Kolose 3:16 - Takarata pɛ Sɔ Mbombe Mbon

¹⁶ Wen pɛ Christ ade le ha soko ɛnɛ hebhe. Ɛnɛ aosi mɔ ha may, nɛ ɛnɛ ambo may nɛ mbaramɔ fɛt. Ɛnɛ abe hio *gima pɛ David, hio gima lukisi Sɔ, hio gima ka tɛ nɛ wal *Nzɔy-Sɔtɛ nɛ sila ɛnɛ fɛt hazu ha oeba ha Sɔ.

Kolose 3:16 ပူးပေါင်းရင်းမြစ်များ

Matthieu 26:30

Nɛ ka mbwa bea hio *gima pɛ David mɔ yenga *Pake kari, mbwa nɛa ha zu ngari Olivier.

Dede Wen hazu Jésus-Christ ka Luc ngɛraka 2:51

Hapata wɛnɛ zilo hinɛ mbwa si ha Nazaret. Nɛ a dungɔ ha zea nu mbwa. Ma, nana wa konza mɔ ndɔng fɛt gde ha sila wa.

Jean 15:7

Ka ɛnɛ bhɔn ha tɛ mi, nɛ ka wen pɔm bhɔn ha tɛ ɛnɛ, ɛnɛ lɛma ana mɔ fɛt ka ɛnɛ ngoya, nɛ ɛnɛ bekpa yo.

Rome 10:17

Mɛgi, wi bemɛkiri Christ nɛ wal zea kasi. Nɛ kasi ɛngɛ, yo nê wen tɛ Christ.

Rome 15:14

Hio ya mi, mi ingɔ pɔm nɛdedea nde, sila ɛnɛ dona nɛ hɛl mɛ de dedemɔ, nɛ ɛnɛ nɛ ingɔmɔ pentɛ ka ɛnɛ lɛma mɛ mbo nɛ may.

1 Korente 14:15

Mɛgi, mi bede mɛng nde? Mi begɔ Sɔ nɛ wal Nzɔy-Sɔtɛ, nɛ mi begɔ fin nɛ ingɔmɔ pɔm. Mi bebe gima nɛ wal Nzɔy-Sɔtɛ, nɛ mi bebe fin nɛ ingɔmɔ pɔm.

1 Korente 14:26

Mɛgi, hio ya mi, mi betɔ nɛ ge nde? Ka ɛnɛ wesiri may, wi ndang ndang nɛ ma mɔ mɛ de: Ma wi be gima, ma osi mɔ, ma tɔ wen mɔ ka Sɔ gbasa ha wɛnɛ, ma wol mɔ nɛ hio nu pɛ *Nzɔy-Sɔtɛ, nɛ ma mbinga fin bul longowen nu ndɔng. Dea nde, mɔ ndɔng fɛt agbakiri *giliwi mɔ eglize.

Efeze 1:17

Sɔ pɛ Kongawan pɛ ɔ, Jésus-Christ, wɛnɛ nê Bafa ɔ ka dung nê *lɛkɛ-lɛkɛmɔ fɛt. Mi ha gɔa wɛnɛ nde, wɛnɛ aha ɛnɛ mbaramɔ nɛ wal *Nzɔy-Sɔtɛ. Nɛ Nzɔy-Sɔtɛ agbasi Sɔ ha ɛnɛ tuka nde, ɛnɛ aing wɛnɛ nɛkpasa.

Efeze 5:17

Ka ɛnɛ adung tuka hio tamtum wi na. Ma, ɛnɛ ki wal hazu ing mɔ ka Kongawan ngoya nde, ɛnɛ ade.

Efeze 5:19

Ka ɛnɛ wesara may, ɛnɛ be hio *gima pɛ David, hio gima lukisi Sɔ, nɛ hio gima ka tɛ nɛ wal Nzɔy-Sɔtɛ. Ɛnɛ be yo fɛt hazu lukisi nɛ Kongawan nɛ sila ɛnɛ fɛt.

Efeze 5:26

tuka nde, mbwa adung nɛ nzɔya. A sasasa mbwa nɛ wal li, ka ɛ gdumso mbwa ang, nɛ fin nɛ wal wen nu wa.

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

Kolose 1:9

Yo nê ɛngi, angiri ha swe ka ɔ zea nɛ kasi tɛ ɛnɛ, ɔ bhɔna ka ha gɔa Sɔ hazu ɛnɛ ngimɔ fɛt. Ɔ ha gɔa wɛnɛ nde, Nzɔy-Sɔtɛ adonsi ɛnɛ nɛ ingɔmɔ nɛ mbaramɔ fɛt tuka nde, ɛnɛ aing mɔ ka Sɔ ngoya.

Kolose 4:6

Dea nde, wen nu ɛnɛ adung swe fɛt nɛ yefaa, nɛ fin nɛ baa tuka tɔng. Ɛnɛ aing wal mɛ kifiri wen nɛ wala ha wi ndang ndang fɛt.

1 Tesalonike 1:8

Kpasawen, wen pɛ Kongawan guotɛ ha pɛ ɛnɛ yambili, bo sɔna ha Akai nɛ Masedoane na, ma, kasi mɛkara Sɔ pɛ ɛnɛ dama bhandi fɛt. Mɛgi, ɔ lɛm tɔ fin ma wen hazua na.

1 Tesalonike 4:18

Ey, dea nde, ɛnɛ ayɔkili may nɛ wen ndɔng ki.

2 Tesalonike 3:15

Tangere, ka ɛnɛ azɔk wɛnɛ tuka ngana pɛ ɛnɛ na. Ma, ɛnɛ mbo wɛnɛ tuka ya ɛnɛ.

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

2 Timothée 3:15

Mɛ ingɔ takarata pɛ Sɔ nisi ha ngimɔ bhobem. Takarata ɛngɛ lɛma ha mɛ mbaramɔ hazu kpasi nɛ wal mɛkara Jésus-Christ.

Tite 3:6

Sɔ donsa ɔ lɛtɛtɛ nɛ Nzɔy-Sɔtɛ nɛ wal Jésus-Christ, Wan-kpasisi ɔ,

Jacques 1:5

Ka ma wi ha soko ɛnɛ bo nɛ mbaramɔ na, dea nde, wɛnɛ agɔ yo ha kɔ Sɔ ka beha yo ha wɛnɛ. Hazu Sɔ ha mɔ ha wi fɛt nɛ *dede sila. Wi ka gɔ mɔ ha kɔ wa, Sɔ sɛn wen ha wɛnɛ na.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

Jacques 5:13

Ka ma wi ha soko ɛnɛ kpa yeksamɔ, lɛma nde, wɛnɛ agɔ Sɔ. Ka ma wi nɛ totɛ, lɛma nde, wɛnɛ abe gima lukisi nɛ Sɔ.

1 Jean 2:14

Hio bem pɔm, mi ngɛraka ha ɛnɛ hazu ɛnɛ ingɔ Sɔ, Bafa. Hio bafa mi, mi ngɛraka ha ɛnɛ hazu ɛnɛ ingɔ wi ka dung ang nisi ha ngimɔ ka Sɔ dea nzan. Hio pɔlɔmbɔ wi, mi ngɛraka ha ɛnɛ hazu ɛnɛ nê hio ngawi, ɛnɛ ha pama wen pɛ Sɔ ha sila ɛnɛ, nɛ ɛnɛ gana zu gdanga sɔ kari.

1 Jean 2:24

Hazu ɛngi, wen ka ɛnɛ baze nisi ha angara, ɛnɛ akonzi yo ha zang sila ɛnɛ! Ka hio wen ndɔng ka ɛnɛ baze nisi ha angara bhɔna ha zang sila ɛnɛ, ɛngi osi nde, ɛnɛ fin, ɛnɛ bhɔna ha dea sɔy hinɛ Bewei nɛ Bafa wa.

1 Jean 2:27

Pɛ ɛnɛ, Christ haa ɛnɛ Nzɔy-Sɔtɛ ka de le ha zang sila ɛnɛ. Mɛgi, ɛnɛ lɛm ki fin ma wan-osimɔ na, hazu Nzɔy-Sɔtɛ ha osamɔ fɛt ha ɛnɛ. Nɛ hio mɔ ndɔng ka wɛnɛ osi ha ɛnɛ, yo nê tɛwen, dalo bo ang na. Mɛgi, ɛnɛ abhɔn ha dea sɔy hinɛ Jésus-Christ tuka ka Nzɔy-Sɔtɛ ha osa ha ɛnɛ.

2 Jean 1:2

Hazu tɛwen ang ha tɛ ɔ, nɛ yo bebhɔn ang kpoo.

Gbasamɔ 14:3

Hio dɔka wi ndɔng ha bea ma mbombe gima ha li solowan, ha li hio tunɔ mɔ nar, nɛ ha li hio kotowi bhuze bwa gbala nar. Hio wi ka lɛma yambi gima ɛngɛ, yo sɔna nê hio wi ndɔng tomay gɔmmay ndang nɛ tomay bhukɔa nar gbala nar (144’000), ka Sɔ bayangi mbwa ha nu.

Gbasamɔ 15:3

Mbwa ha bea gima pɛ Moïse, wan-tom pɛ Sɔ, nɛ gima pɛ Besami: «*Kongawan Sɔ, mɛ nê wan-zu mɔ fɛt, hio wi fɛt ha yaksa ha hio gasa deamɔ pɛ mɛ! Mɛ nê kongawan hazu hio kandɔ fɛt, hio bhekamɔ pɛ mɛ nê nzeng, nɛ kpasa!

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.