Dede Wen hazu Jésus-Christ ka Luc ngɛraka 8:41 - Takarata pɛ Sɔ Mbombe Mbon

⁴¹ Nɛ ma wei ling wa nde Yairus hɔa. Wɛnɛ nê wan-zu *twa gɔ Sɔ. A hilo ha si Jésus nɛ a lokatɛ ha wɛnɛ mɛ nɛ ha twa pɛa,

Dede Wen hazu Jésus-Christ ka Luc ngɛraka 8:41 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 13:14

Ma, wan-zu twa gɔ Sɔ dea ngambi hazu Jésus karsa zɛlɛ ha swe ɔmtɛ. Wɛnɛ tɔa ha giliwi: «Ha zang dimasi ndang, yala de tom nɛ mɔrkɔ zanga ndang. Yo nê ha yala ndɔng ka ɛnɛ lɛma tɛ tuka nde, ɛ akarsi zɛlɛ pɛ ɛnɛ. Yo bo ha swe ɔmtɛ na.»

Dede Wen hazu Jésus-Christ ka Luc ngɛraka 17:16

A hilo gok li ha si Jésus, nɛ tɔa oeba ha wɛnɛ. Wi ɛngɛ nê wi mɔ Samari.

Dede Wen hazu Jésus-Christ ka Luc ngɛraka 5:8

Ka Simon zɔka mɛgi, a ngbio zigolo ha si Jésus nɛ a tɔa: «*Kongawan, tiki yɛ nɛ mi, hazu mi nê *wan-de gdangamɔ!»

Dede Wen hazu Jésus-Christ ka Luc ngɛraka 8:42

hazu ndanga bem pɛa tɛ bo sanga-sanga mɛ fe. Yo nê ma bebhoko mɔ bɛlɛ bhukɔ gbala bwa. Ha ngimɔ ka Jésus ha nɛa, dɔka gili nɔa wɛnɛ gbem.

Dede Wen hazu Jésus-Christ ka Luc ngɛraka 8:49

Nɛ ka Jésus boka ha wolamɔ, ma wi guotɛ ha twa pɛ Yairus tɛnɛ. Nɛ wɛnɛ tɔa ha Yairus: «Bem pɛ mɛ gaa kari. Mɛ yeksi wan-osimɔ fin na.»

Jean 11:21

Marthe tɔa ha Jésus: «*Kongawan, abo se nde mɛ badung hakɛ, ki ya mi tɛ fe na.

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Deamɔ 18:17

Mbwa fɛt bhubholo Sostene, wan-zu twa gɔ Sɔ, nɛ angara mɛla wɛnɛ bhɔn ka ha li kita. Ma, Galion pi nu ang ndang na.

Deamɔ 18:8

Krispus, wan-zu twa gɔ Sɔ, nɛ hio wi mɛ twa pɛa fɛt mɛkara *Kongawan. Dɔka wi mɛ Korente, ka zea Paul ha bulo wen, mɛkara fin nɛ ɛ gdumso mbwa ha li nɛ ling Jésus.

Deamɔ 9:38

Ma, ka hio wan-yambimɔ pɛ Jésus ha Zope zea nde, Pierre tɛ bo sanga nɛ mbwa ha le Lida, mbwa tomsa hio wi bwa mɛ ba nanga wa nde, wɛnɛ atɛ nɛhasa.

Gbasamɔ 5:8

Ka wɛnɛ kuo takarata ɛngɛ kari, hio tunɔ mɔ ndɔng nar nɛ hio kotowi ndɔng bhuze bwa gbala nar ngbio zigolo ha si wa. Mbwa ndang ndang fɛt nɛ kunde ha kɔ mbwa. Nɛ hio kɔpɔ mɔ gbɛbolo ka dona nɛ pɛl kulomɔ ha kɔ mbwa fin. Yo nê hio gɔamɔ pɛ hio wi pɛ Sɔ.