Kolose 3:11 - Takarata pɛ Sɔ Mbombe Mbon

¹¹ Mɛgi, kandɔ *zuife, hio olo kandɔ, hio wan-gɔn sɔru, hio wan-sɔru, hio wi mɔ bebe le, hio tombɔ, hio bala nɛ hio bele, mbwa fɛt bo fin nɛtɛ-nɛtɛ na. Gasa mɔ, yo ka nê Christ, ka dung ang ha tɛ mbwa fɛt.

Kolose 3:11 ပူးပေါင်းရင်းမြစ်များ

Jean 14:23

Jésus kiforo wen ha wɛnɛ: «Wi ka ngoy mi, wɛnɛ bede mɔ lɛm nɛ wen pɔm, nɛ Bafa mi bengoy wɛnɛ. Mɛgi, mi nɛ Bafa mi, ɔ betɛ ha pɛa, nɛ ɔ bede le ha sila wa.

Jean 15:5

«Mi nê gunte, nɛ ɛnɛ nê hio gbakɔa. Wi ka bhɔn ha tɛ mi, nɛ ka mi bhɔn ha tɛ wa, wia beway nɛdɔka. Hazu ka mi bo ha tɛ ɛnɛ na, ki ɛnɛ lɛm de ma mɔ na.

Jean 17:23

mi ang ha tɛ mbwa, nɛ mɛ ang ha tɛ mi. Mɛgi, mbwa bedung tɛ ndang nɛkpasa, tuka nde, hio wi mɔ nzan aing nde, yo nê mɛ ka tomsa mi, nɛ nde, mi ngoya mbwa gbesi tuka ka mɛ ngoya nɛ mi.

Deamɔ 15:17

tuka nde, hio olo wi fɛt nɛ hio kandɔ fɛt, ka mi basa mɛ tɛ hio wi pɔm, aki mi, Kongawan. Mi bede mɔ ndɔng,

Deamɔ 28:2

Hio wi mɛ kisi ɛngɛ dea ngay ha tɛ ɔ, nɛ mbwa baa ɔ nɛ dede kɔ. Mbwa lɛa gasa we ha ɔ, hazu kolo dungɔ ha ɔla, nɛ gangmɔ ang pentɛ.

Deamɔ 28:4

Ka hio wi mɛ kisi ɛngɛ zɔka gɔk ha kɔ Paul ndɛlɛlɛ, mbwa tɔa ha soko may: «Tɛwen, wi kɛ nê nagbɛwi. A kpɔya mɔ ha li, ma, sɔ kundiki mɔ pɛ ɔ tɛ ngoy nde, wɛnɛ adung nɛ zutunɔ na.»

Rome 1:14

Lɛma ka lɛm nde, mi abul Dede Wen ha hio wi fɛt: Ha ɛ ndɔng ka li mbwa bhaa, ha ɛ ndɔng ka li mbwa tɛ bha na, ha ɛ ndɔng ka yamba mɔ, nɛ ha ɛ ndɔng ka tɛ yambi mɔ na.

Rome 10:12

Mɛgi, Sɔ gba soko hio *zuife nɛ hio olo kandɔ na. Hazu Kongawan pɛ mbwa fɛt ka nê ndang sɔna. Wɛnɛ ha kapana yɛbha kpaamɔ pɛa ha wi fɛt ka sa ling wa.

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

Rome 3:29

Mana ɛnɛ takiri pɛ ɛnɛ nde, Sɔ nê Sɔ pɛ hio *zuife sɔna nde? Bo nê wɛnɛ fin nê Sɔ pɛ hio olo kandɔ, na nde? Ey, wɛnɛ fin nê Sɔ pɛ hio olo kandɔ.

1 Korente 12:13

Ngase ɔ nê kandɔ *zuife mana olo kandɔ, ngase ɔ nê bala mana bele, yo nê ndanga *Nzɔy-Sɔtɛ ndang ka wesara ɔ gde tuka kilitɛ ndang nɛ wal gdumso ɔ ha li. Nɛ yo nê ndangtɛ Nzɔy-Sɔtɛ ɛngɛ ka don ha zang sila ɔ.

1 Korente 14:11

Ma, ka mi ing nu le pɛ wi ka wol mɔ ha mi na, wɛnɛ dung tuka tombɔ ha li mi, nɛ mi fin tuka tombɔ ha li wa.

1 Korente 7:19

Wan-gɔn sɔru mana wan-sɔru, yo de mɔ na. Gasa mɔ sɔna nde, ɔ apam hio wen *mbonga pɛ Sɔ.

Galasi 2:20

Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Efeze 1:23

Giliwi mɔ eglize nê kilitɛ Christ. Wɛnɛ ang nɛ tɛ wa ha soko mbwa, wɛnɛ ka ang ha zang mɔ fɛt ha bhandi fɛt.

Efeze 2:14

Ɔ dung nɛ gaamɔ ha soko may hazu Christ. A wesara kandɔ zuife nɛ hio mbing kandɔ gde tuka ndanga kandɔ kari. Sɛna may dungɔ sɔngsi tuka ngeng ka kɛtana soko ɔ, ma, Christ gbinɔ yo yunɛ ha ngimɔ ka wɛnɛ gdea tɛ wa ha fio.

Efeze 2:15

A tukolo hio haanu nɛ hio mbɔla pɛ *mbonga pɛ hio zuife yunɛ. A dea mɛgi hazu wesiri hio zuife nɛ ɛ ndɔng ka bo nê zuife na, gde tuka mbombe wi ndang, ka de sɔy hinɛ wɛnɛ. Nɛ wal dea mɛgi a gdea gaamɔ ha soko mbwa.

Efeze 3:17

Mi gɔ Sɔ nde, Christ ade le ha zang sila ɛnɛ hazu ɛnɛ mɛkara wɛnɛ. Mi gɔ fin nde, ɛnɛ adung nɛ nɔa ngi-ngi-ngi ha zang ngoy.

Efeze 3:6

Mɔ ɛngɛ, yo nde: Nɛ wal Dede Wen, hio wi ndɔng ka bo nê zuife na, Sɔ beha mbwa ndangtɛ likɔ hinɛ hio zuife gbesi. Mbwa tɛ bo nê kilitɛ ndang hinɛ hio zuife gbesi. Mɛgi, mbwa bwa fɛt gbesi bekpa mɔ ka Sɔ gɔna nua nɛ wal Jésus-Christ.

Efeze 6:8

Tazu ɛnɛ agba nde, Kongawan bekɛ wi ndang ndang fɛt lɛm nɛ tom ka wia dea. Ngase ka wia nê bala mana bele.

Kolose 2:10

Nɛ ɛnɛ kpaa tɛ kpasa tunɔ nɛ wal sɔy ka ɛnɛ de hinɛ Christ, ka dung nê wan hazu hio sɔtɛ gan zu mɔ nɛ hio nga sɔtɛ fɛt.

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.

2 Jean 1:9

Wi fɛt ka pam osamɔ pɛ Christ na, mana ka gde ma mɔ nɛtɛ ha zua, tili wi mɛgi bo ha dea sɔy hinɛ Sɔ na. Ma, wi ka pam osamɔ pɛ Christ, tili wi mɛgi ha dea sɔy hinɛ Sɔ, Bafa, nɛ hinɛ Bewei pɛa.