Kolose 4:8 - Takarata pɛ Sɔ Mbombe Mbon

⁸ Gotowen ka mi betomsi nɛ wɛnɛ ha ɛnɛ, yo nde, wɛnɛ atɔ ha ɛnɛ wen dungɔ pɛ ɔ, nɛ wɛnɛ ayɔkili sila ɛnɛ.

Kolose 4:8 ပူးပေါင်းရင်းမြစ်များ

1 Korente 4:17

Yo nê ɛngi ka mi tomsa Timothée ha pɛ ɛnɛ. Wɛnɛ nê bem pɔm ha wal mɔ Christ. Mi ngoya wɛnɛ pentɛ, nɛ wɛnɛ nɛ mboazu fɛt. A begba tazu ɛnɛ nɛ wal ka mi ndari nɛ Jésus-Christ. Yo nê ndangtɛ wal ka mi osi ha hio wi mɔ hio eglize ha bhandi fɛt.

2 Korente 1:4

Wɛnɛ ha yɔkala ɔ ha zang yeksamɔ pɛ ɔ fɛt tuka nde, ɔ adung nɛ ngatɛ hazu yɔkili nɛ hio olo wi ka dung ha zang tili yeksamɔ nɛtɛ-nɛtɛ gbesi tuka ka wɛnɛ yɔkala nɛ ɔ.

2 Korente 12:18

Mi nɔsasa Tite hazu nɛ ha pɛ ɛnɛ, nɛ mi batomsi wɛnɛ hinɛ ya ɔ ɛngɛ ka mi tɔa wen pɛa sɔngsi. Mana Tite yɔnga ɛnɛ nde? Ɔ hinɛ Tite nɛ takaramɔ ndang gbesi, nɛ deamɔ pɛ ɔ fɛt gbesi.

2 Korente 2:7

Sising, lɛma nde, ɛnɛ abisi *sɛmbɔ pɛa, nɛ ɛnɛ ayɔkili wɛnɛ yu nde, gasa ngɔtɛ pentɛ betɛ dak wɛnɛ ha laka wal mɔ Sɔ gde.

Efeze 6:22

Mɛgi mi tomsi wɛnɛ ha ɛnɛ tuka nde, ɛnɛ aing dungɔ pɛ ɔ, nɛ nde, wɛnɛ aha ngatɛ ha sila ɛnɛ.

Filipe 2:28

Hazu ɛngi, mi tomsi wɛnɛ nɛ ha pɛ ɛnɛ mbalang tuka nde, ɛnɛ ade totɛ, ka ɛnɛ bezɔk wɛnɛ nɛ mbinga. Mɛgi, ma nu ngɔtɛ pɔm bekari fin.

Kolose 2:2

Mi de mɛgi tuka nde, sila mbwa adon nɛ da, mbwa andari may ha zang ngoy, nɛ mbwa adon nɛ ingɔmɔ lɛtɛtɛ. Mɛgi, mbwa being mɔ ka Sɔ babhɔngiri nɛ wuso, yo nde, mbwa being Christ,

1 Tesalonike 2:11

Ɛnɛ ingɔ fin nde, ɔ dea mɔ ha tɛ ɛnɛ ndang ndang fɛt gbesi tuka ka gdibafa de nɛ ha tɛ hio bem pɛa.

1 Tesalonike 3:2

nɛ mɛ tomsi ya ɔ, Timothée, nɛ ha pɛ ɛnɛ. Wɛnɛ ha dea tom ha Sɔ hinɛ ɔ ha bulo *Dede Wen pɛ Christ. Ɔ tomsa wɛnɛ nde, wɛnɛ aha ngatɛ ha ɛnɛ nɛ mbo ɛnɛ ha wal mɛkara Christ.

1 Tesalonike 3:5

Yo nê hazu ɛngi, ka mi ba sila mi fin na, nɛ mi tomsa Timothée nɛ ha pɛ ɛnɛ mɛ ing nde, mana ɛnɛ bhɔna ka ha mɛkara Christ. Mi dungɔ nɛ nɔzang nde, mana Satan osala ɛnɛ kari, nɛ tom pɛ ɔ ha soko ɛnɛ gɔya nɛgbelea.

1 Tesalonike 4:18

Ey, dea nde, ɛnɛ ayɔkili may nɛ wen ndɔng ki.

1 Tesalonike 5:11

Hazu ɛngi, ɛnɛ ayɔkili may nɛ ɛnɛ agbakiri may, gbesi tuka ka ɛnɛ ha dea nɛ sising.

1 Tesalonike 5:14

Hio ya ɔ, ɔ mbo ɛnɛ nde, ɛnɛ aha mbɔla ha hio pɔsa wi, ɛnɛ aha da ha hio wan-ke, ɛnɛ agbakiri hio mɔka wi, nɛ ɛnɛ aba sila ɛnɛ nɛ hio wi fɛt.

2 Tesalonike 2:17

mbwa adonsi sila ɛnɛ nɛ da nɛ ngatɛ hazu de nɛ wol hio tili dede mɔ fɛt.