Kolose 4:12 - Takarata pɛ Sɔ Mbombe Mbon

¹² Epafras, wi pɛ ɛnɛ, fana ɛnɛ. Wɛnɛ nê wan-tom pɛ Jésus-Christ ka gbɛngsi tɛ swe fɛt ha gɔa Sɔ hazu ɛnɛ nde, sila ɛnɛ adon lɛtɛtɛ nɛ mɛkaramɔ ka lɛma wɛɛ, nɛ nde, ɛnɛ ade mɔ ka Sɔ ngoya ha mɔ fɛt.

Kolose 4:12 ပူးပေါင်းရင်းမြစ်များ

Matthieu 5:48

Mɛgi, dea nde, deamɔ pɛ ɛnɛ alɛm wɛɛ, gbesi tuka deamɔ pɛ Bafa ɛnɛ ka dung ha zang ngɔn lɛma wɛɛ.»

Dede Wen hazu Jésus-Christ ka Luc ngɛraka 1:1

Dede Théophile, hio ma wi zɔka mɔ ka Sɔ dea ha soko ɔ angara ha kudoma. Mɛgi mbwa dea tom mɛ bul *Dede Wen hazu Jésus-Christ, nɛ mbwa tɔa kasia fɛt ha ɔ. Nɛ dɔka wi kimbolo mɛ ngɛriki kasia ha takarata.

Dede Wen hazu Jésus-Christ ka Luc ngɛraka 22:44

Jésus tɛ bo nɛ nɔzang pentɛ, mɛgi a angara gɔa Sɔ nɛngaya pen mɔ sɔngsi. Nɛ gbɛngamɔ tɛ wa sɛa ha nu tuka mbɔrɔ tɔk.]

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Rome 15:14

Hio ya mi, mi ingɔ pɔm nɛdedea nde, sila ɛnɛ dona nɛ hɛl mɛ de dedemɔ, nɛ ɛnɛ nɛ ingɔmɔ pentɛ ka ɛnɛ lɛma mɛ mbo nɛ may.

Rome 15:30

Hio ya mi, nɛ ling *Kongawan pɛ ɔ, Jésus-Christ, nɛ fin nɛ wal ngoy ka Nzɔy-Sɔtɛ ha ha ɛnɛ, mi ani ɛnɛ nde, ɛnɛ abi bulo hinɛ mi gbesi nɛ wal gɔa Sɔ hazu mi.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

1 Korente 2:6

Tangere, mi ha osa ma mbaramɔ ha hio zɔma wi ha wal mɔ Sɔ. Mbaramɔ ɛngɛ tɛ tɛ nɛ wal nzan ɛngɛ, mana nɛ wal hio wan mɔ nzan ɛngɛ na. Hio wan ndɔng bebhondi fɛt.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

Galasi 4:19

Hio bem pɔm, mi ha kpaa yimtɛ hazu ɛnɛ fin nɛ mbinga tuka bhoko ka bi bhɛ. Mi bebhɔn nɛ yimtɛ ɛngɛ tee hɔ ha ngimɔ ka ɛnɛ bedung nê hio kpasa wi pɛ Christ.

Kolose 1:22

Ma, sising nɛ wal Bewei pɛa ka yola tɛ wi nɛ ka fea, Sɔ bhɔngara soko ɛnɛ hinɛ wɛnɛ hazu gde ɛnɛ ha li wa nɛ nzɔya, nɛ saa, nɛ wen bo ha zu ɛnɛ na.

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

Kolose 1:7

Ɛnɛ bayambi Dede Wen ha nu Epafras, sɔy-tom pɛ ɔ, ka ɔ ngoya gdang. Wɛnɛ ha dea tom ha ɛnɛ tuka mboazu wan-tom pɛ Christ.

Kolose 1:9

Yo nê ɛngi, angiri ha swe ka ɔ zea nɛ kasi tɛ ɛnɛ, ɔ bhɔna ka ha gɔa Sɔ hazu ɛnɛ ngimɔ fɛt. Ɔ ha gɔa wɛnɛ nde, Nzɔy-Sɔtɛ adonsi ɛnɛ nɛ ingɔmɔ nɛ mbaramɔ fɛt tuka nde, ɛnɛ aing mɔ ka Sɔ ngoya.

Kolose 4:9

Mi betomsi wɛnɛ hinɛ Onezime, wi pɛ ɛnɛ. Wɛnɛ nê mboazu ya ɔ, ka ɔ ngoya pentɛ. Mbwa bwa fɛt benɛ nɛ ba ha ɛnɛ kasi mɔ ka dung hakɛ.

1 Tesalonike 5:23

Sɔ, wan-ha gaamɔ, alɛmsiri ɛnɛ nɛ nzɔya wɛɛ. Wɛnɛ apam sɔtɛ ɛnɛ, tunɔ pɛ ɛnɛ, nɛ kilitɛ ɛnɛ nɛdedea fɛt yu nde, ma wen betɛ dung ha zu ɛnɛ ha swe ka Kongawan pɛ ɔ, Jésus-Christ, bepe nɛ.

Philémon 1:23

Epafras, sɔy-de zɔbhɔ pɔm hazu Jésus-Christ fana mɛ.

Hebro 5:14

Ma, nga yɔngamɔ lɛma nɛ zɔma wi ka yamba wal mɛ de mɔ ka lɛma, nɛ ka li wa bhaa hazu ing wal mɛ gba soko dedemɔ nɛ gdangamɔ.

Hebro 5:7

Ha zang ngimɔ ka Christ bayol tɛ wi, a gɔa Sɔ nɛ a alanu ha wɛnɛ nɛ ngagɛl nɛ milikwa. Nɛ Sɔ ka lɛma mɛ kpasisi wɛnɛ gbo ha fio, zea wɛnɛ hazu wɛnɛ yuo ke Sɔ.

Jacques 1:1

Yo nê mi, Jacques, wan-tom pɛ Sɔ nɛ pɛ *Kongawan Jésus-Christ, ha ngɛriki takarata ɛngɛ ha ɛnɛ, hio kandɔ *Israel ka yambala nɛ ha zu nzan fɛt. Mi fana ɛnɛ fɛt nɛdedea.

Jacques 1:4

Nɛ yo lɛma nde, ɛnɛ adung nɛ yikosila kanɛ kpogio. Ka ɛnɛ de mɛgi, ɛnɛ belɛm wɛɛ, nɛ ma mɔ ndang lɛm kɔpi ɛnɛ na.

Jacques 5:16

Mɛgi, ɛnɛ gbasi hio gdangamɔ pɛ ɛnɛ ha may, nɛ ɛnɛ agɔ Sɔ hazu may fin nde, ka wɛnɛ akpasisi ɛnɛ ha hio zɛlɛ pɛ ɛnɛ. Hazu, wi ka dung nzeng ha li Sɔ, gɔamɔ pɛa lɛmsiri mɔ nɛdɔka.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

Jude 1:24

Ndanga Sɔ, ka kpasasa ɔ nɛ wal Jésus-Christ, *Kongawan pɛ ɔ, wɛnɛ nɛ ngatɛ mɛ pam ɛnɛ nde, ɛnɛ atek ha zang gdangamɔ na. A bede nde, ma wen adung ha zu ɛnɛ na, nɛ a beku ɛnɛ nɛ gasa totɛ gde ha zang *lɛkɛ-lɛkɛmɔ pɛa. Lɛkɛ-lɛkɛmɔ, kongamɔ, ngatɛ nɛ ziomɔ ha kɔ wa sɔngsi bhee, sising, kanɛ kpoo! Amen.