Kolose 3:5 - Takarata pɛ Sɔ Mbombe Mbon

⁵ Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

Kolose 3:5 ပူးပေါင်းရင်းမြစ်များ

Matthieu 15:19

Hazu hio gdanga takaramɔ gutɛ ha sila. Mɛgi hio wi gbɛa may, dea wanza, dea li bhoko, zuo mɔ, gɔna yɛlɛ ha tɛ may, nɛ fɛngsa may.

Rome 1:26

Hazu ɛngi, Sɔ gdea mbwa ha dea hio mɔ foy ka hɛl sila mbwa. Hio bhoko pɛ mbwa tɛ bo ha laka wei gde, ɔnu hinɛ ma mbwa bhoko.

Rome 1:29

Sila mbwa dona nɛ tili kalbho-kalbho mɔ nɛ gdangamɔ fɛt. Mbwa ha gola mɔ, ha dea gdangamɔ, nɛ ha dea gasa sila. Mbwa ha gbɛa wi, ha kio wen, nɛ ha osala wi. Mbwa ha dea gdanga sila, nɛ ha tɔa lingtɛ wi.

Rome 6:13

Ka ɛnɛ agde hio gbakɔtɛ ɛnɛ ha gdangamɔ tuka mɔ-de kpandele na. Ma, ɛnɛ aha tɛ ɛnɛ ha Sɔ tuka tunɔ wi ka guotɛ ha soko hio fiowi kari. Ɛnɛ agde hio gbakɔtɛ ɛnɛ ha Sɔ tuka mɔ-de nzengmɔ.

Rome 6:6

Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.

Rome 7:23

Mi mɛkara yo nɛ takaramɔ pɔm. Ma, mi zɔka ha zang tunɔ pɔm nde, ma mbing mbonga ang ka bi bulo sungiri nɛ yo. Mbing mbonga ɛngɛ, yo gdea mi tuka bala ha si gdangamɔ, ka dung ha tɛ mi.

Rome 7:5

Sɔngsi, ha ngimɔ ka ɔ bade mɔ tuka sila ɔ ngoya, ɔ badung nɛ hɛl mɛ de hio ngbak gdangamɔ ndɔng ka mbonga kafi mɛ de yo. Hɛl dea mɛgi dea tom ha gbakɔtɛ ɔ fɛt, nɛ yo daka ɔ nɛnɛ ha fio.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

1 Korente 5:1

Hio wi ha tɔa nde, wanza ang ha soko ɛnɛ. Pen fɛt, tili wanza ka dung ang, ngase hio *bhilo lɛm de yo na. Yo nde, ma wei ha soko ɛnɛ ha ɔanu hinɛ ko pɛ bafa wa.

1 Korente 6:11

Hio ma wi ha soko ɛnɛ bade tili gdangamɔ ndɔng sɔngsi. Ma, sising, Sɔ pɛ ɔ fala gdangamɔ pɛ ɛnɛ yunɛ fɛt kari, a dea ɛnɛ hio nzɔy wi pɛa, nɛ a gdea ɛnɛ nzeng ha li wa. Sɔ dea mɛgi nɛ wal ling *Kongawan, Jésus-Christ, nɛ fin nɛ wal *Nzɔy-Sɔtɛ pɛa.

1 Korente 6:13

Nɛ hio ma wi ha tɔa fin: «Yɔngamɔ hazu zang, nɛ zang hazu yɔngamɔ.» Kpasawen, ma, Sɔ beyangili bin zang hinɛ yɔngamɔ fɛt. Nɛ tɛ wi, yo bo hazu de nɛ mɔ nyɛl na. Ma, tɛ wi nê pɛ *Kongawan, ka dung fin nê wan hazu tɛ wi.

1 Korente 6:18

Mɛgi, ɛnɛ ayu dea wanza. Hio mbing gdangamɔ fɛt ka wi de, yo gdangsi tɛ mbwa na. Ma, wi ka de wanza, a gdangsi nɛ tɛ wa nɛ pɛa tɛ.

2 Korente 12:21

Mi yu fin nde, ha ngimɔ ka mi behɔ ha pɛ ɛnɛ, Sɔ pɔm betɛ pi foy ha li mi hazu ɛnɛ. Yo nde, mi yu mɛ kpa ngɔtɛ hazu hio dɔka wi ka bade gdangamɔ sɔngsi, nɛ ka tɛ kifiri sila mbwa lak dea mɔ nzing, dea wanza, nɛ dea mɔ tum gde na.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Efeze 4:19

Mbwa bo nɛ ma mbuli foy ha li mbwa fin na. Mbwa gdea tɛ mbwa ha dea tili mɔ tum nɛtɛ-nɛtɛ. Nɛ hɛl kpaamɔ baa sila mbwa nɛngaya.

Kolose 2:11

Nɛ wal dea sɔy hinɛ Christ, Sɔ gɔna sɔru ɛnɛ kari. Gɔna sɔru ɛngɛ tɛ nɛ wal wi na, ma, yo tɛ nɛ wal Christ, nɛ yo guo gdanga ndɔkitɛ ɛnɛ yunɛ.

1 Tesalonike 4:3

Mɔ ka sila Sɔ ngoya, yo nde, ɛnɛ adung nê nzɔy wi, nɛ ka ɛnɛ ade wanza na.

1 Tesalonike 4:5

Hio *bhilo ka ing Sɔ na, mbwa gde tɛ mbwa ha hɛl multɛ. Ka ɛnɛ ade mɛgi na.

1 Timothée 6:10

Yo nê hɛl mbɔli ha bhɛ tili gdangamɔ fɛt. Hio ma wi yɔsasa wal pɛ Sɔ hazu mbwa ngoya mbɔli nɛdɔka, nɛ mɛgi, mbwa pio tɛ mbwa ha zang dɔka ngɔtɛ.

Hebro 12:16

Ɛnɛ pangay yu nde, ma wi ha soko ɛnɛ betɛ tɛ wan-de wanza mana wan-bhɛsiri mɔ Sɔ tuka Ezau. A bagdongi bhandi kay wi pɛa ha bebe ya wa hazu tasi yɔngamɔ ndang.

Hebro 13:4

Ɛnɛ aba wen sio may nɛ zioa. Ngase wei, ngase ko pɛa ade wanza na. Hazu Sɔ begɔn kita ba nɛ wi ndɔng ka de mɔ nɛtum-nɛtum, nɛ ka de wanza.

Hebro 13:5

Ka wɔ mbɔli agan zu deamɔ pɛ ɛnɛ na, ma, ɛnɛ ade totɛ hazu mɔ ka dung ha kɔ ɛnɛ. Hazu Sɔ tɔa: «Mi lɛm mɛ ndekiri mɛ ndang na. Nɛ mi lɛm lak mɛ gde ndang na.»

Jacques 4:1

Goto mɔya nɛ tumbɔ ka dung ha soko ɛnɛ, yo gutɛ ha ndɔ tɛnɛ ge nde? Yo tɛ nɛ wal gdanga golamɔ pɛ ɛnɛ ka bi bulo ha tɛ ɛnɛ.

1 Pierre 2:11

Hio ndɔngsila mi, ɛnɛ ha nzan tuka hio gɔn-gɛnɛ wi. Mɛgi mi mbo ɛnɛ nde, ka ɛnɛ ade fin hɛl mɔ multɛ na, hazu yo ha bio bulo sungiri nɛ sɔtɛ ɛnɛ.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.