Dede Wen hazu Jésus-Christ ka Luc ngɛraka 9:1 - Takarata pɛ Sɔ Mbombe Mbon

¹ Jésus wesara hio wan-nɛtom bhukɔ gbala bwa, nɛ wɛnɛ haa mbwa ngatɛ nɛ ziomɔ mɛ gan zu hio gdanga sɔtɛ fɛt, nɛ mɛ karsi hio zɛlɛ.

Dede Wen hazu Jésus-Christ ka Luc ngɛraka 9:1 ပူးပေါင်းရင်းမြစ်များ

Matthieu 16:19

Mi beha mɛ hio sɔtɛ nutwa mɔ *Kongakandɔ Ngɔn. Mɔ ka mɛ bekafi nde, ɛ ade yo ha nu, Sɔ bekafi yo ha ngɔn. Nɛ mɔ ka mɛ bemɛkiri nde, ɛ ade yo ha nu, Sɔ bemɛkiri yo ha ngɔn.»

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Matthieu 8:9

Hazu mi fin, mi dung ha si hio ma zio wi, nɛ hio wan-bibulo dung fin ha si mi. Ka mi tɔ ha ma wan-bibulo pɔm: ‹Nɛ!› A nɛa. Nɛ ka mi tɔ ha ma mbinga fin: ‹Tɛ!› A tɛa. Nɛ ka mi tɔ ha ma wan-tom pɔm fin: ‹De ɛngɛ!› A dea yo.»

Dede Wen hazu Jésus-Christ ka Luc ngɛraka 10:1

Hapata mɔ ndɔng, *Kongawan weka fin mbing wan-yambimɔ bhukɔa mɔrkɔ zu bhuze bwa gbala bwa. Wɛnɛ tomsa mbwa bwa bwa mɛ pen sɔngsi ha hio le nɛ hio bhandi fɛt ka wɛnɛ ngoya nɛ ang.

Dede Wen hazu Jésus-Christ ka Luc ngɛraka 10:19

Mi haa ɛnɛ ziomɔ hazu um zu gɔk nɛ tolɛ, nɛ hazu gan zu ngatɛ fɛt pɛ Satan, kɔmbɛ pɛ ɔ. Nɛ ma mɔ ndang lɛm de gdangamɔ ha tɛ ɛnɛ na.

Jean 14:12

Kpasawen mi tɔ ha ɛnɛ, wi ka mɛkiri mi, a bede tom ndɔng ka mi ha dea. Nɛ wia bede gasa tom pen mi, hazu mi ha kiforoa si hapɛtɛ Bafa mi.

Deamɔ 1:8

Ma, ka *Nzɔy-Sɔtɛ zilo ha zu ɛnɛ, ɛnɛ bekpa ngatɛ, nɛ ɛnɛ bedung hio wan-bul wen tɛ mi ha hio wi mɛ Jérusalem, hio wi mɛ kandɔnu Judée nɛ kandɔnu *Samari fɛt, gbo ha kpogio nzan.»

Deamɔ 3:16

Wei ɛngɛ ka ɛnɛ fɛt ingɔ nɛdedea, nɛ ka ɛnɛ zɔk sising, kpasa hazu ɔ mɛkara ziomɔ pɛ Jésus. Yo nê wal gdea tazu ha tɛ Jésus, ka wɛnɛ tɛ bo nɛ dede tɛ ha li ɛnɛ fɛt.

Deamɔ 4:30

Mɛ ha ngatɛ ha ɔ ka ɔ akpasisi hio wan-zɛlɛ, nɛ ka ɔ ade hio *mɔweka nɛ *mɔkifi nɛ ling Jésus, nzɔy wan-tom pɛ mɛ.»

Deamɔ 9:34

Pierre tɔa ha wɛnɛ: «Ene, Jésus-Christ kpasasa mɛ. Mɛ gutɛ, mɛ bhɔngiri yala pɛ mɛ.» Nɛ ha ndangtɛ ngimɔ, a guotɛ.