Kolose 3:15 - Takarata pɛ Sɔ Mbombe Mbon

¹⁵ Dea nde, gaamɔ pɛ Christ angbɔsi sila ɛnɛ. Hazu Sɔ saa ɛnɛ ha gaamɔ ɛngɛ tuka nde, ɛnɛ adung tɛ ndang. Ɛnɛ aha oeba ha Sɔ ha wena.

Kolose 3:15 ပူးပေါင်းရင်းမြစ်များ

Jean 14:27

«Hazu kɛ tɛ nɛ ɛnɛ, mi gde gaamɔ ha sila ɛnɛ. Yo nê gaamɔ pɔm, ka mi ha ha ɛnɛ. Yo bo nê gaamɔ ɛngɛ ka hio wi mɔ nzan ha na. Ka ɛnɛ adung nɛ nɔzang na, nɛ ka ɛnɛ ayu ke na.

Jean 16:33

Mi tɔa wen ndɔng ha ɛnɛ bingiri tuka nde, ɛnɛ fɛt ka dol tɛ hinɛ mi, ɛnɛ adung nɛ gaamɔ. Ɛnɛ bekpa yeksamɔ ha kɔ wi mɔ nzan. Ma, ɛnɛ ba da hazu mi gana zu nzan kari!»

Rome 1:21

Hazu, ngase ka mbwa ingɔ nde Sɔ ang, mbwa lukisi wɛnɛ tuka Sɔ na, nɛ mbwa tɔ oeba ha wɛnɛ na. Ma, mbwa kpala tɛ takiri nɛ hio tum mɔ, nɛ mbwa tɛ bo nê yera wi ka dung ha zang tutum.

Rome 14:17

Hazu, *Kongakandɔ pɛ Sɔ, yo zɔk wen yɔngamɔ nɛ nɔa mɔ na. Ma, yo zɔk wen dea nzengmɔ, gaamɔ, nɛ totɛ ka tɛ nɛ wal *Nzɔy-Sɔtɛ.

Rome 15:13

Sɔ ka de nde, hio wi agde tazu mbwa ha tɛ wa, wɛnɛ adonsi sila ɛnɛ nɛ totɛ nɛ gaamɔ fɛt nɛ wal mɛkaramɔ, ka ɛnɛ mɛkiri nɛ wɛnɛ. Mɛgi, nɛ wal ngatɛ pɛ *Nzɔy-Sɔtɛ ɛnɛ bebhɔn ka ha gdea tazu ɛnɛ ha tɛ wa swe fɛt.

Rome 5:1

Ey, Sɔ gdea ɔ nzeng ha li wa hazu ɔ mɛkara wɛnɛ. Mɛgi, sising, ɔ tɛ bo nɛ gaamɔ ha soko ɔ hinɛ wɛnɛ nɛ wal mɔ ka *Kongawan pɛ ɔ, Jésus-Christ, dea.

1 Korente 10:17

Mampa ka nê ndang sɔna. Mɛgi, ɔ, dɔka wi fɛt, ɔ ka nê kilitɛ ndang hazu ɔ ha yɔnga ndangtɛ mampa ndang.

1 Korente 7:15

Tangere, wi ka tɛ mɛkiri Christ na, ka wɛnɛ ngoy mɛ yang may, wɛnɛ ayang. Ma mɔ ka hɛl ya ha Christ ha tɛ wi ɛngɛ bo fin na, hazu Sɔ saa ɔ mɛ dung sɛɛ ha zang gaamɔ.

2 Korente 4:15

Mɔ ndɔng fɛt kpa may hinɛ ɔ hazu ɛnɛ, tuka nde, dɔka hio wi ka Sɔ de *dede sila ha tɛ mbwa ayɛbhi pen mɔ sɔngsi. Mɛgi, hio dɔka wi nɛnɛ beha oeba nɛ lukosomɔ ha Sɔ.

2 Korente 9:11

Sɔ beha ɛnɛ kpaamɔ ka lɛm hazu ɛnɛ, tuka nde, ɛnɛ akpa wal mɛ de ngay swe fɛt. Mɛgi dɔka wi belukisi Sɔ hazu mɔ ka ɛnɛ gde ha kɔ ɔ mɛ ku nɛnɛ ha mbwa.

Efeze 4:16

Yo nê wɛnɛ ka wesiri hio gbakɔtɛ wa nɛtɛ-nɛtɛ gde ha may, nɛ ka gbari kilitɛ wa nɛ wal hio dɔka dokaratɛ wa. Mɛgi, ka hio gbakɔtɛ wa fɛt ha dea tom nɛdedea, kilitɛ wa fɛt bekpɔtɛ nɛ kpa ngatɛ nɛ wal ngoya may.

Efeze 4:4

Ɔ ka nê kilitɛ ndang. Nɛ Nzɔy-Sɔtɛ ka nê ndang. Mɔ ka Sɔ saa nɛ ɔ mɛ gde tazu ang, yo ka fin ndang.

Efeze 5:1

Sising ɛnɛ tɛ bo nê hio bem pɛ Sɔ ka wɛnɛ ngoya pentɛ. Mɛgi, ɛnɛ zɔk pata deamɔ pɛa de nɛ pɛ ɛnɛ.

Efeze 5:20

Ɛnɛ tɔ oeba ha Sɔ, Bafa ɔ, hazu mɔ fɛt ha ngimɔ fɛt nɛ ling Kongawan pɛ ɔ, Jésus-Christ.

Kolose 1:12

Ɛnɛ aha oeba nɛ totɛ ha Sɔ, Bafa ɔ, ka dea nde, ɛnɛ alɛm kpa mɔ likɔ ka wɛnɛ bhɔngara keri nɛ hio nzɔy wi pɛa ha zang saamɔ.

Kolose 2:7

Ɛnɛ abhɔn ka ha tɛ wa tuka gunkute ka lea nu ngi-ngi-ngi. Ɛnɛ azati ha mɛkara wɛnɛ nɛ nɔa nging tuka ɛ osa ha ɛnɛ. Nɛ ɛnɛ aha oeba ha wɛnɛ nɛdɔka.

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.

1 Tesalonike 5:18

Ɛnɛ aha oeba ha Sɔ ha zang mɔ fɛt. Hazu Sɔ ngoya nde, ɛnɛ ka de sɔy hinɛ Jésus-Christ, ɛnɛ ade mɛgi.

1 Timothée 2:1

Sɔngsi mɔ fɛt, mi ha mbɔla nde, ɔ a-ani mɔ ha kɔ Sɔ, ɔ agɔ wɛnɛ, ɔ agɔ fin wɛnɛ hazu hio wi fɛt, nɛ ɔ aha oeba ha wɛnɛ hazu mbwa.

1 Timothée 6:12

Mɛ bi dede bulo ha wal mɔ Sɔ tuka nde, mɛ akpa *tunɔ kpoo tuka kɛamɔ. Sɔ saa mɛ hazu kpa yo ha ngimɔ ka mɛ kɛa wen mɛkaramɔ pɛ mɛ ha li hio dɔka wi.

Hebro 13:15

Mɛgi, ɔ aha sadaka lukosomɔ ha Sɔ ngimɔ fɛt nɛ wal Jésus. Yo nde, ɔ abhɔn ka ha lukoso ling Sɔ nɛ wal hio wen nu ɔ.

Gbasamɔ 7:12

Nɛ mbwa tɔa: «Amen. Lukosomɔ, *lɛkɛ-lɛkɛmɔ, mbaramɔ, oeba, wolsamɔ, ziomɔ, nɛ ngatɛ adung nê pɛ Sɔ pɛ ɔ kpoo nɛ kpoo! Amen.»