Kolose 3:8 - Takarata pɛ Sɔ Mbombe Mbon

⁸ Ma, sising, ɛnɛ alak dea mɔ ndɔng fɛt gde: Ngambi, yimsila, dea gdangamɔ ha tɛ wi, yaa dala. Nɛ ka ma wen gɔnali agbo ha nu ɛnɛ na.

Kolose 3:8 ပူးပေါင်းရင်းမြစ်များ

Matthieu 5:22

Ma, pɔm, mi tɔ ha ɛnɛ nde, wi ka de ngambi sungiri nɛ ya wa, ɛ begde wɛnɛ ha li kita. Nɛ ka ma wi sa ya wa nde, yera wi, ɛ begde wɛnɛ ha li hio *wan-kpo zuwen. Nɛ wi ka sa ya wa nde, wan-bili, ɛ begde wɛnɛ ha bhandi we ka bisi na.

Marc 7:22

dea wanza, gola kpaamɔ pɛ ma wi, dea mɔ nɛ nyalɔ, gɔna zang, dea mɔ tum, dea silamɔ, fɛngsa wi, suotɛ, nɛ dea mɔ yera.

Rome 13:13

Ɔ ade mɔ nɛ wala, lɛm nɛ saamɔ gasa swe. Ka ɔ anɔ dɔkɔ nɛ ngurua na, ka ɔ ayɔng nɛ nɔ mɔ nɛ kang na, ka ɔ ade wanza mana ngon dua na, ka ɔ aki wen na, nɛ ka ɔ ade silamɔ na.

1 Korente 3:3

Hazu ɛnɛ bhɔna ka ha dea mɔ tuka hio wi mɔ nzan. Ɛnɛ bhɔna ka ha dea silamɔ ha tɛ may nɛ ha kio wen ha soko may. Bo nê ɛngɛ osi nde, ɛnɛ nê hio wi mɔ nzan, nɛ ɛnɛ ha dea mɔ lɛm nɛ ndɔkitɛ wi, na nde?

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

Galasi 5:15

Nɛ ka ɛnɛ de mɔ ha soko may tuka hio ngɔnzu ka yɔng may vak-vak, nɛ ka kɔmbiri may zɛgbɛk, ɛnɛ pangay yu nde, ɛnɛ betɛ gdari may mburr.

Galasi 5:20

dea tom gbele sɔ, dea yina, sungoro may, mɔya, dea silamɔ, dea ngambi, dea kul, gbaa soko, sio kafɛ,

Galasi 5:26

Ka ɔ asutɛ na, ka ɔ aki wen ha soko may na, nɛ ka ɔ ade silamɔ tɛ may na.

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Efeze 4:25

Hazu ɛngi, ɛnɛ lak tɔa dalo gde. Ɛnɛ tɔ tɛwen ha may hazu ɔ fɛt nê hio gbakɔtɛ mɔ kilitɛ ndang.

Efeze 4:26

Ka ngambi dea ɛnɛ, ka ɛnɛ apengi nɛ yo de nɛ gdangamɔ na. Ka ɛnɛ ade ngambi tee kpa mbolo na.

Efeze 4:29

Ka ma mbuli kalbho-kalbho wen ndang agbo ha nu ɛnɛ na. Ɛnɛ wol sɔna nɛ wen ka gbakiri hio wi, nɛ ka de dedemɔ ha tɛ wi ndɔng ka beze yo.

Efeze 5:4

Ka ɛnɛ atɔ wen nɛ tum, mana wen foy, mana wen gɔnali na. Mɔ ndɔng lɛm fin nɛ ɛnɛ na. Ma, dea nde, wen nu ɛnɛ adak wi mɛ tɔ oeba ha Sɔ.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

Kolose 3:9

Ka ɛnɛ atɔ dalo ha soko may na. Hazu ɛnɛ kpɔsa mɔa tɛ wi hinɛ ndɔki deamɔ pɛa gde kari.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

1 Timothée 1:20

Himene hinɛ Alexandre ha soko wi ndɔng. Mi gdea mbwa ha kɔ *Satan hazu ndulsi mbwa. Mɛgi mbwa beyambi nde, ka mbwa afɛngsi Sɔ fin na.

Hebro 12:1

Ka bo nê pɛ ɔ, dɔka giliwi ha zikoro ɔ. Yo nê ɛ ndɔng fɛt ka bade mɔ nɛ wal mɛkara Sɔ. Hazu ɛngi, ɔ ail hio zio toy fɛt ka dolsi ɔ ha wal mɔ Sɔ pi ha nu, ɔ alak fin gdangamɔ ka hɛl sila ɔ nɛhasa gde, nɛ ɔ asɔwi nɛ nɔa ha kpakpay ka Sɔ gdea ɔ ang, hɔ ha kpogioa.

Jacques 2:7

Nɛ yo bo nê mbwa ka fɛngsi dede ling Jésus-Christ ka ɛ saa ha zu ɛnɛ, na nde?

1 Pierre 2:1

Hazu ɛngi, ɛnɛ akafi tili gdangamɔ fɛt: Ka ɛnɛ atɔ dalo na, ka ɛnɛ ade gdanga dambari na, ka ɛnɛ ade silamɔ na, nɛ ka ɛnɛ atɔ gdanga lingtɛ na.

2 Pierre 2:18

Mbwa ha suotɛ tɔ nɛ hio tum wen. Nɛ wal hɛl mɔ multɛ, mbwa ha kio wal mɛ osili hio wi ndɔng ka gboa pɛ mbwa ngimɔ tikiring sɔna pen ha soko ɛ ndɔng ka ing tɛwen na.

2 Pierre 2:7

Sɔ kpasasa kanɛ Lot, *nzeng wi, ka kpaa ngɔtɛ nɛ wal deamɔ tum pɛ hio *kalbho-kalbho wi ndɔng.

Jude 1:13

Mbwa dung tuka tongbasali ha li nana-litɔng. Gdangamɔ pɛ mbwa gboa tuka puru ka yal ha zu li li. Nɛ mbwa dung gbesi tuka hio sɔla ka sɔwi nɛtum nɛtum. Sɔ bhɔngara bhandi ngɛ-ngɛ-ngɛ tutum gde keri nɛ mbwa kari, nɛ mbwa bedung haki kpoo nɛ kpoo.

Jude 1:8

Hio wi ndɔng ka lea soko ɛnɛ, dea mɔ gbesi. Mbwa ha dea tili wanza fɛt. Mbwa tɔ nde, mbwa zɔka Sɔ nɛ zizimɔ, ma, mbwa ngoy nde, Sɔ adung Kongawan hazu mbwa na. Nɛ mbwa fɛngsa hio lɛkɛ-lɛkɛ telenge.

Gbasamɔ 16:9

Mɛgi, swe dɔa hio wi nɛ gasa gbɛngamɔ, nɛ mbwa fɛngsa ling Sɔ ka dung nɛ ziomɔ mɛ tomsi hio kemɔ mɛgi. Ma, mbwa tɛ kifiri sila mbwa na, nɛ mbwa kafa lukoso Sɔ.