Marc 10:14 - Takarata pɛ Sɔ Mbombe Mbon

¹⁴ Ka Jésus zɔka ɛngɛ, sila wa yimɔ, nɛ wɛnɛ tɔa ha hio wan-yambimɔ pɛa: «Ɛnɛ gde hio bhobem atɛ ha pɔm. Ka ɛnɛ adol mbwa na, hazu hio wi mɔ *Kongakandɔ pɛ Sɔ dung tuka bhobem.

Marc 10:14 ပူးပေါင်းရင်းမြစ်များ

Matthieu 18:10

«Pangay, ka ɛnɛ aba hio bebe wi ndɔng tuka tum wi na! Hazu mi tɔ ha ɛnɛ nde, hio *telenge pɛ mbwa ha ngɔn dung swe fɛt ha li Bafa mi ha zang ngɔn. [

Matthieu 18:4

Wi ka ba tɛ wa nɛ bebea tuka bem ɛngɛ, wɛnɛ bedung nɛ gasaa ha Kongakandɔ Ngɔn pen hio mbinga fɛt.

Matthieu 19:14

Nɛ Jésus tɔa: «Ɛnɛ gde hio bhobem atɛ ha pɔm. Ka ɛnɛ adol mbwa na, hazu *Kongakandɔ Ngɔn nê pɛ hio wi ka dung tuka bhobem.»

Matthieu 5:10

Totɛ ha hio wi ndɔng ka hio wi namili mbwa hazu mbwa de mɔ ka dung nzeng ha li Sɔ. Yo nê mbwa ka bedung hio wi mɔ Kongakandɔ pɛ Sɔ!

Matthieu 5:3

«Totɛ ha hio wi ndɔng, ka gde tazu mbwa ha tɛ Sɔ ndang sɔna, hazu mbwa bedung hio wi mɔ *Kongakandɔ pɛ Sɔ!

Marc 3:5

Jésus zɔka mbwa hɛrr zikiri, nɛ ngambi baa wɛnɛ. Nɛ ngɔtɛ dea wɛnɛ hazu nga sila pɛ mbwa. A tɔa ha wi ɛngɛ: «Yafifi kɔ mɛ!» A yafafa kɔ wa, nɛ yo tɛ bo nɛ dedea.

Marc 8:33

Ma, Jésus kiforo tɛ zɔk hio wan-yambimɔ, nɛ wɛnɛ gaya Pierre, nɛ tɔa: «Mɛ pen ha li mi, *Satan! Hazu takaramɔ pɛ mɛ tɛ nɛ wal Sɔ na, ma, nɛ wal pɛ wi.»

Jean 3:3

Mɛgi, Jésus kiforo wen: «Kpasawen, mi tɔ ha mɛ nde, ka ɛ kifiri bhɛ wi nɛ mbinga na, a lɛm zɔk *Kongakandɔ pɛ Sɔ na.»

Jean 3:5

Jésus kiforo wen: «Kpasawen, mi tɔ ha mɛ, ka ɛ tɛ bhɛ ka mɛ nɛ wal li nɛ *Nzɔy-Sɔtɛ na, mɛ lɛm le ha Kongakandɔ pɛ Sɔ na.

Deamɔ 2:39

Sɔ bagɔn se nu mɛ tomsi Nzɔy-Sɔtɛ. Gɔnanu ɛngɛ hazu ɛnɛ nɛ hio bem pɛ ɛnɛ. Yo fin hazu hio wi ndɔng ka dung nɛ yɛa nɛ ka Kongawan, Sɔ pɛ ɔ, besa mbwa.»

Deamɔ 3:25

Wen pɛ hio wan-tɔkuliwen ndɔng nê pɛ ɛnɛ hazu ɛnɛ nê bezang pɛ mbwa. Sɔ banɔ *mbon hinɛ hio ngbabafa ɛnɛ, ka wɛnɛ batɔ ha Abraham: ‹Mi bewol dede wen ha zu hio kandɔ mɔ zu nu fɛt nɛ wal bezang pɛ mɛ.› Mbon ɛngɛ nê pɛ ɛnɛ, hazu ɛnɛ fin nê bezang pɛ mbwa.

Rome 11:16

Ka ma wi ku bosi yɔngamɔ ha Sɔ, yo tɔ nde, olo yɔngamɔa fɛt bedung ka fin nê pɛ Sɔ. Nɛ ka gunkute dung nê pɛ Sɔ, yo tɔ nde, hio gbakɔa bedung ka fin nê pɛ Sɔ.

Rome 11:28

Hio zuife tɛ bo nê ngana pɛ Sɔ hazu mbwa kafa *Dede Wen. Mɔ hɔa mɛgi tuka nde, Sɔ akpasisi ɛnɛ ka bo nê zuife na. Ma, mbwa bhɔna nê hio ndɔngsila Sɔ, ka wɛnɛ weka gde tuka kandɔ pɛa, hazu a bagɔn nu mɛgi ha hio ngbabafa mbwa.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

1 Korente 7:14

Kpasawen, wei ka tɛ mɛkiri Christ na, tɛ bo sanga nɛ Sɔ nɛ wal ko pɛa. Nɛ bhoko ka tɛ mɛkiri Christ na, tɛ bo sanga nɛ Sɔ nɛ wal wei pɛa. Ka bo mɛgi na, ki hio bem pɛ mbwa bo nê pɛ Sɔ na. Ma, hio bem pɛ mbwa tɛ bo sanga nɛ Sɔ kari.

Efeze 4:26

Ka ngambi dea ɛnɛ, ka ɛnɛ apengi nɛ yo de nɛ gdangamɔ na. Ka ɛnɛ ade ngambi tee kpa mbolo na.

2 Timothée 1:5

Tazu mi ha gbaa nɛ kpasa mɛkaramɔ ka mɛ mɛkara nɛ Christ. Yo nê ndangtɛ mɛkaramɔ ɛngɛ, ka ngbanana mɛ, Lois, nɛ nana mɛ, Enis, mɛkara nɛ Christ sɔngsi. Ey, mi ingɔ nɛdedea nde, mɛ fin nɛ ndangtɛ mɛkaramɔ.

2 Timothée 3:15

Mɛ ingɔ takarata pɛ Sɔ nisi ha ngimɔ bhobem. Takarata ɛngɛ lɛma ha mɛ mbaramɔ hazu kpasi nɛ wal mɛkara Jésus-Christ.

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

Gbasamɔ 14:5

Ɛ tɛ ze ma wen dalo ha nu mbwa ndang na, nɛ ma wen bo ha zu mbwa na.