Dede Wen hazu Jésus-Christ ka Luc ngɛraka 11:9 - Takarata pɛ Sɔ Mbombe Mbon

⁹ «Mi tɔ ha ɛnɛ nde, ɛnɛ gɔ mɔ, nɛ ɛ beha yo ha ɛnɛ. Ɛnɛ ki mɔ, nɛ ɛnɛ bekpa yo. Ɛnɛ kɔn nutwa, nɛ ɛ begbosisi yo ha ɛnɛ.

Dede Wen hazu Jésus-Christ ka Luc ngɛraka 11:9 ပူးပေါင်းရင်းမြစ်များ

Matthieu 21:22

Ka ɛnɛ gɔ Sɔ nɛ mɛkaramɔ, ɛnɛ bekpa mɔ fɛt ka ɛnɛ gɔ ha kɔ wa.»

Matthieu 21:31

O ha soko bem ndɔng bwa dea mɔ ka sila bafa mbwa ngoya, o nde?» Nɛ mbwa tɔa ha Jésus: «Yo nê kaya.» Nɛ Jésus tɔa ha mbwa: «Kpasawen, mi tɔ ha ɛnɛ nde, hio wan-ndɛm mbɔli garama nɛ hio bhoko-de wanza bele ha *Kongakandɔ pɛ Sɔ sɔngsi ɛnɛ.

Matthieu 6:29

Ma, mi tɔ ha ɛnɛ nde, ngase Salomon ha zang yɛbhɛ-yɛbhɛ kpaamɔ pɛa, tɛ yol lɛkɛ-lɛkɛ la lɛm nɛ do bɛlɛ ndɔng na.

Marc 11:24

Yo nê ɛngi ka mi tɔ ha ɛnɛ, ka ɛnɛ gɔ Sɔ hazu ani nɛ ma mɔ, ɛnɛ gde tazu ɛnɛ nde, ɛnɛ kpaa yo kari. Nɛ Sɔ beha yo ha ɛnɛ.

Marc 13:37

Wen ɛngɛ ka mi tɔ ha ɛnɛ, mi tɔ yo ha hio wi fɛt nde, ɛnɛ adung nɛ zɔma!»

Dede Wen hazu Jésus-Christ ka Luc ngɛraka 11:10

Hazu wi ndang ndang fɛt ka gɔ mɔ, ɛ beha yo ha wɛnɛ. Nɛ wi ka ki mɔ, a bekpa yo. Nɛ wi ka kɔn nutwa, ɛ begbosisi yo ha wɛnɛ.

Jean 14:13

Mɛgi, mi bede mɔ fɛt ka ɛnɛ beani ha kɔ Bafa mi nɛ ling mi, tuka nde mi, Bewei pɛa, agbasi *lɛkɛ-lɛkɛmɔ pɛ Bafa mi ha hio wi.

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Jean 15:7

Ka ɛnɛ bhɔn ha tɛ mi, nɛ ka wen pɔm bhɔn ha tɛ ɛnɛ, ɛnɛ lɛma ana mɔ fɛt ka ɛnɛ ngoya, nɛ ɛnɛ bekpa yo.

Jean 4:10

Jésus kiforo wen ha wɛnɛ: «Mɛ aing se mɔ ka Sɔ ngoy mɛ ha ha hio wi, nɛ mɛ aing se mi ka gɔ li ha kɔ mɛ, ki yo nê mɛ ka begɔ li ha kɔ mi, nɛ mi betɛ ha mɛ li ka ha tunɔ.»

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

2 Korente 6:2

Kpasawen, Sɔ batɔ: «Mi zea mɛ ha dede ngimɔ, mi gbakara mɛ ha swe kpasisi wi.» Ɛnɛ zɔk, kpasa dede ngimɔ lɛma kari, swe kpasisi wi lɛma kari.

Hebro 11:6

Ka ma wi tɛ mɛkiri ka Sɔ na, Sɔ lɛm de totɛ tɛ wa na. Hazu wi ka tiki nɛ hapɛtɛ Sɔ hazu gɔ wɛnɛ, dea ka de nde, wia amɛkiri nde, Sɔ ang. Nɛ dea fin nde, wia aing nde, Sɔ bekɛ wi ndɔng ka ki wal mɛ ing wɛnɛ.

Hebro 4:16

Ɔ aba da nɛ tiki tɛ hapɛtɛ solowan pɛ Sɔ, wan-de *dede sila. Haki, a bede kobhe nɛ dede sila ha tɛ ɔ, hazu gbakiri nɛ ɔ ha dede ngimɔ.

Jacques 1:5

Ka ma wi ha soko ɛnɛ bo nɛ mbaramɔ na, dea nde, wɛnɛ agɔ yo ha kɔ Sɔ ka beha yo ha wɛnɛ. Hazu Sɔ ha mɔ ha wi fɛt nɛ *dede sila. Wi ka gɔ mɔ ha kɔ wa, Sɔ sɛn wen ha wɛnɛ na.

Jacques 5:15

Ka mbwa gɔ Sɔ nɛ gdea tazu fɛt ha wɛnɛ, a bekpasisi wan-zɛlɛ. A bekifiri dede tɛ ha wia. Nɛ ka wɛnɛ bade gdangamɔ, Sɔ bebisi yo yunɛ.

1 Jean 3:22

Ɔ ha kpaa mɔ fɛt ka ɔ gɔ ha kɔ wa, hazu ɔ ha pama hio *mbonga pɛa, nɛ ɔ ha dea mɔ ka ha totɛ ha wɛnɛ.

Gbasamɔ 2:24

«Ma, ka bo nê pɛ ɛnɛ, hio olo wi mɔ eglize ha Tiatire, ka tɛ ndari gdanga osamɔ ɛngɛ na, ɛnɛ tɛ yambi mɔ ka ɛ sa nde, osamɔ wuso pɛ *Satan, na. Mɛgi, mi lɛm gde ma mbing zio toy ha zu ɛnɛ na.