Dede Wen hazu Jésus-Christ ka Luc ngɛraka 16:2 - Takarata pɛ Sɔ Mbombe Mbon

² Mɛgi wan-kpamɔ saa wɛnɛ nɛ tɔa: ‹Mi zea nɛ ge hazu mɛ ge nde? Mɛ osi ha mi pata mɔ fɛt ka mɛ dea nɛ toy pɔm. Hazu mɛ lɛm dung wan-pam mɔ pɔm fin na.›

Dede Wen hazu Jésus-Christ ka Luc ngɛraka 16:2 ပူးပေါင်းရင်းမြစ်များ

Matthieu 12:36

Ma, mi tɔ ha ɛnɛ nde, ha swe kita pɛ Sɔ, hio wi betɔ olo nu mbwa hazu tum wen fɛt ka mbwa batɔ.

Matthieu 20:8

«Ka mbolo dea, wan-gasa fɔ saa wan-pam mɔ pɛa, nɛ tɔa: ‹Mɛ sa hio wan-tom, nɛ mɛ ha mbwa mbɔli tom. Mɛ angiri kɛa nɛ ɛ ndɔng ka tɛa nɛ kpogio, hɔ ha ɛ ndɔng ka tɛa nɛ bosia.›

Dede Wen hazu Jésus-Christ ka Luc ngɛraka 12:20

«Nɛ Sɔ wanga wɛnɛ nɛ tɔ nde, yera wi! Mɛ befe mɛsɛ nɛ zɛ. Mɛgi dɔka mɔ ka mɛ wesara, o ha bedung nɛ yo, o nde?

Dede Wen hazu Jésus-Christ ka Luc ngɛraka 12:42

Kongawan kiforo wen: «Mi tɔa yo hazu wi fɛt ka dung tuka wan-tom ka dung nɛ mboazu nɛ ingɔmɔ. Wan pɛa begde wɛnɛ ha zu hio olo wan-tom, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Dede Wen hazu Jésus-Christ ka Luc ngɛraka 16:1

Jésus tɔa fin ha hio *wan-yambimɔ pɛa: «Ma wan-kpamɔ dungɔ se nɛ wan-pam mɔ pɛa. Nɛ ɛ tɛa tɛ tɔ ha wɛnɛ nde, wan-pam mɔ ha gdangsa toy pɛa.

Dede Wen hazu Jésus-Christ ka Luc ngɛraka 16:3

Nɛ wan-pam mɔ tɔa ha sila wa: ‹Wan pɔm begbosisi mi ha tom, mi bede mɛng? Mi bo nɛ ngaya mɛ gɔm fɔ na, nɛ mi nɛ foy mɛ gɔ mɔ.

Rome 14:12

Mɛgi, ɔ ndang ndang fɛt, ɔ betɔ nɛ pɛ ɔ tɛ pata deamɔ pɛ ɔ ha Sɔ.

1 Korente 1:11

Ey, hio ya mi, hio wi mɛ twa pɛ Kloe tɛa tɛ tɔ ha mi nde, ɛnɛ ha mɔya ha soko ɛnɛ.

1 Korente 4:2

Mɛgi, lɛma nde, wi ka wan pɛa gdea tom ha kɔ wa, adung nɛ mboazu ha toma.

1 Korente 4:5

Hazu ɛngi, ka ɛnɛ agɔn kita ha zu wi na. Ɛnɛ keri kanɛ ngimɔ ka Kongawan behɔ. Hazu ka wɛnɛ hɔa, hio mɔ ka wusi tɛ ha tutum sising, a begbosisi yo ha saamɔ. A begbasi fin long hio mɔ ka hio wi takiri ha zang sila mbwa. Mɛgi, Sɔ belukisi wi ndang ndang fɛt lɛm nɛ tom ka mbwa dea.

2 Korente 5:10

Hazu, lɛma nde, ɔ hinɛ ɛnɛ fɛt ahɔ ha li Christ tuka nde, wɛnɛ agɔn kita ha zu ɔ. A bekɛ ɔ ndang ndang fɛt lɛm nɛ dedemɔ mana nɛ gdangamɔ ka ɔ dea ha ngimɔ ka ɔ dungɔ nɛ tɛ ɛngɛ.

1 Timothée 4:14

Ka mɛ alak dea tom nɛ ngatɛ ka *Nzɔy-Sɔtɛ haa ha mɛ gde na. A haa ngatɛ ɛngɛ ha mɛ nɛ wal kuliwen ha ngimɔ ka gili kotowi gdea kɔ ha zu mɛ.

1 Timothée 5:24

Hio ma wi ang ka *sɛmbɔ pɛ mbwa gbo long sɔngsi gɔna kita ha zu mbwa. Ma, pɛ hio ma, sɛmbɔ pɛ mbwa begbo nɛ pata sɔna.

1 Pierre 4:10

Sɔ haa ɛnɛ ndang ndang fɛt hio tili ngatɛ nɛtɛ-nɛtɛ mɛ de nɛ hio tili tom nɛtɛ-nɛtɛ. Lɛma nde, ɛnɛ agbakiri may nɛ wal ngatɛ ndɔng tuka dede wan-tom.

1 Pierre 4:5

Ma, ma swe ndang, mbwa beyol bin ha li Sɔ hazu tɔ pata deamɔ pɛ mbwa fɛt. Wɛnɛ tɛ bo sanga mɛ gɔn kita ha zu hio tunɔ wi nɛ ha zu hio fiowi gbesi.

Gbasamɔ 20:12

Nɛ mi zɔka hio fiowi fɛt, mana gasaa mana bebea, ha yola ha li solowan. Ɛ gbosasa hio ma takarata gde long. Nɛ ɛ gbosasa ma mbing takarata ndang, yo nê Takarata Tunɔ. Nɛ Sɔ gɔna kita ha zu hio fiowi lɛm nɛ hio deamɔ pɛ mbwa tuka ɛ ngɛraka yo ha zang hio takarata ndɔng.