Dede Wen hazu Jésus-Christ ka Luc ngɛraka 8:14 - Takarata pɛ Sɔ Mbombe Mbon

¹⁴ Pɛ hio ma ka zea wen pɛ Sɔ, yo gbesi nɛ kpalmɔ, ka teka ha soko yak ngombia. Nɔzang nɛ kpaamɔ nɛ totɛ mɔ nzan luo sila mbwa. Mɛgi, mbwa way fea waya na.

Dede Wen hazu Jésus-Christ ka Luc ngɛraka 8:14 ပူးပေါင်းရင်းမြစ်များ

Matthieu 13:22

Pɛ hio ma wi, yo gbesi tuka kpalmɔ ka teka ha soko yak ngombia. Mbwa zea wen pɛ Sɔ, ma, mbwa nɛ nɔzang hazu mɔ mɛ nzan ɛngɛ, nɛ hɛl yɛbhɛ-yɛbhɛ mɔ osili mbwa. Mɛgi yo luo wen pɛ Sɔ ka lɛm way fin na.

Marc 4:19

ma, mbwa nɛ nɔzang hazu mɔ mɛ nzan ɛngɛ, nɛ hɛl yɛbhɛ-yɛbhɛ mɔ osili mbwa, nɛ tili wɔ mɔ nɛtɛ-nɛtɛ fɛt lea sila mbwa. Mɛgi yo gana zu wen pɛ Sɔ, ka kpa wal mɛ way nɛ na.

Dede Wen hazu Jésus-Christ ka Luc ngɛraka 16:13

Bala ndang lɛm dung nɛ wan bwa na. Hazu, a bengoy ma ndang nɛ sɛn mbinga, mana a beze nu ma ndang nɛ de kpandele sungiri nɛ mbinga. Ɛnɛ lɛm de tom ha kɔ Sɔ nɛ ha kɔ mbɔli na.»

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

Dede Wen hazu Jésus-Christ ka Luc ngɛraka 8:13

Pɛ hio ma, yo gbesi nganu. Mbwa zea wen pɛ Sɔ nɛ totɛ. Ma, wena kpa kua ha zang sila mbwa na. Mbwa mɛkiri ngimɔ tikiring, nɛ ka ɛ wea sila mbwa, mbwa laka mɛkaramɔ gde.

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Dede Wen hazu Jésus-Christ ka Luc ngɛraka 8:7

Hio ma teka ha soko yak ngombia, ka kpɔatɛ ha ndangtɛ ngimɔ nɛ luo kpalmɔ ɛngɛ pɔlɔm-pɔlɔm.

Jean 15:6

Ka ma wi bhɔn ha tɛ mi na, Sɔ bepi wɛnɛ ha dɛl tuka ka ɛ pi nɛ gbakɔ te, ka teka nu. Ka yo kota kari, ɛ kaya yo a ha we, nɛ yo bea we fɛt mburr.

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

2 Timothée 4:10

Hazu Demas laka mi gde hazu a gdea sila wa ha mɔ nzan ɛngɛ. A pena si ha le Tesalonike. Kresan nɛa pɛa ha kandɔnu Galasi, nɛ Tite pena pɛa nɛ ha kandɔnu Dalmasi.

Hebro 6:1

Mɛgi, lɛma nde, ɔ ayambi hio osamɔ hazu Christ pen mɔ bosia, ɔ ayambi hio osamɔ ka lɛma nɛ zɔma wi. Bosi osamɔ hazu Christ dung tuka nanga mɛkaramɔ, nɛ ɔ ngoy fin bhɔn ka ha bɛa nanga ɛngɛ na. Hio zuwen mɔ bosi osamɔ ɛngɛ tɔ nde, lɛma nde, ɔ alak dea tum mɔ gde, nɛ ɔ amɛkiri Sɔ.