Kolose 2:4 - Takarata pɛ Sɔ Mbombe Mbon

⁴ Mi tɔ wen mɔ ndɔng ha ɛnɛ yu nde, ma wi betɛ osili ɛnɛ nɛ dede gɛl.

Kolose 2:4 ပူးပေါင်းရင်းမြစ်များ

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 24:4

Nɛ Jésus kiforo wen ha mbwa: «Ɛnɛ pangay, ka ma wi aosili ɛnɛ na.

Marc 13:22

Hazu, ha ngimɔ ɛngi, hio wan-osili wi begbo nɛ mbwa betɔ: ‹Mi nê Mesi!› Mana mbwa betɔ: ‹Mi nê *wan-tɔkuliwen pɛ Sɔ.› Mbwa bede hio *mɔkifi nɛ hio *mɔweka, nɛ ka mbwa kpa wal, mbwa beosili nɛ hio wi ndɔng ka Sɔ weka.

Deamɔ 20:30

Nɛ hio ma wi ha soko ɛnɛ begutɛ, nɛ mbwa betɔ wen dalo tuka nde, hio ma *wan-yambimɔ pɛ Jésus alak wɛnɛ gde nɛ ndari mbwa.

1 Korente 2:4

Mi osa mɔ nɛ mi bulo wen pɛ Sɔ ha ɛnɛ, bo nɛ wal mbaramɔ hazu nɔsisi sila ɛnɛ na, ma, yo nê *Nzɔy-Sɔtɛ pɛ Sɔ ka ha ngatɛ pɛa ha zang wen pɔm.

2 Korente 11:3

Mɛgi, mi ha yuo ke nde, hio ma wi betɛ gdangsi takaramɔ pɛ ɛnɛ nde, ka ɛnɛ alak mɛkara Christ nɛ saa sila nɛ mɛndi gde, gbesi tuka ka gɔk osala nɛ Eve nɛ wal likisi pɛa.

Galasi 2:4

Ma, hio ma ya ha Christ, ka dung nê wan-dambari, lea ha soko ɔ nɛ wuso. Ka mbwa zɔka nde, Jésus-Christ gbosasa ɔ ha si *mbonga pɛ Moïse gde sɛɛ, mbwa ngoya mɛ gde ɔ ha si mbonga fin nɛ mbinga tuka hio bala.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

Efeze 4:17

Ɛnɛ ze, nɛ ling *Kongawan mi tɔ ha ɛnɛ nɛkpasa nde, ɛnɛ akarsi mɛ de mɔ tuka wi ndɔng ka ing Sɔ na. Hazu deamɔ pɛ mbwa tɛ nɛ wal tum takaramɔ.

Efeze 5:6

Hio ma wi ha tɔa hio tum wen nde, ɛnɛ ade hio gdangamɔ ndɔng ki. Ka mbwa aosili ɛnɛ na! Yo nê hazu tili gdangamɔ ndɔng ka Sɔ de ngambi sungiri nɛ wi ndɔng ka ze nu wa na.

Kolose 2:18

Hio ma wi ha dea tom Sɔ nɛ wal zimɔ hio ma mɔ. Mbwa lukisi hio *telenge, nɛ mbwa ba hio lisɔ pɛ mbwa nɛ zioa. Ka ɛnɛ agde mbwa agɔn kita ha zu ɛnɛ na, hazu takaramɔ pɛ mbwa tɛ nɛ ndɔkitɛ mbwa, nɛ mbwa ha suotɛ nɛgbelea.

Kolose 2:8

Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

2 Timothée 2:16

Ka mɛ api nu mɛ ha zanga hio tum wen ka sungiri Sɔ, na. Hazu hio wi ndɔng ka zang wen mɛgi, mbwa bekafi Sɔ nɛnɛ sɔngsi.

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

1 Jean 2:18

Hio bem pɔm, kpogio ngimɔ koka kari. Ɛnɛ baze nde, wan-sungiri Christ behɔ bin. Ma, sising, hio dɔka wan-sungiri Christ hɔa kari. Yo osi ha ɔ nde, kpogio ngimɔ koka kari.

1 Jean 2:26

Mi ha ngɛraka mɔ ndɔng ha ɛnɛ hazu gba nɛ tazu ɛnɛ nɛ hio wi ndɔng ka ngoy mɛ osili ɛnɛ.

1 Jean 4:1

Hio ndɔngsila mi, hio wi ndɔng ka tɔ nde, *Nzɔy-Sɔtɛ ha tɛ mbwa, ka ɛnɛ amɛkiri mbwa fɛt na. Ma, ɛnɛ awe sɔtɛ ka dung ha tɛ mbwa hazu ing mana yo tɛ nɛ pɛ Sɔ. Hazu hio *wan-tɔkuliwen dalo dona nzan kari.

2 Jean 1:7

Dɔka hio wan-osili wi dama nzan fɛt. Mbwa tɛ mɛkiri nde, Jésus-Christ yola tɛ wi na. Tili wi mɛgi nê wan-osili wi, nɛ fin wan-sungiri Christ.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 13:8

Hio wi mɔ zu nu fɛt belukisi wɛnɛ tuka ma sɔ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Takarata ɛngɛ nê pɛ Besami ka ɛ bagbɛ.

Gbasamɔ 20:3

Nɛ telenge pio wɛnɛ ha zang fongo, a gɔma nua, nɛ a sɔbha nua nɛ gdangi tuka nde, ndibha aosili hio kandɔ fin na, kanɛ bɛlɛ tomay ndang pena ing. Hapata bɛlɛ ndɔng, lɛma nde, ɛ agbosisi wɛnɛ hazu bebe ngimɔ.

Gbasamɔ 20:8

A benɛ nɛ osili hio kandɔ mɔ zu nu fɛt, ling hio kandɔ ndɔng nde, Gog nɛ Magog. A bewesiri mbwa fɛt hazu bi bulo, nɛ mbwa beyɛbhi tuka gbala lembe ha nukolo nana-litɔng.