Dede Wen hazu Jésus-Christ ka Luc ngɛraka 10:16 - Takarata pɛ Sɔ Mbombe Mbon

¹⁶ Nɛ Jésus tɔa fin ha hio *wan-yambimɔ pɛa: «Wi ka mɛkiri wen pɛ ɛnɛ, mɛkara mi. Wi ka kafi ɛnɛ, kafa mi. Nɛ wi ka kafi mi, a kafa Sɔ ka tomsa mi.»

Dede Wen hazu Jésus-Christ ka Luc ngɛraka 10:16 ပူးပေါင်းရင်းမြစ်များ

Matthieu 10:40

«Wi ka baa ɛnɛ nɛ dede kɔ, a baa mi. Nɛ wi ka baa mi nɛ dede kɔ, a baa Sɔ ka tomsa mi.

Matthieu 18:5

Nɛ wi ka ba ma wi tuka ɛngɛ nɛ dede kɔ hazu ling mi, wɛnɛ baa mi.»

Marc 9:37

«Wi ka ba ma bhobem tuka ɛngɛ nɛ dede kɔ hazu ling mi, wɛnɛ baa mi. Nɛ wi ka baa mi, yo bo nê mi ka wɛnɛ ba na, ma, yo nê wi ka tomsa mi.»

Dede Wen hazu Jésus-Christ ka Luc ngɛraka 9:48

Nɛ a tɔa ha mbwa: «Wi ka baa bem ɛngɛ nɛ dede kɔ hazu ling mi, wia baa mi. Nɛ wi ka baa mi, baa wi ka tomsa mi. Hazu wi ka dung nɛ bebea ha soko ɛnɛ fɛt, yo nê wɛnɛ ka dung nɛ gasaa.»

Jean 12:44

Mɛgi Jésus tɔa ha mbwa: «Wi kɛ ka mɛkara mi, a mɛkiri nɛ mi sɔna na. Ma, a mɛkara fin wi ka tomsa mi tɛnɛ hakɛ ha nzan.

Jean 12:48

Wi ka kafi mi nɛ ka mɛkiri wen pɔm na, kpaa may hinɛ wan-gɔn kita pɛa kari. Yo nê wen ndɔng ka mi tɔa ka begɔn kita ba wɛnɛ ha kpogio ngimɔ.

Jean 13:20

Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»

Deamɔ 5:4

Sɔngsi ka mɛ tɛ gdongi ka fɔ ɛngɛ na, yo dungɔ nɛ pɛ mɛ, na nde? Nɛ ka mɛ gdonga, mbɔlia dungɔ fin nɛ pɛ mɛ, na nde? Ma, mɛ dea mɛng mɛ bhɔngiri nɛ gdangamɔ tuka ɛngɛ ha sila mɛ, ge nde? Mɛ tɛ tɔ dalo ɛngɛ ha hio wi na, ma, mɛ tɔa yo ha Sɔ.»

Galasi 4:14

Ngase ka zɛlɛ pɔm baha yeksamɔ ha ɛnɛ pentɛ, ɛnɛ tɛ bhɛsiri mi mana mul mi pi na. Ma, ɛnɛ baa mi nɛ dede kɔ tuka mi dungɔ nê ma *telenge pɛ Sɔ, mana Jésus-Christ nɛ pɛa tɛ.

1 Tesalonike 4:8

Mɛgi, wi ka kafi mɛ ze wen ndɔng, a kafi nɛ wen pɛ hio wi na, ma, a kafi nɛ Sɔ ka ha *Nzɔy-Sɔtɛ pɛa ha ɛnɛ.