ. Ziomɔ ɛngɛ, yo nê ndangtɛ ziomɔ,

Filipe 3:21

A bekifiri hio mɔka kilitɛ ɔ gde nɛ lɛkɛ-lɛkɛa tuka kilitɛ wa. A bede yo nɛ wal ndangtɛ ziomɔ ɛngɛ ka de nde, wɛnɛ agan zu mɔ fɛt.