Dede Wen hazu Jésus-Christ ka Luc ngɛraka 22:70 - Takarata pɛ Sɔ Mbombe Mbon

⁷⁰ Nɛ mbwa fɛt ana wɛnɛ fin: «Mɛgi, mɛ tɔ nde, mɛ nê *Bewei pɛ Sɔ nde?» Nɛ wɛnɛ tɔa ha mbwa: «Ɛnɛ tɔa yo nɛ tɛ ɛnɛ. Mi nê Bewei pɛ Sɔ.»

Dede Wen hazu Jésus-Christ ka Luc ngɛraka 22:70 ပူးပေါင်းရင်းမြစ်များ

Matthieu 26:25

Judas wan-hakasatɛ wa, ana mɔ: «Yo nê mi nde, wan-osimɔ?» Jésus kɔa: «Ey, mɛ tɔa yo nɛ pɛ mɛ tɛ.»

Matthieu 26:64

Jésus kiforo wen ha wɛnɛ: «Ey, mɛ tɔa yo. Mi tɔ ha ɛnɛ fin nde, ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zu buswe.»

Matthieu 27:11

Jésus yola ha li gɔfɔrma Pilate, ka ana wɛnɛ: «Mɛ nê *kongapora pɛ hio *zuife nde?» Jésus kiforo wen: «Yo nê mɛ ka tɔ yo.»

Matthieu 27:43

A gdea tazu wa fɛt ha tɛ Sɔ. A tɔa nde, wɛnɛ nê Bewei pɛ Sɔ. Mɛgi ka Sɔ ngoya wɛnɛ, Sɔ akpasisi wɛnɛ sising.»

Matthieu 27:54

Kagama-bulo nɛ hio wan-bibulo ka pɛma Jésus zɔka yaka nu nɛ mɔ fɛt ka hɔa. Mɛgi gasa ke baa mbwa, nɛ mbwa tɔa: «Kpasawen, wi kɛ dungɔ nê *Bewei pɛ Sɔ.»

Matthieu 3:17

Ma gɛl gboa ha liswe nɛ tɔa: «Wi kɛ nê bewei pɔm ka mi ngoya gdang. Wɛnɛ gdea totɛ ha sila mi.»

Matthieu 4:3

Satan tiko nɛ hapɛtɛ Jésus nɛ tɔa: «Ka mɛ nê *Bewei pɛ Sɔ, mɛ ha nu ha ta ndɔng akifi mampa.»

Marc 14:62

Jésus mɛkara yo: «Ey, yo nê mi! Nɛ ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zang buswe.»

Marc 15:2

Nɛ Pilate ana wɛnɛ: «Mɛ nê *kongapora pɛ hio *zuife nde?» Nɛ Jésus kiforo wen ha wɛnɛ: «Yo nê mɛ ka tɔ yo.»

Dede Wen hazu Jésus-Christ ka Luc ngɛraka 22:71

Mɛgi, mbwa tɔa: «Ɔ zea wen nu wa nɛ tɛ ɔ kari. Ɔ lɛm ki ma wan-kɛ wen fin na.»

Dede Wen hazu Jésus-Christ ka Luc ngɛraka 23:3

Nɛ Pilate ana Jésus: «Mɛ nê kongapora pɛ hio *zuife nde?» Nɛ Jésus kiforo wen: «Yo nê mɛ ka tɔ yo.»

Dede Wen hazu Jésus-Christ ka Luc ngɛraka 4:41

Hio gdanga sɔtɛ gboa ha tɛ dɔka wi nɛ gdɔra: «Mɛ nê *Bewei pɛ Sɔ!» Ma, Jésus gaya mbwa nde, ka mbwa awolmɔ na, hazu mbwa ingɔ fɛt nde, wɛnɛ nê *Mesi.

Jean 1:34

Hazu mi zɔka mɔ mɛgi, mi gbasi wen ha ɛnɛ nde, wi kɛ nê *Bewei pɛ Sɔ.»

Jean 1:49

Mɛgi Natanael tɔa ha wɛnɛ: «Wan-osimɔ, mɛ nê *Bewei pɛ Sɔ, mɛ nê *kongapora mɔ Israel.»

Jean 10:30

Mi hinɛ Bafa mi, ɔ nê wi ndang sɔna.»

Jean 10:36

Sɔ weka mi nɛ wɛnɛ tomsa mi ha nzan. Mɛgi ɛnɛ dea mɛng mɛ tɔ nde, mi ha fɛngsa Sɔ hazu mi tɔa nde, mi nê Bewei pɛ Sɔ, nde?

Jean 18:37

Nɛ Pilate ana wɛnɛ fin: «Ka bo mɛgi, ki mɛ nê kongapora wa?» Jésus kɔa: «Ey! Mɛ tɔa yo, mi nê kongapora. Goto mɔ ka ɛ bhɛa nɛ mi, nɛ ka mi tɛa nɛ ha nzan, yo nde, ka mi agbasi tɛwen ha hio wi. Mɛgi, wi ka ngoy mɛ ing tɛwen, wɛnɛ bemɛkiri hio wen pɔm.»

Jean 19:7

Mɛgi, hio zuife kiforo wen ha wɛnɛ: «*Mbonga pɛ ɔ tɔa nde, a lɛma nɛ fio, hazu a tɔa nde, wɛnɛ nê *Bewei pɛ Sɔ.»