Dede Wen hazu Jésus-Christ ka Luc ngɛraka 3:3 - Takarata pɛ Sɔ Mbombe Mbon

³ Nɛ wɛnɛ ha yala dam kandɔnu mɔ li Jourdain fɛt. A gbaa tazu hio wi nɛ wen mɛgɛ: «Ɛnɛ tɛ, mi gdumsi ɛnɛ ha li hazu osi nde, ɛnɛ kiforo sila ɛnɛ. Mɛgi Sɔ bebisi *sɛmbɔ pɛ ɛnɛ.»

Dede Wen hazu Jésus-Christ ka Luc ngɛraka 3:3 ပူးပေါင်းရင်းမြစ်များ

Matthieu 3:11

Pɔm, mi gdumsi ɛnɛ ha li hazu osi nde, ɛnɛ kiforo sila. Ma, wi kɛ ka betɛ ha pata mi, wɛnɛ nɛ gasaa pen mi. Mi bo nɛ zioa hazu bul pɛl nakala pɛa na. A begdumsi ɛnɛ ha zang *Nzɔy-Sɔtɛ nɛ ha zang we.

Dede Wen hazu Jésus-Christ ka Luc ngɛraka 1:16

Wɛnɛ bekifiri hio bem pɛ Israel nɛdɔka ha Kongawan Sɔ pɛ mbwa.

Dede Wen hazu Jésus-Christ ka Luc ngɛraka 1:77

Mɛ betɔ ha hio wi nde, Sɔ bekpasisi mbwa. A bebisi *sɛmbɔ pɛ mbwa hazu kpasisi mbwa.

Dede Wen hazu Jésus-Christ ka Luc ngɛraka 4:1

Jésus dona nɛ *Nzɔy-Sɔtɛ, a laka li Jourdain gde, nɛ Nzɔy-Sɔtɛ ngbɔsa wɛnɛ nɛ nɛ ha kpɛnu.

Jean 1:28

Mɔ ndɔng fɛt hɔa ha Betani ha kuli Jourdain ha bhandi ka Jean dungɔ ang hazu gdumsi nɛ hio wi.

Jean 3:26

Mɛgi mbwa nɛa ha pɛ Jean nɛ mbwa tɔa ha wɛnɛ: «Wan-osimɔ, wi kɛ ka mɛ tɔa wen pɛa ha ɔ, ka dungɔ hinɛ mɛ ha kuli Jourdain, a tɛ bo ha gdumso hio wi ha li. Hio dɔka wi zuro may nɛ ha pɛa.»

Deamɔ 13:24

Sɔngsi ka Jésus tɛ angiri ka tom pɛa na, Jean saa sala ha hio wi mɛ kandɔ Israel nde, mbwa atɛ, nɛ wɛnɛ begdumsi mbwa ha li hazu osi nde, mbwa kiforo sila mbwa.

Deamɔ 19:4

Nɛ Paul tɔa: «Jean gdumso nɛ wi ndɔng, ka mɛkara mɛ kifiri sila mbwa. Nɛ wɛnɛ tɔa ha hio wi mɔ kandɔ *Israel nde, mbwa amɛkiri wi, ka betɛ ha pata wa. Wi ɛngɛ nê Jésus.»

Deamɔ 22:16

Mɛ keri fin nɛ ge nde? Gutɛ mɛ, mɛ tɛ ka mi agdumsi mɛ ha li. Mɛ sa ling Jésus nɛ wɛnɛ bezosi *sɛmbɔ pɛ mɛ.›