Dede Wen hazu Jésus-Christ ka Luc ngɛraka 5:24 - Takarata pɛ Sɔ Mbombe Mbon

²⁴ Kpasawen, ɛnɛ being long nde, mi, *Bewei pɛ Wi, mi nɛ ziomɔ mɛ bisi sɛmbɔ pɛ wi ha zu nu.» Nɛ wɛnɛ tɔa ha wan-zɛlɛ mɛla: «Gutɛ, ba lang pɛ mɛ, nɛ mɛ si ha twa pɛ mɛ!»

Dede Wen hazu Jésus-Christ ka Luc ngɛraka 5:24 ပူးပေါင်းရင်းမြစ်များ

Matthieu 16:13

Ka Jésus hɔa ha kandɔnu mɔ le Sezare pɛ Philippe, a ana hio *wan-yambimɔ pɛa: «Hio wi tɔ nde, mi, *Bewei pɛ Wi, nê o?»

Matthieu 25:31

«Ha ngimɔ ka mi, *Bewei pɛ wi, betɛ hinɛ hio nzɔy *telenge ha zang *lɛkɛ-lɛkɛmɔ pɔm, mi bedung ha zu lɛkɛ-lɛkɛ solowan pɔm.

Matthieu 26:64

Jésus kiforo wen ha wɛnɛ: «Ey, mɛ tɔa yo. Mi tɔ ha ɛnɛ fin nde, ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zu buswe.»

Matthieu 28:18

Nɛ Jésus tiko tɛ hapɛtɛ mbwa nɛ tɔa: «Sɔ gdea ziomɔ fɛt ha zang ngɔn nɛ ha zu nu ha kɔ mi.

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Matthieu 9:6

Ɛnɛ being long nde, mi, *Bewei pɛ Wi, mi nɛ ziomɔ mɛ bisi sɛmbɔ pɛ hio wi ha zu nu.» Mɛgi Jésus tɔa ha wan-zɛlɛ mɛla: «Gutɛ, ba lang pɛ mɛ, nɛ mɛ si ha twa pɛ mɛ!»

Dede Wen hazu Jésus-Christ ka Luc ngɛraka 5:13

Jésus yafafa kɔ ba nɛ tɛ wan-doko, nɛ a tɔa: «Mi ngoya, tɛ mɛ asa!» Ha ndangtɛ ngimɔ, doko pɛa kara.

Dede Wen hazu Jésus-Christ ka Luc ngɛraka 5:18

Hio ma wei guo ma wan-zɛlɛ mɛla nɛ lang, nɛ mbwa kio wal mɛ lesisi wɛnɛ gde ha li Jésus gan.

Dede Wen hazu Jésus-Christ ka Luc ngɛraka 5:23

Ka mi tɔ nde, ‹Mi biso sɛmbɔ pɛ mɛ kari›, mana ka mi tɔ nde, ‹Gutɛ, mɛ nɛ nɔ›, yo nê nge ka dung nɛ hasa mɛ tɔ, ge nde?

Dede Wen hazu Jésus-Christ ka Luc ngɛraka 7:14

Nɛ a tiko nɛ nɛ gde kɔ ha zu kubha fio. Nɛ wi ndɔng ka ba yo nɛnɛ yola, nɛ Jésus tɔa: «Pɔlɔmbɔ wi, mi ha nu ha mɛ, gutɛ mɛ!»

Dede Wen hazu Jésus-Christ ka Luc ngɛraka 8:54

Ma, Jésus baa kɔ bem, nɛ a tɔa nɛ ngagɛl: «Bem, gutɛ mɛ!»

Jean 11:43

Hapata wen ki, Jésus saa Lazare nɛ ngagɛl: «Lazare, mɛ gbo!»

Jean 17:2

Mɛ haa mi ziomɔ ha zu hio wi fɛt tuka nde, mi aha *tunɔ kpoo ha hio wi ndɔng ka mɛ gdea ha kɔ mi.

Jean 3:13

Ma wi ndang tɛ gutɛ ha nu dang si ha ngɔn na, kanɛ mi, *Bewei pɛ Wi, ka zilo ha ngɔn tɛ.

Jean 5:27

Nɛ a haa mi fin ziomɔ mɛ gɔn kita ha zu hio wi, hazu mi nê *Bewei pɛ Wi.

Deamɔ 14:10

Mɛgi, Paul tɔa ha wɛnɛ nɛ ngagɛl: «Gutɛ mɛ, mɛ yol nzeng.» Nɛ wia kpera, nɛ a angara nɛa nɔ.

Deamɔ 5:31

A guo wɛnɛ ha wekɔ wa nɛ gdea wɛnɛ tuka *kongapora nɛ *wan-kpasisi wi. Sɔ dea mɛgi hazu ha wal ha hio wi mɔ Israel mɛ kifiri sila mbwa tuka nde, wɛnɛ abisi *sɛmbɔ pɛ mbwa.

Deamɔ 9:34

Pierre tɔa ha wɛnɛ: «Ene, Jésus-Christ kpasasa mɛ. Mɛ gutɛ, mɛ bhɔngiri yala pɛ mɛ.» Nɛ ha ndangtɛ ngimɔ, a guotɛ.

Deamɔ 9:40

Mɛgi, Pierre haa nu nde, wi fɛt agbo. A ngbio zigolo ha nu nɛ gɔa Sɔ. Hapata, a kiforo tɛ zɔk wɔl nɛ tɔa: «Tabita, mɛ gutɛ!» Nɛ wɛnɛ bhaa li. Ka wɛnɛ zɔka Pierre, a guotɛ dung nu.

Gbasamɔ 1:13

Mi zɔka fin ma mɔ tuka wi ha soko solo lamba ndɔng. Wi ɛngɛ yola bɔya gbambusa nɛ wɛnɛ libhoko mbanzi wa nɛ pɛrɛng mɔ gbɛbolo.