Kolose 4:10 - Takarata pɛ Sɔ Mbombe Mbon

¹⁰ Aristarke ka dung hinɛ mi hakɛ ha twa zɔbhɔ fana ɛnɛ. Marc, beyang mɛ Barnabas, fana ɛnɛ fin. Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ, tuka mi tɔa wena ha ɛnɛ kari.

Kolose 4:10 ပူးပေါင်းရင်းမြစ်များ

Deamɔ 12:12

Hapata, ka wɛnɛ baa zu tikiring, a nɛa ha twa pɛ Marie nana mɛ Jean, ka ɛ sa fin nde, Marc. Haki hio wi wesara may nɛdɔka ha gɔa Sɔ.

Deamɔ 12:25

Ka Barnabas hinɛ Saul karsa tom pɛ mbwa ha Jérusalem, mbwa kuo Jean, ka ɛ sa fin nde Marc, sinɛ hinɛ mbwa.

Deamɔ 13:13

Paul hinɛ hio sɔy-yali pɛa lea kuga ha Pafos hazu nɛ ha Perze ha kandɔnu Panfili. Ka mbwa hɔa haki, Jean Marc laka mbwa gde, a kiforo si ha Jérusalem.

Deamɔ 13:5

Haki, kuga bhanda ha le Salamine. Mbwa bulo wen pɛ Sɔ ha zang hio *twa gɔ Sɔ pɛ hio *zuife. Jean Marc dungɔ hinɛ mbwa hazu gbakiri mbwa.

Deamɔ 19:29

Mɛgi, zang le ɛngi fɛt bhunzoko. Hio wi fɛt sɔawi ha gasa bhandi de saka. Ha liwal mbwa baa hio sɔy-yali pɛ Paul bwa, Gaius nɛ Aristarke, hio wi mɛ Masedoane, nɛnɛ haki.

Deamɔ 20:4

Hio sɔy-yali pɛa dungɔ nê: Sopater bewei pɛ Pirus, wi mɛ Bere, nɛ Aristarke hinɛ Sekundus, hio wi mɛ Tesalonike, nɛ Gaius, wi mɛ Derbe, nɛ Timothée, nɛ Tishike hinɛ Trofime, hio wi mɛ kandɔnu Azi.

Deamɔ 27:2

Ɔ lea ma kuga, ka guotɛ ha le Adramite hazu nɛ ha hio nukolo mɔ kandɔnu Azi nɛnɛ. Aristarke, wi mɔ le Tesalonike ha kandɔnu Masedoane pena hinɛ ɔ.

Deamɔ 4:36

Ma bezang pɛ Lévi ang, ling wa nde, Joseph. Ɛ bhɛa wɛnɛ ha Shipre. Hio wan-nɛtom haa ma ling wa nde, Barnabas, ka tɔ nde, wan-yɔkili wi.

Rome 16:2

Ɛnɛ ba wɛnɛ nɛ dede kɔ nɛ ling *Kongawan gbesi tuka hio wi pɛ Sɔ lɛma mɛ de ha soko may. Nɛ ɛnɛ gbakiri wɛnɛ nɛ hio mɔ ka kɔpi wɛnɛ, hazu wɛnɛ nɛ pɛa tɛ gbakara hio wi nɛdɔka nɛ mi fin.

Rome 16:7

Ɛnɛ fan hio nam pɔm, Andronikus hinɛ Yunias, ka badung hinɛ mi ha zang twa zɔbhɔ. Mbwa bwa fɛt nê hio *wan-nɛtom ka hio wi tɔ dede lingtɛ mbwa pentɛ. Nɛ mbwa mɛkara Christ sɔngsi nɛ mi.

2 Timothée 4:11

Yo sɔna nê Luc ha bhɔn hakɛ hinɛ mi. Ka mɛ ha tɛa, mɛ ku Marc tɛnɛ ka wɛnɛ agbakiri mi ha tom.

Philémon 1:23

Epafras, sɔy-de zɔbhɔ pɔm hazu Jésus-Christ fana mɛ.

Philémon 1:24

Hio sɔy-tom pɔm, Marc, Aristarke, Demas nɛ Luc fana mɛ fin.

1 Pierre 5:13

*Giliwi mɔ eglize hakɛ ha Babilone, ka Sɔ weka mbwa tuka ɛnɛ, mbwa fana ɛnɛ. Marc ka dung tuka kpasa bem pɔm, a fana ɛnɛ fin.