Dede Wen hazu Jésus-Christ ka Luc ngɛraka 12:57 - Takarata pɛ Sɔ Mbombe Mbon

⁵⁷ «Hazu ge ɛnɛ nɛ tɛ ɛnɛ lɛm gba soko mɔ ka dung nzeng na, ge nde?

Dede Wen hazu Jésus-Christ ka Luc ngɛraka 12:57 ပူးပေါင်းရင်းမြစ်များ

Matthieu 21:21

Nɛ Jésus kiforo wen ha mbwa: «Kpasawen, mi tɔ ha ɛnɛ nde, ka ɛnɛ mɛkara Sɔ, nɛ ɛnɛ si kafɛ na, ɛnɛ lɛm de sɔna nɛ mɔ ka hɔa ha te fige ɛngɛ na, ma, ɛnɛ lɛm tɔ ha ngari ɛngɛ: ‹Gutɛ, mɛ nɛ, nɛ tek ha nana-litɔng!› Nɛ mɔ behɔ gbesi.

Matthieu 21:32

Hazu *Jean wan-gdumsiwi tɛa tɛ osi nzeng wal ha ɛnɛ, nɛ ɛnɛ tɛ mɛkiri wɛnɛ na. Ma, hio wan-ndɛm mbɔli garama nɛ hio bhoko-de wanza mɛkara wen pɛa. Ngase ɛnɛ zɔka mɔ ɛngɛ, ɛnɛ tɛ kifiri sila ɛnɛ na, nɛ ɛnɛ tɛ mɛkiri wen pɛa na.»

Dede Wen hazu Jésus-Christ ka Luc ngɛraka 21:30

Ka hio wa te ndɔng angara bhɔya, ɛnɛ ingɔ nde, ngimɔ kolo tɛ bo sanga.

Jean 7:24

Ka ɛnɛ agɔn kita nɛ peali na. Ma, ɛnɛ gɔn kita nzeng.»

Deamɔ 2:40

Pierre wolamɔ ha mbwa fin nɛdɔka nde, mbwa amɛkiri wen pɛa. Nɛ a mboa mbwa: «Ɛnɛ kɛtini soko hinɛ hio *kalbho-kalbho wi mɔ ngimɔ ɛngɛ, nɛ Sɔ bekpasisi ɛnɛ.»

1 Korente 11:13

Ɛnɛ nɛ tɛ ɛnɛ agba soko deamɔ ɛngɛ: Bhoko ka gɔ Sɔ nɛ gbele zu, wɛnɛ dea mɔ nɛ wala nde?

1 Korente 11:14

Ndɔkitɛ mɔ fɛt ka Sɔ dea, osi nde, yo nê mɔ foy ka wei dung nɛ bɔya bumɔzu.