Dede Wen hazu Jésus-Christ ka Luc ngɛraka 16:16 - Takarata pɛ Sɔ Mbombe Mbon

¹⁶ «Sɔngsi hɔa pɛ *Jean wan-gdumsiwi, yo nê *mbonga pɛ Moïse nɛ hio takarata pɛ *wan-tɔkuliwen sɔna ka osa mɔ ka Sɔ ngoy. Ma, angiri nɛ Jean wan-gdumsiwi, ɛ ha bulo *Dede Wen *Kongakandɔ pɛ Sɔ. Mɛgi, hio wi fɛt kio wal mɛ le ang nɛ nga mbanzi.

Dede Wen hazu Jésus-Christ ka Luc ngɛraka 16:16 ပူးပေါင်းရင်းမြစ်များ

Matthieu 10:7

Ha liwal, ɛnɛ bul wen ha hio wi nde, *Kongakandɔ Ngɔn tɛ bo sanga.

Matthieu 15:11

Mɔ ka le nu wi, de nzing ha tɛ wa na. Ma, yo nê mɔ ka gbo ha nu wi, ka de nzing ha tɛ wa.»

Matthieu 21:32

Hazu *Jean wan-gdumsiwi tɛa tɛ osi nzeng wal ha ɛnɛ, nɛ ɛnɛ tɛ mɛkiri wɛnɛ na. Ma, hio wan-ndɛm mbɔli garama nɛ hio bhoko-de wanza mɛkara wen pɛa. Ngase ɛnɛ zɔka mɔ ɛngɛ, ɛnɛ tɛ kifiri sila ɛnɛ na, nɛ ɛnɛ tɛ mɛkiri wen pɛa na.»

Matthieu 3:2

nɛ tɔa: «Ɛnɛ akifiri sila ɛnɛ, hazu *Kongakandɔ Ngɔn tɛ bo sanga nɛ ɛnɛ.»

Matthieu 4:17

Angiri ha ngimɔ ɛngi, Jésus bulo wen mɛgɛ: «Ɛnɛ akifiri sila ɛnɛ, hazu *Kongakandɔ Ngɔn tɛ bo sanga nɛ ɛnɛ!»

Matthieu 4:23

Ha ngimɔ ɛngi, Jésus yala zikiri kandɔnu Galile fɛt, nɛ wɛnɛ dungɔ ha bulo *Dede Wen *Kongakandɔ Ngɔn ha zang hio *twa gɔ Sɔ. Wɛnɛ dungɔ fin ha kpasasa hio wan-zɛlɛ nɛ hio kumɔ wi fɛt.

Marc 1:14

Hapata ka Herode pio Jean ha zɔbhɔ, Jésus nɛa ha Galile. Nɛ a bulo *Dede Wen pɛ Sɔ,

Marc 1:45

Ma, wi kɛ sio, nɛ wɛnɛ angara baa kasi mɔ, ka hɔa ha tɛ wa, ha wi fɛt. Hazu ɛngi, Jésus lɛm le zang le nɛ gbasi tɛ wa fin na. Ma, a bhɔna ha zang bɛlɛ, nɛ hio wi dungɔ ha guotɛ ha bhandi fɛt tɛ ha pɛa.

Dede Wen hazu Jésus-Christ ka Luc ngɛraka 10:11

‹Ɔ ngbɔ ngbabhuki le pɛ ɛnɛ ka baa nanga ɔ, hazu osi gdanga deamɔ pɛ ɛnɛ. Ma, ɛnɛ aing nde, Kongakandɔ pɛ Sɔ tɛ bo sanga-sanga.›

Dede Wen hazu Jésus-Christ ka Luc ngɛraka 10:9

Ɛnɛ kpasisi hio wan-zɛlɛ ka dung ha le ɛngi, nɛ ɛnɛ tɔ ha hio wi: ‹*Kongakandɔ pɛ Sɔ tɛ bo sanga-sanga nɛ ɛnɛ.›

Dede Wen hazu Jésus-Christ ka Luc ngɛraka 16:29

Ma, Abraham tɔa: ‹Hio ya mɛ nɛ takarata pɛ Moïse nɛ pɛ hio *wan-tɔkuliwen. Lɛma sɔna nde, mbwa aze nu mbwa.›

Dede Wen hazu Jésus-Christ ka Luc ngɛraka 16:31

Nɛ Abraham tɔa ha wɛnɛ fin: ‹Ka mbwa ze wen takarata pɛ Moïse nɛ pɛ hio wan-tɔkuliwen na, mbwa lɛm ze ndang na, ngase wen pɛ ma wi ka guotɛ ha soko hio fiowi.›»

Dede Wen hazu Jésus-Christ ka Luc ngɛraka 9:2

Nɛ wɛnɛ tomsa mbwa hazu bul wen *Kongakandɔ pɛ Sɔ, nɛ hazu kpasisi hio wan-zɛlɛ.

Jean 1:45

Hapata Philippe kpaa Natanael. A tɔa ha wɛnɛ: «Ɔ kpaa wi kɛ ka Moïse batɔ wen pɛa ha zang takarata *mbonga, nɛ ka hio *wan-tɔkuliwen batɔ fin wen pɛa. Yo nê Jésus, bem pɛ Joseph, wi mɛ Nazaret.»

Jean 11:48

Ka ɔ gde nde, wɛnɛ ade ka mɛgi nɛnɛ, ki hio wi fɛt bemɛkiri wɛnɛ. Ki hio wan-bi bulo mɔ Rome betɛ tɛ yangili *gasa twa Sɔ pɛ ɔ, nɛ kandɔ pɛ ɔ fɛt.»

Jean 12:19

Nɛ hio *Farizien tɔa ha soko may: «Ɔ bo fin nɛ ma kpasamɔ ka ɔ bede na. Ɛnɛ zɔk, wi fɛt zuro may nɛ ha pata wa.»

Deamɔ 3:18

Ma, yo nɛ wal ɛngi ka Sɔ lɛmsara hio mɔ, ka wɛnɛ batɔ se nɛ wal nu hio *wan-tɔkuliwen. Mbwa batɔ nde, *Mesi, ka Sɔ betomsi, bekpa yimtɛ nɛdɔka.