Dede Wen hazu Jésus-Christ ka Luc ngɛraka 8:13 - Takarata pɛ Sɔ Mbombe Mbon

¹³ Pɛ hio ma, yo gbesi nganu. Mbwa zea wen pɛ Sɔ nɛ totɛ. Ma, wena kpa kua ha zang sila mbwa na. Mbwa mɛkiri ngimɔ tikiring, nɛ ka ɛ wea sila mbwa, mbwa laka mɛkaramɔ gde.

Dede Wen hazu Jésus-Christ ka Luc ngɛraka 8:13 ပူးပေါင်းရင်းမြစ်များ

Marc 6:20

hazu Herode dungɔ ha yuo ke Jean. Herode ingɔ nde, Jean nê *nzeng wi nɛ nzɔy wi. Mɛgi wɛnɛ dungɔ ha pama Jean. Nɛ ka wɛnɛ zea wen ka Jean tɔa, sila wa bhunzoko ngase ka wɛnɛ zea Jean nɛ totɛ.

Dede Wen hazu Jésus-Christ ka Luc ngɛraka 8:12

Pɛ hio ma wi ka zea wen pɛ Sɔ, yo gbesi kpalmɔ, ka teka ha liwal. *Satan tɛa tɛ ku yo ha zang sila mbwa yunɛ, yu nde mbwa betɛ mɛkiri Sɔ, nɛ mbwa betɛ kpasi.

Dede Wen hazu Jésus-Christ ka Luc ngɛraka 8:14

Pɛ hio ma ka zea wen pɛ Sɔ, yo gbesi nɛ kpalmɔ, ka teka ha soko yak ngombia. Nɔzang nɛ kpaamɔ nɛ totɛ mɔ nzan luo sila mbwa. Mɛgi, mbwa way fea waya na.

Jean 15:2

Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Jean 15:6

Ka ma wi bhɔn ha tɛ mi na, Sɔ bepi wɛnɛ ha dɛl tuka ka ɛ pi nɛ gbakɔ te, ka teka nu. Ka yo kota kari, ɛ kaya yo a ha we, nɛ yo bea we fɛt mburr.

Jean 5:35

Jean badung tuka lamba ka wea baa, nɛ ɛnɛ dea totɛ ha yoloa ngimɔ tikiring.

1 Korente 13:2

Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

1 Korente 15:2

Nɛ wal Dede Wen ɛngɛ Sɔ kpasisi ɛnɛ, ka ɛnɛ pam yo tuka ka mi batɔ nɛ yo ha ɛnɛ. Ka bo mɛgi na, ki ɛnɛ mɛkara nɛgbelea.

Galasi 3:1

Woo! Ɛnɛ, hio wi mɔ Galasi, zu ɛnɛ bona! Nge wi ha osili ɛnɛ, o nde? Bo nê mi gbasa wal ka Jésus-Christ fea nɛ ha getakate ha li ɛnɛ fɛt long, na nde?

Galasi 3:4

Mana gasa mɔ ndɔng hɔa ha tɛ ɛnɛ nɛgbelea nde? Way! Yo bo nɛgbelea na.

Efeze 3:17

Mi gɔ Sɔ nde, Christ ade le ha zang sila ɛnɛ hazu ɛnɛ mɛkara wɛnɛ. Mi gɔ fin nde, ɛnɛ adung nɛ nɔa ngi-ngi-ngi ha zang ngoy.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Kolose 2:7

Ɛnɛ abhɔn ka ha tɛ wa tuka gunkute ka lea nu ngi-ngi-ngi. Ɛnɛ azati ha mɛkara wɛnɛ nɛ nɔa nging tuka ɛ osa ha ɛnɛ. Nɛ ɛnɛ aha oeba ha wɛnɛ nɛdɔka.

1 Tesalonike 3:5

Yo nê hazu ɛngi, ka mi ba sila mi fin na, nɛ mi tomsa Timothée nɛ ha pɛ ɛnɛ mɛ ing nde, mana ɛnɛ bhɔna ka ha mɛkara Christ. Mi dungɔ nɛ nɔzang nde, mana Satan osala ɛnɛ kari, nɛ tom pɛ ɔ ha soko ɛnɛ gɔya nɛgbelea.

1 Timothée 1:19

Mɛ bhɔn ka ha mɛkara Christ, nɛ mɛ pam ingɔmɔ sila pɛ mɛ nɛ saa. Hio ma wi kafa mɛ de mɛgi, nɛ mɛkaramɔ pɛ mbwa bhonda.

Hebro 10:39

Pɛ ɔ, ɔ bo nê wi ka lak wal mɛkara Sɔ gde na, ɔ lɛm bhondi na. Ma, ɔ bhɔna ka ha mɛkara Sɔ, nɛ a bekpasisi tunɔ pɛ ɔ.

Jacques 2:26

Kpasawen, ka ɔmi bo fin na, wi fea kari. Gbesi tuka ɛngi, ka deamɔ bona, mɛkaramɔ fea kari.

2 Pierre 2:20

Hio wi ka tɛa tɛ ing Kongawan Jésus, *Wan-kpasisi ɔ, mbwa gboa ha zang nzing mɔ nzan pen. Ma, ka mbwa gde tɛ mbwa nɛ mbinga ha nzing ɛngɛ, nɛ ka yo gan zu mbwa, ki dungɔ pɛ mbwa tɛ bo nɛ gdanga pen mɔ sɔngsi.

2 Pierre 2:22

Hio zɛngwen tɔ nde: «Tolo kiforo fin tɛ, tɛ yɔng ɔya pɛa.» Nɛ fin nde: «Nguru ka ɛ zosa, kiforo fin tɛ, tɛ bɛng tɛ wa ha zang mbɔlbhɔtɔ.» Mɔ ka hɔa ha tɛ hio wi ndɔng, yo osi nde, zɛngwen ndɔng nê tɛwen.

1 Jean 2:19

Hio wi ndɔng dungɔ ha soko ɔ sɔngsi. Ma, mbwa tɛ dung nê pɛ ɔ na. Yo nê ɛngi ka mbwa gboa. Hazu mbwa abo se nê pɛ ɔ, ki mbwa bhɔna hinɛ ɔ. Ma, mɔ hɔa mɛgi hazu gbasi long nde, ma ndang ha soko mbwa tɛ dung nê wi pɛ ɔ na.

Jude 1:12

Ka mbwa wesiri may hinɛ ɛnɛ hazu yɔng mɔ, ɛngɛ nê gasa mɔ foy. Hazu mbwa yɔng mɔ nɛ nɔ mɔ nɛ ngurua, nɛ mbwa zɔk kanɛ tɛ mbwa. Mbwa dung tuka tutum kolo ka bok ilo yunɛ, nɛ ka ɔl na. Nɛ mbwa dung tuka te ka wayaa bona, ngase yo nê ngimɔa, nɛ ka fea bhɔn hazu ɛ zuro yo nɛ olo kua fɛt.