Kolose 2:8 - Takarata pɛ Sɔ Mbombe Mbon

⁸ Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

Kolose 2:8 ပူးပေါင်းရင်းမြစ်များ

Matthieu 10:17

Ɛnɛ pangay, hazu hio wi beku bin ɛnɛ nɛnɛ ha li kita. Nɛ ɛ bezuri ɛnɛ nɛ zambala ha zang hio *twa gɔ Sɔ.

Matthieu 16:6

Nɛ Jésus tɔa ha mbwa: «Ɛnɛ pangay nɛ yina hasisi mampa pɛ hio Farizien nɛ pɛ hio *Sadusien.»

Matthieu 7:15

«Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu.

Deamɔ 17:18

Hio ma wan-mbarimɔ mɔ zugili Epikurien nɛ mɔ zugili Stoisien, zanga wen hinɛ Paul. Hio ma anamɔ: «Nalogorogol ɛngɛ ngoy tɔ nde ge?» Nɛ hio ma, ka zea Paul ha bulo wen fio nɛ guotɛ pɛ Jésus, tɔa pɛ mbwa: «Wɛnɛ nê wan-bul wen gɔn-gɛnɛ sɔ.»

Deamɔ 17:32

Ka hio wi zea wen guotɛ ha soko fiowi, hio ma mama wɛnɛ, nɛ hio ma tɔa: «Ɔ ngoy ze bin mɛ hazu wen ɛngɛ ma ngimɔ.»

Rome 16:17

Hio ya mi, mi mbo ɛnɛ nde, ɛnɛ pangay nɛ hio wi ndɔng ka tɛ nɛ wen kɛtana soko, nɛ ka sungiri hio osamɔ ka ɛnɛ yamba. Mbwa ngoy yɔsisi wi ha dede wal mɔ Sɔ. Ɛnɛ sɔsi mbwa,

1 Korente 10:12

Mɛgi, wi ka takiri pɛa nde, wɛnɛ ha yola ha ngɔn, wɛnɛ pangay yu nde, wɛnɛ betɛ tek ha nu.

1 Korente 8:9

Ɛnɛ tɛ bo sɛɛ hazu de mɔ ka sila ɛnɛ ngoya. Ma, ɛnɛ pangay yu nde, hio deamɔ pɛ ɛnɛ betɛ dak hio mɔka wi ha wal mɔ Sɔ pi ha dea gdangamɔ.

2 Korente 10:5

Ɔ ha yangala hio wen fɛt ka hio wan-sutɛ tɔ hazu gdɔki wal mɛ ing Sɔ. Nɛ hio takaramɔ fɛt ka hio wi takiri ha sila mbwa, ɔ ha gana zua tuka nde, mbwa aze nu Christ.

Galasi 1:14

Mi bayambi mɔ hazu hio ndɔki deamɔ pɛ hio zuife pen hio olo zuife mɔ tanga pɔm. Nɛ mi gdea sila mi ha hio ndɔki deamɔ pɛ ngbabafa ɔ nɛkpasa pen mbwa fɛt.

Galasi 4:3

Yo gbesi nɛ ɔ. Ha ngimɔ ka ɔ badung tuka bhobem, ɔ badung se tuka bala ha si hio ziomɔ nzan.

Galasi 4:9

Sising ɛnɛ ingɔ Sɔ kari, mɛ tɔ tɛwen, yo nê Sɔ ha ing ɛnɛ kari. Ma, ɛnɛ de mɛng mɛ kifiri fin tɛ tɛ dung ha si hio mɔka gbele sɔtɛ ndɔng, ge nde? Hazu ge, ɛnɛ ngoy de tom tuka bala ha mbwa fin nɛ mbinga, ge nde?

Galasi 5:15

Nɛ ka ɛnɛ de mɔ ha soko may tuka hio ngɔnzu ka yɔng may vak-vak, nɛ ka kɔmbiri may zɛgbɛk, ɛnɛ pangay yu nde, ɛnɛ betɛ gdari may mburr.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

Efeze 4:20

Ma, pɛ ɛnɛ, wen pɛ Christ tɛ osi tili deamɔ mɛgi ha ɛnɛ na.

Efeze 5:6

Hio ma wi ha tɔa hio tum wen nde, ɛnɛ ade hio gdangamɔ ndɔng ki. Ka mbwa aosili ɛnɛ na! Yo nê hazu tili gdangamɔ ndɔng ka Sɔ de ngambi sungiri nɛ wi ndɔng ka ze nu wa na.

Filipe 3:2

Ɛnɛ pangay nɛ hio gdanga wan-tom ndɔng, ka dung tuka hio tolo. Mbwa ha nɔsasa hio wi mɛ gɔn sɔru.

Kolose 2:18

Hio ma wi ha dea tom Sɔ nɛ wal zimɔ hio ma mɔ. Mbwa lukisi hio *telenge, nɛ mbwa ba hio lisɔ pɛ mbwa nɛ zioa. Ka ɛnɛ agde mbwa agɔn kita ha zu ɛnɛ na, hazu takaramɔ pɛ mbwa tɛ nɛ ndɔkitɛ mbwa, nɛ mbwa ha suotɛ nɛgbelea.

Kolose 2:20

Ɛnɛ fea hinɛ Christ gbesi. Ɛnɛ bo fin ha si ziomɔ pɛ hio sɔtɛ mɔ nzan ɛngɛ na. Ma, ɛ dea mɛng, ka ɛnɛ ha dea mɔ tuka wi mɔ nzan ɛngɛ, ge nde? Hazu ge ɛnɛ mɛkara hio haanu tuka ɛngɛ, ka tɔ nde,

Kolose 2:22

Hio tili haanu ndɔng tɛ nɛ wal osamɔ pɛ wi, nɛ yo zɔk hio mɔ ka bepen hapata ngimɔ tom pɛ mbwa.

Kolose 2:23

Kpasawen, dea tom Sɔ nɛ wal takaramɔ pɛ wi, zimɔ hio ma mɔ, yeksa tɛ nɛ pɛa tɛ, deamɔ mɛgi dung tuka mbaramɔ ha li hio wi. Ma, mɔ ndɔng fɛt nê gbelemɔ. Yo lɛm gdɔki wal ha hio gdanga hɛl ndɔkitɛ wi na.

1 Timothée 6:20

Timothée, mɛ pam mɔ ka Sɔ gdea ha kɔ mɛ, nɛdedea. Mɛ kafi hio ngbundu wolamɔ ka sungiri Sɔ, nɛ hio zanga wen ka ɛ sa nɛ tum nde, ingɔmɔ.

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

Hebro 3:12

Hio ya mi, ɛnɛ pangay yu nde, ma wi ha soko ɛnɛ betɛ dung nɛ gdanga sila ka kafi Sɔ, nɛ wɛnɛ betɛ lak tunɔ Sɔ gde.

1 Pierre 1:18

Ɛnɛ ingɔ nɛdedea nde, Sɔ hɛa ɛnɛ nɛ ngagɛnɛ gbosisi ha tum ndɔki deamɔ ka hio ngbabafa ɛnɛ baosi ha ɛnɛ. Ngagɛnɛ ɛngɛ bo nê mbɔli ka begdang na.

2 Pierre 3:17

Ka bo nê pɛ ɛnɛ, hio ndɔngsila mi, mi gbaa tazu ɛnɛ kari. Mɛgi, ɛnɛ pangay yu nde, hio *kalbho-kalbho wi betɛ sɛbhili ɛnɛ mɛ ndari mbwa ha gdanga wal pɛ mbwa, nɛ ɛnɛ betɛ lak gde mɛ zati ha wal mɔ Sɔ.

2 Jean 1:8

Ɛnɛ pangay nɛ tɛ ɛnɛ tuka nde, ɛnɛ ayɔsisi waya tom pɛ ɔ na, ma, ɛnɛ akpa mɔ-kɛ ɛnɛ fɛt hɛrr.