Dede Wen hazu Jésus-Christ ka Luc ngɛraka 16:10 - Takarata pɛ Sɔ Mbombe Mbon

¹⁰ «Wi ka dung nɛ mboazu ha bebe mɔ, a bedung fin nɛ mboazu ha gasa mɔ. Nɛ wi ka de nzeng mɔ nɛ bebe mɔ na, lɛm de fin nzeng mɔ nɛ gasa mɔ na.

Dede Wen hazu Jésus-Christ ka Luc ngɛraka 16:10 ပူးပေါင်းရင်းမြစ်များ

Matthieu 24:45

«Nge wan-tom ka dung nɛ mboazu nɛ ingɔmɔ ge nde? Yo nê wi kɛ ka wan pɛa begde wɛnɛ ha zu hio olo wan-tom pɛa, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Matthieu 25:21

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

Matthieu 25:23

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

Dede Wen hazu Jésus-Christ ka Luc ngɛraka 19:17

Kongapora tɔa ha wɛnɛ: ‹Nɛdedea, mɛ nê dede wan-tom. Mi begde mɛ ha zu le bhukɔ, hazu mɛ dungɔ nɛ mboazu ha bebe mɔ.›

Jean 12:6

Judas bo ha dea ngɔtɛ tɛ hio fabha wi na. Ma, a tɔa mɛgi hazu wɛnɛ nê wanzu. Wɛnɛ nê wan-pam mbɔli pɛ mbwa, nɛ a dung mɛ zu hio ma mbɔli.

Jean 13:2

Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa.

Jean 13:27

Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»

Hebro 3:2

Sɔ gdea wɛnɛ ha litom ɛngɛ, nɛ Jésus dea yo nɛ mboazu, gbesi tuka ka Moïse badung nɛ mboazu ha tom, ka wɛnɛ bade ha twa pɛ Sɔ fɛt.